រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា គិតមកត្រឹមវេលាម៉ោង៩និង៣០នាទីព្រឹកថ្ងៃទី២៧ កុម្ភៈ នេះ អគ្គិភ័យបានឆាបឆេះរោងចក្រផលិតបារីមួយកន្លែងមានទំហំ៥០ម៉ែតគុណនឹង៧០ម៉ែត្រ សាងសង់អំពីថ្មប្រក់ស័ង្កសី ដែលមានទីតាំងនៅជិតវត្តព្រៃស្ពឺ ស្ថិតក្នុងសង្កាត់ចោមចៅទី២…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា គិតមកត្រឹមវេលាម៉ោង៩និង៣០នាទីព្រឹកថ្ងៃទី២៧ កុម្ភៈ នេះ អគ្គិភ័យបានឆាបឆេះរោងចក្រផលិតបារីមួយកន្លែងមានទំហំ៥០ម៉ែតគុណនឹង៧០ម៉ែត្រ សាងសង់អំពីថ្មប្រក់ស័ង្កសី ដែលមានទីតាំងនៅជិតវត្តព្រៃស្ពឺ ស្ថិតក្នុងសង្កាត់ចោមចៅទី២ ខណ្ឌពោធិ៍សែនជ័យ បណ្តាលឱ្យអគាររោងចក្ររលំរាបដល់ដី រងការខូចខាតទាំងស្រុង ប៉ុន្តែភ្លើងនៅមិនទាន់រលត់នៅឡើយទេ ខណៈរថយន្តពន្លត់អគ្គិភ័យនៅតែបន្តធ្វើការបាញ់ពន្លត់ ចំណែកគ្រឿងចក្រចំនួន២គ្រឿងកំពុងកាយ ដើម្បីឱ្យរថយន្តពន្លត់អគ្គិភ័យអាចបាញ់ទឹកពន្លត់ដល់បាតក្រោម ។ គួររំលឹកថា រោងចក្របារីឆេះពីអធ្រាត្រដល់ព្រឹក ជិតវត្តព្រៃស្ពឺមិនដឹងមូលហេតុ
តាមសេចក្តីរាយការណ៍បានបន្តថា នាព្រឹកនេះដែរក៏មានវត្តមានលោកទេសរដ្ឋមន្ត្រី គន់ គីម ចុះមកពិនិត្យទីតាំងកើតហេតុខាងលើនេះ ។
តាមសេចក្តីរាយការណ៍បានបន្តទៀតថា ក្នុងហេតុការណ៍ខាងលើ បណ្តាលឱ្យសម្ភារដូចជា កេសក្រដាស, ក្រដាសសម្រាប់មូរបារី និងម៉ាស៊ីនសង្វាក់ផលិតកម្មជាច្រើនគ្រឿងត្រូវអគ្គិភ័យឆាបឆេះរងការខូចខាតអស់ទាំងស្រុង ។ ចំពោះមូលហេតុ និងទំហំនៃការខូចខាតមិនទាន់ដឹងនៅឡើយទេ តែត្រូវបានគេសង្ស័យថា បណ្តាលមកពីឆ្លងចរន្តអគ្គីសនីចេញពីម៉ាស៊ីនសង្វាក់ផលិតកម្មផលិតបារី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ