កូនស្រីរបស់មហាសេដ្ឋី Bill Gates ភ្ជាប់ពាក្យជាមួយនឹងកីឡាករជិះសេះអេហ្ស៊ីប
តាមប្រភពព័ត៌មាន CNN បានឱ្យដឹងថា កូនស្រីរបស់មហាសេដ្ឋីពិភពលោក Bill Gates ឈ្មោះថា Jennifer Gates បានប្រកាសភ្ជាប់ពាក្យជាមួយកីឡាករជិះសេះអេហ្ស៊ីប…
តាមប្រភពព័ត៌មាន CNN បានឱ្យដឹងថា កូនស្រីរបស់មហាសេដ្ឋីពិភពលោក Bill Gates ឈ្មោះថា Jennifer Gates បានប្រកាសភ្ជាប់ពាក្យជាមួយកីឡាករជិះសេះអេហ្ស៊ីប…
តាមប្រភពព័ត៌មាន CNN បានឱ្យដឹងថា កូនស្រីរបស់មហាសេដ្ឋីពិភពលោក Bill Gates ឈ្មោះថា Jennifer Gates បានប្រកាសភ្ជាប់ពាក្យជាមួយកីឡាករជិះសេះអេហ្ស៊ីប Nayel Nassar។
កូនច្បងរបស់ស្ថាបនិកក្រុមហ៊ុន Microsoft បានចែករំលែករូបថតនៅលើគណនី Instagram របស់នាង កាលពីថ្ងៃពុធ ដោយបង្ហាញថា Nassar ដែលជាកីឡាករបានជួយអេហ្ស៊ីបមានលក្ខណៈគ្រប់គ្រាន់សម្រាប់អូឡាំពិកទីក្រុងតូក្យូឆ្នាំ២០២០ បានសុំនាងរៀបការ។
នាងបានសរសេរនៅលើរូបថតរបស់អ្នកទាំងពីរដែលអង្គុយលើព្រិលថា៖ «Nayel Nassar អ្នកគឺជាមនុស្សពិសេស។ អ្នកបានធ្វើឱ្យខ្ញុំរំភើបណាស់នៅសប្តាហ៍មុន ដោយបានធ្វើឱ្យខ្ញុំភ្ញាក់ផ្អើលជាមួយនឹងទីកន្លែងពិសេសៗ។ ខ្ញុំពិតជាចង់ចំណាយពេលអស់មួយជីវិតរបស់ពួកយើង រៀនពីគ្នា លូតលាស់ជាមួយនឹងគ្នា សើចសប្បាយទាំងអស់គ្នា និង ស្រឡាញ់គ្នារហូតទៅ។»
គូស្នេហ៍មួយគូនេះ ដែលទាំងពីរនាក់បានចូលរៀននៅសាកលវិទ្យាល័យ Stanford ពួកគេម្នាក់ៗមានស្នេហាចំពោះកីឡាជិះសេះដូចគ្នា។ ពួកគេតែងតែលើកទឹកចិត្តគ្នាទៅវិញទៅមក រាល់ពេលនរណាម្នាក់ឡើងប្រកួត។
ជាមួយគ្នានេះដែរ ភាគីខាងមេបា ដែលមានមហាសេដ្ឋីពិភពលោក Bill Gates និង ភរិយា Melinda Gates បានសរសេរលើ Instagram ដែរថា ពួកគាត់ពិតជារំភើបណាស់សម្រាប់គូស្នេហ៍នេះ ដោយលោកស្រី Melinda បាន Share Post របស់កូនស្រីលើ Instagram Story របស់ខ្លួន ៕ កែសម្រួលដោយ ៖ សុឃាក់
ចែករំលែកព័តមាននេះ