ខេត្តកំពង់ធំ ៖ លោកឧត្តម សេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ ព្រមទាំងមេបញ្ជាការរង ដឹកនាំកម្លាំងកងរាជអាវុធហត្ថខេត្តសរុបចំនួន៥២នាក់ នៅថ្ងៃទី ២៦ ខែសីហា ឆ្នាំ២០១៤ ចុះជួយសាងសង់ផ្ទះ១ខ្នងជូនប្រជាពលរដ្ឋដែលរងគ្រោះមហន្តរាយខ្យល់កន្ត្រាក់ ។
ខេត្តកំពង់ធំ ៖ លោកឧត្តម សេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ ព្រមទាំងមេបញ្ជាការរង ដឹកនាំកម្លាំងកងរាជអាវុធហត្ថខេត្តសរុបចំនួន៥២នាក់ នៅថ្ងៃទី ២៦ ខែសីហា ឆ្នាំ២០១៤ ចុះជួយសាងសង់ផ្ទះ១ខ្នងជូនប្រជាពលរដ្ឋដែលរងគ្រោះមហន្តរាយខ្យល់កន្ត្រាក់ ។
លោកវរសេនីយ៍ត្រី ឃុន ប៊ុនហូ មេបញ្ជាការកងរាជអាវុធហត្ថស្រុកស្ទោងប្រាប់ថាដោយមើលឃើញពីទុកលំបាកក្នុងការរស់នៅរបស់គ្រួសារ១ដែលរងគ្រោះដោយត្រូវខ្យល់បោករលំផ្ទះនោះ ទើបរូបលោកសុំយោបល់ពីលោក ឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ រកជំនួយពីសប្បុរសជនជាមន្ត្រីកងរាជអាវុធហត្ថខេត្តនិងកងរាជអាវុធហត្ថស្រុកស្ទោងសហការគ្នា ចុះជួយសាងសង់ផ្ទះជូនប្រជាពលរដ្ឋ ១ខ្នង មានទំហំ ៥ម៉ែត្រគុណ៦ម៉ែត្រ ធ្វើអំពីឈើប្រក់សង្ក័សី ដែលស្ថិតនៅក្នុង ភូមិស្ពានគ្រង ឃុំចំណាក្រោម ស្រុកស្ទោង ខេត្តកំពង់ធំ ។
លោក ភៀង រ៉ា អាយុ ៤៧ឆ្នាំ និងភរិយាឈ្មោះ ហៀង ជា អាយុ ៤០ឆ្នាំ មានកូនចំនួន៦នាក់ ជាម្ចាស់ផ្ទះបានឲ្យដឹងថា កាលពីចុងខែមិថុនា ឆ្នាំ២០១៤ មានព្យុះភ្លៀងលាយលំជាមួយខ្យល់កន្ត្រាក់ បានបណ្តាលឲ្យផ្ទះរបស់ពួកគាត់ត្រូវខ្យល់បោកបក់បណ្តាលឲ្យរលំខូចខាតទាំងស្រុងរួមជាមួយនិងសម្ភារប្រើប្រាស់មួយចំនួនទៀត តែសំណាងល្អមិនបណ្តាលឲ្យមានគ្រោះថ្នាក់ដល់អាយុជិវិត បន្ទាប់ពីទទួលបានផ្ទះ១ខ្នងសម្រាប់រស់នៅសមរម្យវិញនោះ ទាំង២នាក់ប្តីប្រពន្ធមានការត្រេកអររកអ្វីប្រៀបផ្ទឹមពុំបាន។
ចែករំលែកព័តមាននេះ