មានអ្នកឆ្លងថ្មី៦៧នាក់ទៀត លើនាវាកម្សាន្ត
ប្រទេសជប៉ុន ៖ អ្នកឆ្លងវីរុស COVID-19 ចំនួន៦៧នាក់ទៀតត្រូវបានប្រកាស នាថ្ងៃទី១៥ ខែកុម្ភៈ លើនាវាកម្សាន្ត ដែលបង្ខាំងទុកនៅជប៉ុន ខណៈបណ្ដាអ្នកដំណើរជនជាតិអាមេរិក…
ប្រទេសជប៉ុន ៖ អ្នកឆ្លងវីរុស COVID-19 ចំនួន៦៧នាក់ទៀតត្រូវបានប្រកាស នាថ្ងៃទី១៥ ខែកុម្ភៈ លើនាវាកម្សាន្ត ដែលបង្ខាំងទុកនៅជប៉ុន ខណៈបណ្ដាអ្នកដំណើរជនជាតិអាមេរិក…
ប្រទេសជប៉ុន ៖ អ្នកឆ្លងវីរុស COVID-19 ចំនួន៦៧នាក់ទៀតត្រូវបានប្រកាស នាថ្ងៃទី១៥ ខែកុម្ភៈ លើនាវាកម្សាន្ត ដែលបង្ខាំងទុកនៅជប៉ុន ខណៈបណ្ដាអ្នកដំណើរជនជាតិអាមេរិក នឹងត្រូវជម្លៀសចេញនិងធ្វើមាតុភូមិនិវត្តន៍តាមយន្តហោះ។
លទ្ធផលនៃការធ្វើតេស្តបន្ថែមទៀត ចេញផ្សាយដោយរដ្ឋមន្ត្រីសុខាភិបាលជប៉ុន នាំឲ្យចំនួនអ្នកដំណើរនិងសមាជិកក្រុមនាវិកលើនាវានោះ ដែលមានវត្តមាននៃវីរុសឡើងដល់២៨៥នាក់ ដោយមិនរាប់បញ្ចូលមន្ត្រីធ្វើចត្តាឡីសកៈ ម្នាក់ដែលក៏ឆ្លងវីរុសដែរ។
ក្រុងវ៉ាស៊ិនតោនប្រកាសនាថ្ងៃទី១៥កុម្ភៈ ក្នុងសារលិខិតមួយច្បាប់ ផ្ញើដល់បណ្ដាអ្នកដំណើរជាជនជាតិអាមេរិក ជិះលើនាវាកម្សាន្តDIAMOND PRINCESS ដែលបង្ខាំងទុកក្នុងដែនទឹកក្រុងយូកូហាម៉ា ដោយប្រាប់ពួកគេពីចេតនាជម្លៀសពួកគេចេញ និងធ្វើមាតុភូមិនិវត្តន៍។
យន្តហោះដែលមកដឹកអ្នកទាំងនេះ ត្រូវមកដល់ជប៉ុននាយប់ថ្ងៃទី១៦កុម្ភៈ។ មជ្ឈមណ្ឌលត្រួតពិនិត្យនិងបង្ការជំងឺរបស់អាមេរិក អះអាងនាថ្ងៃទី១៥កុម្ភៈថា មណ្ដាមនុស្សដែលធ្វើមាតុភូមិនិវត្តន៍ ត្រូវគោរពការបង្ខាំងឲ្យនៅដាច់ពីគេរយៈពេល១៤ថ្ងៃបន្ថែមទៀត។ ជនជាតិអាមេរិកដែលស្ថិតលើនាវាកម្សាន្តនេះ មានប្រមាណជា៤០០នាក់។
ពួកគេពេលវិលទៅអាមេរិកវិញ ត្រូវយកទៅដាក់ក្នុងទីតាំងយោធា២ សម្រាប់ការដាក់ឲ្យនៅដាច់ពីគេ គឺក្នុងមូលដ្ឋានអាកាសចរណ៍ត្រាវីសរដ្ឋកាលីហ្វ័រនីញ៉ា និងនៅមូលដ្ឋានយោធាមួយនៅរដ្ឋតិចសាស់។ ពួកគេនឹងត្រូវដឹកតាមយន្តហោះជា២ដំណាក់កាលគឹ២ជើង៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ