កូរ៉េ​ខាងត្បូង ៖ COVID-19 ផ្តាច់​ជីវិត​មនុស្ស​​​៧​នាក់ និង​​ឆ្លង​ថ្មី​១៦១​នាក់​


ប្រទេស​កូរ៉េ​ខាងត្បូង ៖ យោង​តាម​YONHAP​ថា កូរ៉េ​ខាងត្បូង​រាយការណ៍​នា​ថ្ងៃ​ទី​២៤​កុម្ភៈ ពី​មនុស្ស​ទី​៧​ដែលបាត់​បង់​ជីវិត​​ដោយសារ​ឆ្លង​វីរុស​COVID-19 និង​ពី​អ្នក​ឆ្លង​ថ្មី​១៦១​នាក់​ទៀត ធ្វើ​ឲ្យ​ចំនួន​អ្នក​ឆ្លង​សរុប​ក្នុង​ប្រទេស​នេះ​ឡើង​ដល់​៧៦៣​នាក់​។

អាជ្ញាធរ​សុខាភិបាល​កូរ៉េ​ខាងត្បូង​ប្រកាស​ថា បុរស​ម្នាក់​អាយុ​៦២​ឆ្នាំ​ទាក់ទិន​នឹង​មន្ទីរពេទ្យ​DAENAM ក្រុង​CHEONGDO​បាន​​បាត់​បង់​ជីវិត​​កាលពី​ថ្ងៃ​ទី​២៣​កុម្ភៈ ដោយសារ​វីរុស​មាន​ប្រភព​ដំបូង​មក​ពី​ប្រទេស​ចិន នាំ​ឲ្យ​ចំនួន​អ្នក​ស្លាប់​នៅ​កូរ៉េ​ខាងត្បូង​ឡើង​ដល់​៧​នាក់ ចាប់តាំងពី​វា​លេច​ក្នុង​ប្រទេស​នេះ​ពី​ដំណាច់​ខែមករា​មក​។

ចំនួន​អ្នក​ឆ្លង​ក្នុង​សាខា​មួយ​នៃ​ព្រះ​វិហារ​គ្រឹ​ស្ត SHINCHEONJI ក្នុង​ទីក្រុង​DAEGU​ភាគ​អាគ្នេយ៍​ប្រទេស និង​ក្នុង​មន្ទីរពេទ្យ​DAENAM​មានការ​កើនឡើង​លឿន​ដូច​ព្រួញ តំណាង​ឲ្យ​ជាង​ពាក់​កណ្ដាល​នៃ​ចំនួន​អ្នក​ឆ្លង​សរុប​ក្នុង​ប្រទេស​។ ក្នុង​ចំណោម​អ្នក​ឆ្លង​ថ្មី​១៦១​នាក់​១៤២​នាក់​កើត​មាន នៅ​ក្រុង​DAEGU​ចម្ងាយ​ប្រមាណ​ជា​៣០០​គីឡូម៉ែត្រ​ភាគ​អាគ្នេយ៍​ក្រុង​សេ​អ៊ូ​ល និង​ក្នុង​ខេត្ត​GYEONGSANG​ខាងជើង​។ អ្នក​ឆ្លង​៣​នាក់​នៅ​ក្រុង​សេ​អ៊ូ​ល​។

កាលពី​ថ្ងៃ​ទី​២៣​កុម្ភៈ​កូរ៉េ​ខាងត្បូង​បាន​បង្កើន​ការ​ប្រកាស​អាសន្ន​កម្រិត​ខ្ពស់​បំផុត គឹ​ការ​ប្រកាស​អាសន្ន​ក្រហម​ជា​លើក​ដំបូង ពុំ​ធ្លាប់​មាន​ចាប់តាំងពី​ឆ្នាំ​២០០៩ ជា​ឆ្នាំ​លេច​ជំងឺ​គ្រុនផ្ដាសាយ​បក្សី​A(H1N1)​មក​។ ការ​ប្រកាស​អាសន្ន​កម្រិត​ខ្ពស់​បែប​នេះ អាច​ឲ្យ​អាជ្ញាធរ​ចេញ​បញ្ជា​បិទ​បណ្ដោះ​អាសន្ន​បណ្ដា​សាលារៀន​និង​បញ្ឈប់​ការ​ហោះហើរ​នៃ​យន្តហោះ ចេញចូល​កូរ៉េ​ខាងត្បូង​។

ក្រសួង​អប់រំ​បាន​ចេញ​បញ្ជា​ដល់​គ្រប់​សាលារៀន ក្នុង​នោះ​មាន​បណ្ដា​ម​ត្តេ​យ្យ​សាលា ឲ្យ​ពន្យារ​ពេល​​មួ​យស​ប្ដា​ហ៍​ការ​ចូល​រៀន​ដើម្បី​បង្ការ​ពី​ការ​ឆ្លង​ធំ​នៃ​វីរុស​៕ ដកស្រង់​ចេញពី​វេ​ប​សាយ ៖ yna (​កែសម្រួល​ដោយ ៖ បុប្ផា​)

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ