តើ Chelsea ត្រៀមប្រកាសការផ្ទេរកីឡាករថ្មីឬ?
ក្រុមតោខៀវ Chelsea កំពុងតែពិភាក្សាគ្នាយ៉ាងស្អិតរមួត ដើម្បីចុះហត្ថលេខានាំយកខ្សែបម្រើ Hakim Ziyech របស់ក្លិប Ajax នារដូវក្តៅនេះ ក្នុងកិច្ចព្រមព្រៀងតម្លៃ…
ក្រុមតោខៀវ Chelsea កំពុងតែពិភាក្សាគ្នាយ៉ាងស្អិតរមួត ដើម្បីចុះហត្ថលេខានាំយកខ្សែបម្រើ Hakim Ziyech របស់ក្លិប Ajax នារដូវក្តៅនេះ ក្នុងកិច្ចព្រមព្រៀងតម្លៃ ៣៨លានផោន ដែលទំនងជានឹងត្រូវប្រកាសនៅប៉ុន្មានថ្ងៃខាងមុខនេះ។
កីឡាករវ័យ ២៦ឆ្នាំរូបនេះគឺជាគោលដៅផ្ទេរមួយកាលខែមករា សម្រាប់គ្រូបង្វឹកក្រុមតោខៀវ Chelsea លោក Frank Lampard ប៉ុន្តែត្រូវបានបដិសេធដោយក្លិបហូឡង់ ដែលចង់ទុករូបគេរហូតដល់រដូវក្តៅ ។ ការចុះកុងត្រារបស់កីឡាករអន្តរជាតិម៉ារ៉ុករូបនេះ នឹងធ្វើឱ្យគេក្លាយជាកីឡាករទី១ ដែលផ្ទេរមកកាន់ក្រុមមានមូលដ្ឋានក្នុងទីក្រុងឡុងដ៍ ក្រោមការដឹកនាំរបស់ Lampard បន្ទាប់ពីបម្រាមការផ្ទេរកីឡាករត្រូវបានដក ។
Ziyech បានស៊ុតបាល់បញ្ចូលទី ៨គ្រាប់ និងបាន Assists ២១លើកក្នុងការបង្ហាញខ្លួនចំនួន ២៩ប្រកួតនៅរដូវកាលនេះ។ ប្រភព៖ Sky Sports
ចែករំលែកព័តមាននេះ