ពលរដ្ឋ​ព្រលឹង​ចុង​សក់ ពេល​ឮ​សំឡេង​ក្មេង​ៗ២​ក្រុម​បើក​ឆាកប្រយុទ្ធ​គ្នា​ពេញ​ផ្លូវ


រាជធានី​ភ្នំពេញ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា ក្រុម​ក្មេង​ទំនើង​ពីរ​ក្រុម​បាន​បើក​ឆាកប្រយុទ្ធ​គ្នា​នៅ​មុខ​ផ្ទះ​ហ្គេ​ម​បាញ់​ត្រី និង​ណេ​ត​បង្កប់ ដោយសារ​តែ​ខឹង​រឿង​លក់​ថ្នាំ​ញៀន​ក្លែង​ក្លាយ​ឲ្យ​ពួក​គេ បង្ក​ឱ្យ​មានការ​ភ្ញាក់ផ្អើល​ពេញ​ដងផ្លូវ​តែ​ម្តង កាលពី​ម៉ោង​11​និង​30​នាទី​យប់ ថ្ងៃ​ទី​18 ខែកុម្ភៈ ឆ្នាំ​2020 នៅ​ចំណុច​ផ្ទះ​ហ្គេ​ម​បាញ់​ត្រី​បាញ់​ត្រី និង​ណេ​ត​បង្កប់​ល្បែងស៊ីសង គ្មាន​លេខ ផ្លូវជាតិ​លេខ​2 ភូមិ​ព្រែក​តា​នូ សង្កាត់​ចាក់​អង្រែ​លើ ខណ្ឌមានជ័យ ។

បើ​តាម​ប្រភព​ពី​ប្រជាពលរដ្ឋ​នៅ​ជាប់​កន្លែង​កើតហេតុ​សុំ​មិន​បញ្ចេញ​ឈ្មោះ បាន​ប្រាប់​ឱ្យ​ដឹង​ថា មុន​កើតហេតុ គឺ​គាត់​មិនដឹង​ថា ក្រុម​ក្មេង​ទំនើង​ទាំង​២​ក្រុម​នោះ​មាន​គ្នា​ប៉ុន្មាន​នាក់ ហើយ​មកពី​ណា​នោះ​ទេ តែ​គាត់​បានលឺ​សម្លេង​ពួក​គេ​ឈ្លោះប្រកែក​គ្នា​នៅ​មុខ​ផ្ទះ​កើតហេតុ គឺ​ក្រុម​ក្មេង​ទំនើង​មួយ​ក្រុម​បាន​ស្រែក​ថាឱ្យ​ក្រុម​ក្មេង​ទំនើង​មួយ​ក្រុម​ទៀ​ថា បាន​លក់​គ្រឿងញៀន​ក្លែងក្លាយ​ឱ្យ​ពួក​គេ ។

ប្រភព​ដដែល​បន្ត​ថា ពេល​នោះ​ក៏​កើតជា​ជម្លោះ​វាយតប់​គ្នា​ប្រសាច​ពេញ​ផ្លូវ​ពេញ​ដងផ្លូវ​តែ​ម្តង ធ្វើ​ឲ្យ​ប្រជាពលរដ្ឋ​ភ័យ​តក់ស្លុត​ព្រលឹង​ចុង​សក់ ក៏​បាន​រាយការណ៍​ទៅ​សមត្ថកិច្ច​ខណ្ឌមានជ័យ​ដឹកនាំ​កម្លាំង​អន្តរាគមន៍​ពិសេស​ខណ្ឌមានជ័យ ចុះ​មក​បង្ក្រាប​ភ្លាម​ៗ ធ្វើ​ឲ្យ​ក្រុម​យុវជន​ទំនើង​ភ័យ​ស្លន់ស្លោ​បាន​រត់គេច​ខ្លួន​ចូល​ក្នុងផ្ទះ​ហ្គេ​ម​បាញ់​ត្រី​បាញ់​ត្រី និង​ណេ​ត​បាត់ តែ​ក៏​ត្រូវ​កម្លាំង​សមត្ថ​កិច្ច​ប្រដេញ​តាម​ឃាត់ខ្លួន​បាន​ជនសង្ស័យ​ចំនួន​6​នាក់ រួច​ដកហូត​បាន​កាំភ្លើងខ្លី​មួយ​ដើម ក្រោយ​មក​ក៏​នាំ​មក​កាន់​ប៉ុស្តិ៍​នគរបាល​ចាក់​អង្រែ​លើ ដើម្បី​ធ្វើ​កំណត់ហេតុ និង​សាកសួរ​នាំ​រក​ម្ចាស់​កាំភ្លើង ។

ជនសង្ស័យ​ទាំង​6​នាក់​ដែល​សមត្ថកិច្ច​ឃាត់ខ្លួន​នោះ មិន​ទាន់​ត្រូវ​បាន​ស្គាល់​អត្តសញ្ញាណ​នៅ​ឡើយ​ទេ​។ បច្ចុប្បន្ន​កំពុង​សាកសួរ​នាំ​នៅ​ប៉ុស្តិ៍​នគរបាល​ចាក់​អង្រែ​លើ និង​កសាង​សុំ​ណុំ​រឿង​បញ្ជូន​ទៅ​កាន់​អធិការដ្ឋាន​ខណ្ឌមានជ័យ ដើម្បី​ចាត់ការ​បន្ត​តាម​នីតិវិធី​។

ជុំវិញ​ករណី​ខាងលើ​នេះ ប្រជាពលរដ្ឋ​សំណូមពរ​លោក​អភិបាល​ខណ្ឌ និង​អធិការ​ខណ្ឌមានជ័យ មាន​វិធានការ​ចំពោះ​ទីតាំង​បង្កប់​ល្បែង​ហ្គេ​ម​បាញ់​ត្រី និង​ណេ​ត​បង្កប់​ល្បែងស៊ីសង​ខាងលើ​នេះ​ផង ដើម្បី​ចូលរួម​លុប​បំបាត់​ល្បែងស៊ីសង​ក្នុង​មូលដ្ឋាន ពិសេស​អនុវត្តន៍​តាម​បទបញ្ជា​លោក ឃួ​ង ស្រេង អភិបាល​រាជធានី​ភ្នំពេញ ដែល​កន្លង​មក លោក​បាន​ដាក់​បញ្ជា​ឱ្យ​អាជ្ញាធរ​ទាំង​១4 ខណ្ឌ​ក្នុង​រាជធានី​ភ្នំពេញ ត្រូវធ្វើ​យ៉ាងណា​លុប​បំបាត់​ល្បែងស៊ីសង ដូច​ជា ភ្នាល់​បាល់​អន​ឡាយ ហ្គេ​ម​បាញ់​ត្រី និង​ល្បែងស៊ីសង​គ្រប់​ប្រភេទ ដើម្បី​កុំ​ឲ្យ​កើត​មាន​ក្នុង​មូលដ្ឋាន ព្រោះ​ល្បែង​ទាំងនេះ ជា​ប្រភព​ដែល​បណ្ដាល​ឲ្យ​កើត​ក្រុម​ក្មេង​ទំនើង ក៏​ដូច​ជា​ប្រភព​បទល្មើស​ផ្សេង​ៗ ៕ (​កែសម្រួល​ដោយ ៖ បុប្ផា​)

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:១៩ | ក្នុងស្រុក

មិត្ត​ហ្វូ​ន​មាន​មោទនភាព​ដែល​បាន​ក្លាយ​ជា​ដៃគូ​យុទ្ធសាស្ត្រ​យូរអង្វែង​របស់​​ក្រសួង​អប់រំ យុវជន និង​កីឡា សហ​ការ​លើ «​បច្ចេកវិទ្យា​ព័ត៌មាន​ក្នុង​វិស័យ​​អប់រំ​»

ការស្ទង់មតិគេហទំព័រថ្មី




សូម​អរគុណ