បណ្ឌិតមួយរូបថា ឪពុកម្តាយកុំដាក់គុកគំនិតកូន
លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា កាលពីថ្ងៃទី១០ ខែឧសភា ឆ្នាំ២០២៦ បានចែករំលែកនៅលើបណ្តាញសង្គម នៅចំថ្ងៃទិវាម្តាយថា ឪពុកម្តាយកុំដាក់គុកគំនិតកូន…
លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា កាលពីថ្ងៃទី១០ ខែឧសភា ឆ្នាំ២០២៦ បានចែករំលែកនៅលើបណ្តាញសង្គម នៅចំថ្ងៃទិវាម្តាយថា ឪពុកម្តាយកុំដាក់គុកគំនិតកូន
លោកបណ្ឌិតបានចែករំលែកសារនេះនៅលើបណ្តាញសង្គមថា ៖ ខ្ញុំប្រាប់មាតាបិតាសិស្សថា «កុំដាក់គុកគំនិតកូន កុំឱ្យកូនរស់ក្រៅសម័យកាល» ។
ក្រោយការបង្ហោះសារនេះ មានប្រជាពលរដ្ឋខ្លះគាំទ្រ ហើយខ្លះទៀតបានលើកឡើងថា កាលណាឪពុកម្តាយបើកឲ្យកូនទូលាយពេក ពួកគេអាចដើរផ្លូវខុស ។
ដោយឡែកខ្លះទៀត បានស្នើសុំការពន្យល់បន្ថែម លើទស្សនៈយោបល់នេះ ប៉ុន្តែបុរសវ័យ៤៧ឆ្នាំម្នាក់ ដែលសុំមិនបញ្ចេញយោបល់បានលើកឡើងថា គំនិតនេះត្រឹមត្រូវ៥០ ទល់ ៥០ ។
លោកបានលើកឡើងថា សម័យនេះក្មេងគំនិត និងទស្សនៈពួកគេបើកទូលាយច្រើនណាស់ ហើយការយល់ដឹងរបស់ពួកគេក៏ទូលំទូលាយដែរ ។ ប៉ុន្តែឪពុកម្តាយមិនអាចបណ្តែតបណ្តោយពេញទំហឹងបានទេ ។
លោកបានបញ្ជាក់ថា «សម្រាប់ខ្ញុំយល់ថា បើកឲ្យគេបញ្ចេញទៅ តែពេលអនុវត្តឪពុកម្តាយកុំសេរីតាមគំនិតគាត់ គឺជួយកេះជួយគោះតម្រឹម ។
លោកបានបន្តថា ក្មេងៗឥឡូវគេដឹងផ្លូវ ប៉ុន្តែយើងជាឪពុកម្តាយ គឺមានបទពិសោធន៍ ដូច្នេះដើម្បីកុំអោយពួកគេរអិលធ្លាក់គ្រលុក យើងអាចគោះតម្រង់ពួកគេបន្តិចៗ ៕
ចែករំលែកព័តមាននេះ