បុរសឥណ្ឌាសប្បាយចិត្តពេលឃើញ Idol(លោកត្រាំ)មកលេងស្រុករបស់ខ្លួន
ឥណ្ឌា ៖ បុរសម្នាក់ឈ្មោះ Bussa Krishna បានចាត់ទុកប្រធានាធិបតីអាមេរិក លោក Donald Trumpជាព្រះរបស់ខ្លួន ដែលខ្លួនតែងតែគោរពបូជាជារៀងរាល់ថ្ងៃ…
ឥណ្ឌា ៖ បុរសម្នាក់ឈ្មោះ Bussa Krishna បានចាត់ទុកប្រធានាធិបតីអាមេរិក លោក Donald Trumpជាព្រះរបស់ខ្លួន ដែលខ្លួនតែងតែគោរពបូជាជារៀងរាល់ថ្ងៃ ។ គេបានបន់ស្រន់លើរូបថតរបស់ Trump ដោយមានដាក់សំណែនមួយចំនួន ដូចជាល្មៀត និងផ្កាជាដើម។
បុរសវ័យ៣៣ឆ្នាំ មកពីភូមិដាច់ស្រយាល ក្នុងរដ្ឋតេនហ្គាណា ប្រទេសឥណ្ឌា បានធ្វើឱ្យគ្រប់គ្នាមានការចាប់អារម្មណ៍ទៅលើទង្វើដ៏ចម្លែករបស់ខ្លួន កាលពីប៉ុន្មានឆ្នាំមុន ដោយសារតែគាត់បានគោរពបូជារូបថតរបស់ប្រធានាធិបតីអាមេរិក ។
ឥឡូវនេះ ជាមួយនឹងដំណើរទស្សនកិច្ចរយៈពេលពីរថ្ងៃរបស់លោក Trump ទៅកាន់ប្រទេសឥណ្ឌា ក្រោមប្រធានបទ Krishna ក៏ផ្ទុះឡើងម្តងទៀត ។ រឿងរ៉ាវជាច្រើនបានកើតឡើង ក្នុងរយៈពេលពីរឆ្នាំចុងក្រោយនេះ ប៉ុន្តែការលះបង់របស់គ្រីស្សាណាចំពោះលោក Donald Trump នៅតែមិនផ្លាស់ប្តូរ។
លោក Krishna បាននិយាយថា៖ «ខ្ញុំចង់ឲ្យទំនាក់ទំនងឥណ្ឌា-អាមេរិកនៅតែរឹងមាំ។ រៀងរាល់ថ្ងៃសុក្រ ខ្ញុំតមអាហារ ដើម្បីបន់ស្រន់ឱ្យលោក Trump មានអាយុវែង ។ ខ្ញុំក៏កាន់រូបគាត់ហើយអធិដ្ឋានទៅគាត់មុនពេលចាប់ផ្តើមការងារណាមួយ។ ខ្ញុំចង់ជួបគាត់ ខ្ញុំស្នើសុំរដ្ឋាភិបាលធ្វើឱ្យក្តីសុបិន្តរបស់ខ្ញុំក្លាយជាការ
ពិត»។
គាត់បានអួតអំពីគម្រោងសាងសង់ព្រះវិហារសម្រាប់ Trump កាលពី២ ឆ្នាំមុន។ មកដល់ពេលនេះ គាត់បានធ្វើរូបសំណាក់មួយ ដែលមានកម្ពស់៦ហ្វីត និងចំណាយកម្លាំងមនុស្ស១៥នាក់ក្នុងការសាងសង់ នៅក្នុងកសិដ្ឋានរបស់គាត់ ដើម្បីធ្វើការអធិស្ឋានជារៀងរាល់ថ្ងៃ៕
ចែករំលែកព័តមាននេះ