អត្ត​ព​លិ​ក​ទ្រី​យ៉ា​ត្លុង​កម្ពុជា​5​រូប​ចូលរួម​ប្រកួត ជើងឯកនៅ​ប្រទេស​ថៃ


រាជធានី​ភ្នំពេញ ៖ សហព័ន្ធ​កីឡា​ទ្រី​យ៉ា​ត្លុង​កម្ពុជា បាន​បញ្ជូន​អត្ត​ព​លិ​ក​ជម្រើសជាតិ​ចំនួន​៥​រូប​ទៅ​ចូលរួម​ប្រកួត​ក្នុង​ព្រឹត្តិការណ៍ Asian Cup 2020 នៅ​ខេត្ត​វ៉ា​ក់​យ៉ង ប្រទេស​ថៃ ខណៈ​ការ​ប្រកួត​ត្រូវ​បាន​ធ្វើ​ឡើង​ចាប់ពី​ថ្ងៃ​ទី​២១-២៣ កុម្ភៈ​។

លោក ងិ​ន សុ​បញ្ញា អគ្គលេខាធិការ​សហព័ន្ធ​កីឡា​ទ្រី​យ៉ា​ត្លុង​កម្ពុជា​ឱ្យ​ដឹង​ថា ព្រឹត្តិការណ៍​ថ្នាក់​តំបន់​មួយ​នេះ​មាន​ប្រទេស​ចំនួន​១០​ចូលរួម​។

កាលពី​ឆ្នាំ​២០១៩​កម្ពុជា​ធ្លាប់​បញ្ជូន​ប្រតិភូ​កីឡា​ឱ្យទៅ​ចូលរួម​ប្រកួត​ម្ដង​រួច​មក​ហើយ ដោយ​កាល​ណោះ​កីឡាករ​ជម្រើសជាតិ​កម្រិត​ថ្នាល​កម្ពុជា​១​រូប​ដណ្ដើម​បាន​ចំណាត់ថ្នាក់​លេខ​៤​។

លោក​អគ្គលេខាធិការ​រូប​នេះ​បានឱ្យ​ដឹង​ទៀត​ថា ការ​ទៅ​ចូលរួម​ប្រកួត​ជើងឯក​កីឡា​ទ្រី​យ៉ា​ត្លុង​Asian Cup​នៅ​ប្រទេស​ថៃ​លើក​នេះ កម្ពុជា​បាន​បញ្ជូន​ប្រតិភូ​កីឡា​សរុប​ចំនួន​៧​រូប​ក្នុង​នោះ​ប្រធាន​ប្រតិភូ​១​រូប​គឺ​លោក ចេ​ង ចាន់​ដា​រ៉ា លោក អៀ តារា គ្រូបង្វឹក និង​អត្ត​ព​លិ​ក​៥​រូប​ទៀត​រួម​មាន ៖ កីឡាករ អ៊ុ​ង លី​ម៉េ​ង កីឡាករ សុខ សំណាង កីឡាករ ចេ​ង សុវណ្ណ​បញ្ញា ពិសិដ្ឋ កីឡាការិនី​ហោ ធី​ដា និង​កីឡាការិនី ផល ស្រី​ភួង​។

គួរ​រំលឹក​ថា សម្រាប់​ការ​បញ្ជូន​កីឡាករ​-​កីឡាការិនី​ឱ្យទៅ​ចូលរួម​ប្រកួត​នៅ​ក្រៅប្រទេស​លើក​នេះ​គឺ​ធ្វើ​ឡើង​ស្រប​ទៅ​នឹង​ផែនការ​យុទ្ធ​សាស្ត្រ​របស់​ក្រសួង​អប់រំ យុវជន និង​កីឡា ដើម្បី​ពង្រឹង​សមត្ថ​ភាព​អត្ត​ព​លិ​ក​របស់​ខ្លួន​ឆ្ពោះទៅ​ការ​ប្រកួត​កីឡា​ស៊ី​ហ្គេ​ម​ឆ្នាំ​២០២៣ ។ សម្រាប់​ការ​ប្រកួត​នេះ​ទៀត​ភាគី​ថៃ​ជា​អ្នករ៉ាប់រង​ការ​ហូប​ចុក ស្នាក់​នៅ ក្រសួង​អប់រំ យុវជន និង​កីឡា​បាន​ផ្ដល់​ប្រាក់​ហោប៉ៅ រីឯ​ថ្លៃ​ធ្វើ​ដំណើរ​ជា​បន្ទុក​របស់​សហព័ន្ធ​ទ្រី​យ៉ា​ត្លុង​កម្ពុជា ៕ (​កែសម្រួល​ដោយ ៖ បុប្ផា​)

កីឡាជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ