ពិនិត្យឧបករណ៍​សម្ភារៈហ្វឹកហាត់ ​និង​ឧបករណ៍​សម្ភារៈ​​ផ្សេង​ៗ​ត្រៀម​ជួយ​សង្គ្រោះ​ប្រជាពលរដ្ឋ


ខេត្ត​ព្រះ​សីហ​នុ ៖ កាលពី​ព្រឹក​ថ្ងៃ​ទី​១៥ កុម្ភៈ ឆ្នាំ​២០២០ លោក​ឧត្តមសេនីយ៍ទោ​ជួន ណា​រិ​ន្ទ ស្នងការ​នគរបាល​ខេត្ត​បាន​ដឹកនាំ គណៈ​ស្នងការ​និង​មន្ត្រី​នគរបាល​ជំនាញ ពិនិត្យ​ឧបករណ៍​សម្ភារៈ​ហ្វឹកហាត់ កាយសម្បទា​កម្លាំង​នគរបាល​កង​អន្តរាគមន៍​ពិសេស និង​ពិនិត្យ​ឧបករណ៍​សម្ភារៈ​ត្រៀម​បម្រុង​ផ្សេង​ៗ​សម្រាប់​កិច្ច​អន្តរាគមន៍​ជួយ​សង្គ្រោះ​ប្រជាពលរដ្ឋ ដូច​ជា​រថយន្ត​ពន្លត់​អគ្គិ​ភ​យ័​ជាដើម ដែល​បាន​ធ្វើ​ឡើង​នៅ​អធិការ​រដ្ឋាន​នគរបាល​ស្រុក​ព្រៃ​នប់ ។

ជាមួយ​គ្នា​នេះ​ដែរ លោក​ឧត្តមសេនីយ៍ទោ​ស្នងការ ក៍បាន​អញ្ជើញ​ជា​អធិបតី ប្រកាស​តែងតាំង​មុខ​តំណែង និង​បំពាក់​ឋានន្តរសក្តិ​ដល់​មន្ត្រី​នគរបាល​ស្រុក រួម​មានស្រុក​ព្រៃ​នប់​, ស្រុក​កំពង់​សីលា​,​និង​ស្រុក​ស្ទឹង​ហាវ ដែល​ពិធី​នេះ​ធ្វើ​រួម​គ្នា​នៅ​អធិការដ្ឋាន​នគរបាល​ស្រុក​ព្រៃ​នប់​។

ឆ្លៀត​ក្នុង​ឱកាស​នោះ​ដែរ លោក​ឧត្តមសេនីយ៍ទោ​ជួន ណា​រិ​ន្ទ និង​គណៈ​ស្នងការ ក៏​បាន​រៀបចំ​បាច់ផ្កា​ជូន​កងកម្លាំង​ទាំងអស់ សម្រាប់​ទិវា​ក្តី​ស្រឡាញ់​១៤ កុម្ភៈ បង្ហាញ​នូវ​ការ​ស្រឡាញ់​លើកទឹកចិត្ត​ចំពោះ​កងកម្លាំង​ទាំងអស់​ដែល​បាន​ខិតខំ​បំពេញភារកិច្ច​កន្លង​មក​៕ (​កែសម្រួល​ដោយ ៖ ធីតា​)

ព្រឹត្តិការណ៍សង្គម

Sponsored News

ការស្ទង់មតិគេហទំព័រថ្មី




សូម​អរគុណ