ប្រទេសចិន ៖ អាជ្ញាធរសុខាភិបាលខេត្តហ៊ូប៉ីជាប្រភពដើមនៃការចម្លងវីរុស COVID-19 រៀបរាប់កាលពីថ្ងៃទី១៣ ខែកុម្ភៈនេះថា ពីមនុស្សដែលបាត់បង់ជីវិត២៤២នាក់បន្ថែមទៀត ទាក់ទិននឹងវីរុសនោះ ដែលជាចំនួនដ៏ខ្ពស់បំផុតមួយ ក្នុងរយៈពេលតែ១ថ្ងៃ…
ប្រទេសចិន ៖ អាជ្ញាធរសុខាភិបាលខេត្តហ៊ូប៉ីជាប្រភពដើមនៃការចម្លងវីរុស COVID-19 រៀបរាប់កាលពីថ្ងៃទី១៣ ខែកុម្ភៈនេះថា ពីមនុស្សដែលបាត់បង់ជីវិត២៤២នាក់បន្ថែមទៀត ទាក់ទិននឹងវីរុសនោះ ដែលជាចំនួនដ៏ខ្ពស់បំផុតមួយ ក្នុងរយៈពេលតែ១ថ្ងៃ ចាប់តាំងពីមានការឆ្លងពីខែធ្នូមក។ បែបនេះនាំឲ្យចំនួនអ្នកបាត់បង់ជីវិត ប្រកាសនាថ្ងៃទី១៣ ខែកុម្ភៈនេះ ឡើងដល់១.៣១០នាក់ក្នុងខេត្តនោះ។
គណៈកម្មាធិការសុខាភិបាលខេត្តហ៊ូប៉ី ក៏គូសបញ្ចាក់ដែរ ពីអ្នកឆ្លងថ្មី១៤.៨៤០នាក់ដែលរកឃើញក្នុងខេត្តហ៊ូប៉ី រយៈពេលតែ២៤ម៉ោង នាំឲ្យចំនួនអ្នកឆ្លងក្នុងខេត្តនេះឡើងដល់៤៨.២០៦នាក់។ សរុបក្នុងចិនដីគោកទាំងមូលអ្នកឆ្លងឡើងដល់ជិត៦០.០០០នាក់។ ការកើនយ៉ាងខ្លាំងនៃចំនួនអ្នកឆ្លងនេះ បណ្ដាលមកពីការប្រកាន់យកវិធីសាស្ត្រថ្មីនៃការតាមរកអ្នកឆ្លង ដែលចាប់ពីពេលនេះទៅត្រូវឆ្លងតាមការធ្វើរោគវិនិច្ឆ័យគ្លីនិក។ ប្រការនេះមានន័យថា ការថតសួតអាចចាត់ទុកថា គ្រប់គ្រាន់សម្រាប់ធ្វើរោគវិនិច្ឆ័យអ្នកឆ្លងវីរុស ជាជាងការធ្វើតេស្តស្ដង់ដាតាមរយៈអាស៊ីតនុយក្លេអ៊ីក (ACIDE NUCLEIQUE)។
ការប្រកាសនោះកើតមានខណៈអង្គការសុខភាពពិភពលោក WHO បង្ហាញកាលពីថ្ងៃទី១២ កុម្ភៈ ការប្រុងប្រយ័ត្នខ្ពស់ពីការចុះយឺតវិញនៃការឆ្លងវីរុសនោះ ដូចដែលបាននិយាយក្នុងសប្ដាហ៍នេះ។ WHO គូសបញ្ជាក់ថា សហគមន៍អន្តរជាតិ ត្រូវតែចាត់ទុកវីរុសនេះជាសត្រូវសាធារណៈលេខ១។
យោងតាមទីភ្នាក់ងារព័ត៌មានចិនស៊ីនហូថាអ្នកទទួលខុសត្រូវនៃបក្សកុំមុយនីស្តចិនខេត្តហ៊ូប៉ី ត្រូវបានដកហូតតំណែង។ លោកJIAN CHAOLIANG ត្រូវបានជំនួសដោយអភិបាលក្រុងសៀងហៃលោកយីងយ៉ុង។
មនុស្សច្រើនរយនាក់បានឆ្លងវីរុសនោះនៅក្រៅចិនដីគោកតែមានអ្នកបាត់បង់ជីវិត២នាក់ប៉ុណ្ណោះ។ អ្នកឆ្លងភាគច្រើនក្រៅពីចិន ត្រូវបានកំណត់ឃើញលើនាវាកម្សាន្តមួយ ដែលឈប់សំចតនៅដែនទឹកក្រុងយូកូហាម៉ាជិតក្រុងតូក្យូ។ រដ្ឋមន្ត្រីសុខាភិបាលជប៉ុនថ្លែងកាលពីថ្ងៃទី១៣កុម្ភៈ ពីការតាមរកឃើញអ្នកឆ្លង៤៤នាក់ថែមទៀតលើនាវានោះ នាំឲ្យចំនួនអ្នកឆ្លងក្នុងនាវានេះឡើងដល់២១៩នាក់។
នាវាកម្សាន្តមួយគ្រឿងឈ្មោះ MS WESTERDAM បានមកដល់កម្ពុជា នាថ្ងៃទី១៣ ខែកុម្ភៈបន្ទាប់ពីត្រូវគេហាមមិនឲ្យចូលចត ក្នុងប្រទេសថៃ ជប៉ុន តៃវ៉ាន់ កោះហ្គាមអាមេរិក និងហ្វីលីពីន ដោយខ្លាចបណ្ដាអ្នកដំណើរ និងសមាជិកក្រុមនាវិកនៃនាវានោះ ឆ្លងវីរុសCOVID-19៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ