រាជធានីភ្នំពេញ ៖ កម្លាំងអន្តរាគមន៍ខណ្ឌជ្រោយចង្វារបានធ្វើការដេញប៉ផាប់ចាប់ពភីង ខណៈជនសង្ស័យ២នាក់ជិះម៉ូតូមួយគ្រឿងបំរុងនឹងធ្វើសកម្មភាពឆក់ ប៉ុន្តែគ្រាន់តែឃើញសមត្ថកិច្ចភ្លាម ជនសង្ស័យទាំង២នាក់ក៏នាំគ្នាបើកម៉ូតូគេចខ្លួន តែត្រូវសមត្ថកិច្ចឃាត់ខ្លួនបានម្នាក់រួចយកទៅសួរនាំ ។ ហេតុការណ៍ខាងលើនេះបានកើតឡើងកាលពីវេលាម៉ោង៩និង១៥នាទីយប់ថ្ងៃទី២០ ខែកុម្ភៈ…
រាជធានីភ្នំពេញ ៖ កម្លាំងអន្តរាគមន៍ខណ្ឌជ្រោយចង្វារបានធ្វើការដេញប៉ផាប់ចាប់ពភីង ខណៈជនសង្ស័យ២នាក់ជិះម៉ូតូមួយគ្រឿងបំរុងនឹងធ្វើសកម្មភាពឆក់ ប៉ុន្តែគ្រាន់តែឃើញសមត្ថកិច្ចភ្លាម ជនសង្ស័យទាំង២នាក់ក៏នាំគ្នាបើកម៉ូតូគេចខ្លួន តែត្រូវសមត្ថកិច្ចឃាត់ខ្លួនបានម្នាក់រួចយកទៅសួរនាំ ។
ហេតុការណ៍ខាងលើនេះបានកើតឡើងកាលពីវេលាម៉ោង៩និង១៥នាទីយប់ថ្ងៃទី២០ ខែកុម្ភៈ ឆ្នាំ២០២០ នៅចំណុចក្បែរកន្លែងផលិតទឹកបរិសុទ្ធឱរ៉ាល់ តាមបណ្តោយផ្លូវបេតុងស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ ។
ជនសង្ស័យទាំង២នាក់ខាងលើមិនស្គាល់អត្តសញ្ញាណនោះទេ ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខ ពោធិ៍សាត់ ១I-៦២០៦ ។
តាមប្រភពព័ត៌មានពីសមត្ថកិច្ចខណ្ឌជ្រោយចង្វារបានអោយដឹងថា មុនពេលកើតហេតុ កម្លាំងអន្តរាគមន៍នៃអធិការដ្ឋានបានចុះល្បាតនៅចំណុចទីតាំងខាងលើនេះដើម្បីទប់ស្កាត់រាល់បទល្មើសកុំអោយកើតមាននៅក្នុងមូលដ្ឋាន ។
តាមប្រភពដដែលបានបន្តថា ពេលនោះស្រាប់តែប្រទះឃើញជនសង្ស័យចំនួន២នាក់ជិះម៉ូតូមួយគ្រឿង គួរឱ្យសង្ស័យ ហើយសមត្ថកិច្ចបានដេញប៉ផាប់ចាប់ពភីងតាំងពីម្តុំរង្វង់មូលព្រហ្មមុខបួន បន្ទាប់មកក៏ឃាត់ខ្លួនជនសង្ស័យបានម្នាក់យកទៅសួរនាំនៅមូលដ្ឋានកងរាជអាវុធហត្ថខណ្ឌជ្រោយចង្វារ រីឯម៉ូតូរបស់ជនសង្ស័យត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌជ្រោយចង្វារ ចំណែកបក្ខពួកម្នាក់ទៀតរត់គេចខ្លួនបាត់ស្រមោល ។
ក្រោយពេលកើតហេតុ សមត្ថកិច្ចកំពុងធ្វើការស្រាវជ្រាវតាមរកចាប់ជនសង្ស័យម្នាក់ទៀតដែលរត់គេចបាត់ ដើម្បីយកមកចាត់ការតាមច្បាប់ ៕ (កែសម្រួលដោយ ៖ ធីតា)
ចែករំលែកព័តមាននេះ