ចិនវាយតម្លៃថាការខិតខំប្រឹងប្រែងរបស់ខ្លួនចាប់ផ្ដើមមានផ្លែផ្កា

ថ្ងៃទី ១៧ ខែ កុម្ភៈ ឆ្នាំ ២០២០

ម៉ោង ១៩:១៥

ប្រទេសចិន ៖ យោងតាមរ៉យទ័រថា អ្នកទទួលខុសត្រូវម្នាក់ខាងសុខាភិបាលចិនវាយតម្លៃថា ការខិតខំប្រឹងប្រែងនានារបស់ក្រុងប៉េកាំង ដើម្បីទប់ការឆ្លងរាលដាលនៃវីវីរុស COVID-19 ចាប់ផ្ដើមផ្ដល់ផ្លែផ្កាហើយ។ ចំនួននៃអ្នកឆ្លងវីរុសនោះថ្មី មានការចុះថយនាថ្ងៃទី១៦ ខែកុម្ភៈ នៅចិន។

ក្នុងរបាយការណ៍ប្រចាំថ្ងៃរបស់ខ្លួន គណៈកម្មាធិការសុខាភិបាលជាតិចិនគូសបញ្ជាក់ថា មនុស្ស៦៨.៥០០នាក់បានឆ្លងវីរុសនៅចិនដីគោក ដែលនៅទីនោះគិតត្រឹមថ្ងៃទី១៦ កុម្ភៈ មានអ្នកបាត់បង់ជីវិតដល់១.៦៦៥នាក់។ ចំនួនអ្នកឆ្លងថ្មីបានធ្លាក់ចុះះមកនៅត្រឹម២.០០៩នាក់ ទល់នឹង២.៦៤១នាក់នាថ្ងៃមុននេះ ហើយចំនួនអ្នកបាត់បង់ជីវិតមាន១៤២នាក់ ចុះថយម្នាក់ទល់នឹងថ្ងៃមុននេះ។

បេសកកម្មរួមមួយរបស់អង្គការសុខភាពពិភពលោកWHOនិងចិន ត្រូវចាប់ផ្ដើមនាចុងសប្ដាហ៍នេះ ការស្រាវជ្រាវលើការឆ្លង។ ប្រធានាធិបតីចិនលោកស៊ីជីនពីងថ្លែងថា ចិនត្រូវប្រមូលផ្ដុំការខិតខំប្រឹងប្រែង ដើម្បីត្រួតពិនិត្យការឆ្លង។

នៅខេត្តជាំងស៊ូចិនផលិតកម្ម ចាប់ផ្ដើមឡើងវិញពិសេសនៅក្រុងវូស៊ីទីប្រជុំជនខេត្តនេះ។ បណ្ដានិយោជិតមុនពេលចូលក្នុងកន្លែងធ្វើការ ត្រូវឆ្លងកាត់ការត្រួតពិនិត្យកម្ដៅក្នុងខ្លួន មុនពេលចូលធ្វើការ។ ក្រុងវូស៊ីបានចាត់បណ្ដាវិធានការប្រុងប្រយ័ត្ន ក្នុងពេលចាប់ផ្ដើមផលិតកម្មវិញ ក្នុងក្របខណ្ឌនៃការតស៊ូជាតិប្រឆាំងការឆ្លងវីរុស៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)

អត្រាប្តូរប្រាក់

អត្រាប្តូរប្រាក់ផ្សេងទៀត