ខេត្តស្ទឹងត្រែង ៖ រដ្ឋបាលខេត្តស្ទឹងត្រែង កាលពីថ្ងៃទី២២ ខែកុម្ភៈ ឆ្នាំ២០២០ បានទទួលបដិសណ្ឋារកិច្ចធ្វើជាម្ចាស់ផ្ទះក្នុងការរៀបចំសន្និសីទអន្តរជាតិ លើកទី២ ស្តីពី «ការកសាងខ្សែបន្ទាប់ព្រំដែន សន្តិភាព មិត្តភាព និងសហប្រតិបត្តិការល្អរវាងរណ:សិរ្សនៃប្រទេសទាំងពីរ កម្ពុជា-ឡាវ» សន្និសីទអន្តរជាតិនេះធ្វើឡើងបានធ្វើឡើងរយៈពេលពេញមួយថ្ងៃ នៅសាលាខេត្តស្ទឹងត្រែង ។
ដោយមានគណៈប្រតិភូនៃរាជរដ្ឋាភិបាលកម្ពុជាដឹកនាំដោយលោក ស៊ឹម កា សមាជិកគណៈអចិន្ត្រៃយ៍គណៈកម្មាធិការកណ្តាល គណៈបក្សប្រជាជនកម្ពុជាអនុប្រធានទី១នៃព្រឹទ្ធសភា និងជាអនុប្រធានក្រុមប្រឹក្សាជាតិរណៈសិរ្សសាមគ្គី អភិវឌ្ឍន៍មាតុភូមិកម្ពុជា តំណាងដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានកិត្តិយស គណ:បក្សប្រជាជនកម្ពុជាប្រធានរដ្ឋសភា និងជាប្រធានក្រុមប្រឹក្សាជាតិរណៈសិរ្សសាមគ្គី អភិវឌ្ឍន៍មាតុភូមិកម្ពុជា ។
ដោយឡែក គណៈប្រតិភូឡាវដឹកនាំដោយលោក ខាំបៃ ដាំឡាត់ សមាជិកមជ្ឈិមបក្សប្រជាជនបដិ វត្តន៍ឡាវ និងជាអនុប្រធានគណៈកម្មាធិការមជ្ឈិមរណៈសិរ្សអភិវឌ្ឍន៍ជាតិឡាវ ។
លោក ម៉ុម សារឿន សមាជិកគណៈកម្មាធិការកណ្ដាលគណបក្សប្រជាជនកម្ពុជាសមាជិកក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ប្រធានគណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជា ខេត្តស្ទឹងត្រែង និងជាអភិបាលនៃគណៈអភិបាលខេត្តស្ទឹងត្រែង បានថ្លែងសុន្ទរកថា ស្វាគមន៍ថា នាឱកាសក្នុងថ្ងៃនេះរដ្ឋបាលខេត្តស្ទឹងត្រែងពិតជាមានកិត្តិយសខ្លាំងណាស់ ដែលគណៈក្រុមប្រឹក្សាជាតិ រណៈសិរ្សសាមគ្គី អភិវឌ្ឍន៍មាតុភូមិកម្ពុជាបានរើសយកខេត្តស្ទឹងត្រែង ដើម្បីរៀបចំកិច្ចប្រជុំសន្និសីទអន្តរជាតិលើកទី២ ក្រោមប្រធានបទដ៏មានអត្ថន័យស្តីពី«ការកសាងខ្សែបន្ទាប់ព្រំដែន សន្តិភាព មិត្តភាព និងសហប្រតិបត្តិការល្អរវាងរណៈសិរ្សនៃប្រទេសទាំង២ កម្ពុជា-ឡាវ» ។
លោកអភិបាលខេត្តបានលើកឡើងថា ក្នុងនោះខេត្តស្ទឹងត្រែងបានរៀបចំកំណត់ហេតុរួមគ្នា តាមស្មារតីនៃកិច្ចប្រជុំទ្វេភាគីរវាងថ្នាក់ដឹកនាំខេត្ត និងថ្នាក់ដឹកនាំខេត្ត ដោយត្រូវប្ដូរវេនធ្វើជាម្ចាស់ផ្ទះ ជាមួយខេត្តចាំប៉ាសាក់ ចំនួន១៣លើក និងជាមួយខេត្ត២ ចំនួន៥លើក ព្រមទាំងមានកិច្ចប្រជុំទ្វេភាគីថ្នាក់យោធាខេត្ត និងយោធាខេត្តជាប្រចាំក្នុងស្មារតី រឹតចំណងសាមគ្គីភាព និងកិច្ចសហប្រតិបត្តិការល្អរវាងខេត្ត និងខេត្តថែមទៀតផង ៕
ចែករំលែកព័តមាននេះ