ADផ្ទាំងផ្សព្វផ្សាយពាណិជ្ជកម្ម

Picture

រថយន្ត​កុងតឺន័រ​បើក​សុខ​ៗ​ក្រឡាប់​ទូ​តាម​ផ្លូវជាតិ​លេខ​៣

4 ឆ្នាំ មុន
  • ភ្នំពេញ

រាជធានី​ភ្នំពេញ ៖ រថយន្ត​ហ៊ី​យ៉ា​ន់​ដាយ​សណ្តោង​ទូ​កុងតឺន័រ​ដឹក​អេ​ត​ចាយ​មួយ​គ្រឿង ខណៈ​កំពុង​បើកបរ​ធ្វើ​ដំណើរ​សុខ​ៗ ស្រាប់តែ​របូត​ប៊ូឡុង​ភ្នែន​សណ្តោង ធ្វើ​ឲ្យ​របូត​ទូ​ក្រឡាប់ចាក់​ដែក​អេ​ត​ចាយ​រាយ​ប៉ាយ​ពេញ​ផ្លូវ ប៉ុន្តែ​សំណាងល្អ​មិន​បង្ក​ឱ្យ​មនុស្ស​ណា​ម្នាក់​រង​របួស​នោះ​ទេ ។ ហេតុការណ៍​ខាងលើ​នេះ​បាន​កើតឡើង​កាលពី​វេលា​ម៉ោង​១២​និង​៣០​នាទី​រំលង​អធ្រាត្រ​ឈាន​ចូល​ថ្ងៃ​ទី​១៦ ខែកុម្ភៈ…

រាជធានី​ភ្នំពេញ ៖ រថយន្ត​ហ៊ី​យ៉ា​ន់​ដាយ​សណ្តោង​ទូ​កុងតឺន័រ​ដឹក​អេ​ត​ចាយ​មួយ​គ្រឿង ខណៈ​កំពុង​បើកបរ​ធ្វើ​ដំណើរ​សុខ​ៗ ស្រាប់តែ​របូត​ប៊ូឡុង​ភ្នែន​សណ្តោង ធ្វើ​ឲ្យ​របូត​ទូ​ក្រឡាប់ចាក់​ដែក​អេ​ត​ចាយ​រាយ​ប៉ាយ​ពេញ​ផ្លូវ ប៉ុន្តែ​សំណាងល្អ​មិន​បង្ក​ឱ្យ​មនុស្ស​ណា​ម្នាក់​រង​របួស​នោះ​ទេ ។

ហេតុការណ៍​ខាងលើ​នេះ​បាន​កើតឡើង​កាលពី​វេលា​ម៉ោង​១២​និង​៣០​នាទី​រំលង​អធ្រាត្រ​ឈាន​ចូល​ថ្ងៃ​ទី​១៦ ខែកុម្ភៈ ឆ្នាំ​២០២០ នៅ​ចំណុច​តាម​បណ្តោយ​ផ្លូវជាតិ​លេខ​៣ ភូមិ​ព្រៃ​កី សង្កាត់​ភ្លើង​ឆេះ​រទេះ ខណ្ឌ​កំ​បូល ។

រថយន្ត​មួយ​គ្រឿង​ខាងលើ​ម៉ាក​ហ៊ី​យ៉ា​ន់​ដាយ ពណ៌​ខៀវ ពាក់​ស្លាក​លេខ ភ្នំពេញ ៣A-២៤៤៧ មាន​សណ្តោង​រ៉ឺ​ម៉ក​ទូ​កុងតឺន័រ​ផ្ទុក​ដែក​អេ​ត​ចាយ អ្នកបើកបរ​មិន​ស្គាល់​អត្តសញ្ញាណ​នោះ​ទេ ។

តាម​ប្រភព​ព័ត៌មាន​បាន​ឲ្យ​ដឹង​ថា មុន​ពេល​កើតហេតុ រថយន្ត​មួយ​គ្រឿង​ខាងលើ​មាន​សណ្តោង​រ៉ឺ​ម៉ក​ទូ​កុងតឺន័រ​ផ្ទុក​ដែក​អេ​ត​ចាយ បាន​បើក​ចេញពី​ម្តុំ​ជម្ពូ​វ័ន​ឆ្ពោះទៅ​ព្រំដែន​ប្រ​ទស​វៀតណាម ដោយ​ធ្វើ​ដំណើរ​តាម​ផ្លូវជាតិ​លេខ​៣ ក្នុង​ទិស​ដៅ​ពី​ជើង​ទៅ​ត្បូង ។

តាម​ប្រភព​ព័ត៌មាន​បាន​បន្ត​ថា លុះ​រថយន្ត​មួយ​គ្រឿង​ខាងលើ​ធ្វើ​ដំណើរ​មក​ដល់​ចំណុច​ខាងលើ ដោយសារ​រថយន្ត​ដឹក​ធ្ងន់ ម្យ៉ាង​អ្នកបើកបរ​ខ្វះ​ការ​ត្រួតពិនិត្យ​បច្ចេកទេស​យានយន្ត ស្រាប់តែ​របូត​ប៊ូឡុង​ភ្នែន​សណ្តោង បណ្តាល​ឱ្យ​របូតទូកុងតឺន័រ​ក្រឡាប់​ចាក់​ដែក​អេ​ត​ចាយ​រ៉ា​យ​ប៉ាយ​ពេញ​ផ្លូវ ប៉ុន្តែ​សំណាងល្អ​មិន​បង្ក​គ្រោះថ្នាក់​ដល់​មនុស្ស​ណា​ម្នាក់​ឡើយ ។

ក្រោយ​កើតហេតុ សមត្ថកិច្ច​ចុះ​ទៅ​ពិនិត្យ​ជាក់ស្តែង ដោយ​ឃើញ​ថា គ្រោះថ្នាក់​ខាងលើ​នេះ​បង្ក​ឡើង​ដោយ​ខ្លួនឯង និង​មិន​បង្ក​គ្រោះថ្នាក់​ដល់​អ្នក​ដទៃ ទើប​សមត្ថកិច្ច​ប្រគល់​ឲ្យ​ម្ចាស់​ប្រមូល​យក​ដែក​អេ​ត​ចាយ​ចេញពី​ផ្លូវ និង​ស្ទូច​លើក​ទូ​កុង​តៃ​ន័​រ​ចេញ​ដោយ​ខ្លួនឯង ៕ (​កែសម្រួល​ដោយ ៖ ធីតា​)

អត្ថបទសរសេរ ដោយ

កែសម្រួលដោយ