ប្រទេសចិន ៖ តុល្យការនៃការឆ្លងវីរុសCOVID-19ចំនួនអ្នកបាត់បង់ជីវិតឡើងដល់២.០០៤នាក់ក្នុងនោះរួមទាំងនាយកនៃមន្ទីរពេទ្យសំខាន់មួយនៃក្រុងវូហាន គិតមកដល់ថ្ងៃទី១៩ ខែកុម្ភៈ នៅចិនដីគោក ប៉ុន្តែអង្គការសុខភាពពិភពលោកWHO បានព្រមានប្រឆាំងរាល់វិធានការមិនសមស្របនានា ដោយលោកលើកពិការសិក្សាមួយដែលបង្ហាញថា ជាង៨០%នៃអ្នកជំងឺទទួលរងរូបភាពស្រាលនៃជំងឺ។…
ប្រទេសចិន ៖ តុល្យការនៃការឆ្លងវីរុសCOVID-19ចំនួនអ្នកបាត់បង់ជីវិតឡើងដល់២.០០៤នាក់ក្នុងនោះរួមទាំងនាយកនៃមន្ទីរពេទ្យសំខាន់មួយនៃក្រុងវូហាន គិតមកដល់ថ្ងៃទី១៩ ខែកុម្ភៈ នៅចិនដីគោក ប៉ុន្តែអង្គការសុខភាពពិភពលោកWHO បានព្រមានប្រឆាំងរាល់វិធានការមិនសមស្របនានា ដោយលោកលើកពិការសិក្សាមួយដែលបង្ហាញថា ជាង៨០%នៃអ្នកជំងឺទទួលរងរូបភាពស្រាលនៃជំងឺ។
ចំនួនអ្នកឆ្លងវីរុសនៅចិនដីគោក មកដល់ថ្ងៃទី១៩កុម្ភៈឡើងដល់៧៤.១៨៥នាក់ពោល១.៧៤៩នាក់ថែមលើពីថ្ងៃមុននេះ ដែលនោះជាការកើនខ្សោយបំផុតក្នុងរយៈពេល១ខែ។ អាជ្ញាធរសុខាភិបាលខេត្តហ៊ូប៉ីគូសបញ្ជាក់នាថ្ងៃទី១៩កុម្ភៈថា វីរុសបណ្ដាលឲ្យមនុស្សបាត់បង់ជីវិត១៣២នាក់ទៀតនាថ្ងៃទី១៨កុម្ភៈ ធ្វើឲ្យចំនួនអ្នក បាត់បង់ជីវិត សរុបក្នុងខេត្តឡើងដល់១.៩២១នាក់។
ចំណែកអ្នកឆ្លងថ្មីនៅទីនោះមាន១៦៩៣នាក់ថែមទៀត នាំឲ្យចំនួនអ្នកឆ្លងសរុបក្នុងខេត្តឡើងដល់៦១.៦៨២នាក់។ ម្យ៉ាងវិញទៀតមនុស្សប្រមាណជា៩០០នាក់បានឆ្លងក្នុងប្រទេសនិងដែនដីប្រមាណជា៣០។
WHOនៅអះអាងថា ក្រៅពីខេត្តហ៊ូប៉ីជាចំណុចកណ្ដាលនៃការឆ្លង ជំងឺនោះប៉ះពាល់ដល់ប្រជាជនក្នុងបរិមាណតិចជាមួយអត្រា បាត់បង់ជីវិត ត្រឹមប្រមាណជា២%។ ដោយដកស្រង់ការសិក្សាមួយរបស់មជ្ឈមណ្ឌលចិនត្រួតពិនិត្យនិងបង្ការជំងឺ លើមនុស្សជាង៧២.០០០នាក់ នាយកWHO លោកTEDROS ADHANOM GHEBREYESUSគូសបញ្ជាក់កាលពីថ្ងៃទី១៧កុម្ភៈថា ជាង៨០%នៃអ្នកជំងឺទទួលរងរូបភាពស្រាលនៃជំងឹ។ តាមការសិក្សាដដែលនេះថា មនុស្សដែលមានវ័យក្មេងក្រោម៣៩ឆ្នាំ អត្រានៃការ បាត់បង់ជីវិត ដោយសារវីរុសCOVID-19នៅតែទាបបំផុតត្រឹម០,២% តែអត្រាបាត់បង់ជីវិត មានកាន់តែខ្ពស់ទៅតាមវ័យ។
ចាប់តាំងពីប៉ុន្មានសប្ដាហ៍មកហើយ ចិនបានបង្ខាំងខេត្តហ៊ូប៉ីឲ្យនៅដាច់ពីគេស្ទើរទាំងស្រុង។ ក្រៅពីខេត្តនោះនាថ្ងៃទី១៩កុម្ភៈមានអ្នកឆ្លងថ្មីដែលជំរឿនឃើញត្រឹម៥៦នាក់ រយៈពេល២៤ម៉ោងចុងក្រោយនេះ។ កាលពីថ្ងៃទី៤កុម្ភៈអ្ន្នកឆ្លងមានរហូតដល់៨៩០នាក់។ កន្លែងនៃការឆ្លងខ្លាំងក្រៅពីចិនដីគោក នៅតែលើកប៉ាល់កម្សាន្តDIAMOND PRINCESS ដែលបង្ខាំងទុកនៅជិតក្រុងតូក្យូ ជាមួយអ្នកដំណើរជាង៣.៧០០នាក់ ចាប់តាំងពីដើមខែកុម្ភៈមក។ ការឆ្លងលើនាវានេះបច្ចុប្បន្នឡើងដល់៥៤២នាក់ហើយ ក្រោយមានអ្នកឆ្លងថ្មី៨៨នាក់ទៀត៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ