ADផ្ទាំងផ្សព្វផ្សាយពាណិជ្ជកម្ម

Picture

ក្នុង​១​ឆ្នាំ​ចំណាយ​ថវិកា​៣០​លាន​ដុល្លា​រសម្រាប់​បោសសំអាត​មីន​ទូ​ទាំង​ប្រទេស

4 ឆ្នាំ មុន
  • បន្ទាយមានជ័យ

ខេត្តបន្ទាយមានជ័យ ៖ ក្នុង​ឱកាស​ជួប​សំណេះសំណាល​និង​ចែក​អំណោយ​ជូន​ជន​ពិការ​ចំនួន​៣០០​គ្រួសារ​នៅ​ស្រុក​ថ្មពួក លោក លី ធុ​ជ ទេស​រដ្ឋមន្ត្រី​ទទួល​បន្ទុក​បេស​កម្ម​ពិសេស និង​ជា​អនុប្រធាន​អាជ្ញាធរ​មីន​បាន​មាន​ប្រសាសន៍​ថា ប្រទេស​កម្ពុជា​រយៈពេល​១​ឆ្នាំ​ចំណាយ​ថវិកា​៣០​លាន​ដុល្លា​សម្រាប់​ការ​បោសសំអាត​មីន​ទូ​ទាំង​ប្រ​ទស ហើយ​មាន​ប្រទេស​ចំនួន​១០​បាន​ផ្តល់​ជំនួយ…

ខេត្តបន្ទាយមានជ័យ ៖ ក្នុង​ឱកាស​ជួប​សំណេះសំណាល​និង​ចែក​អំណោយ​ជូន​ជន​ពិការ​ចំនួន​៣០០​គ្រួសារ​នៅ​ស្រុក​ថ្មពួក លោក លី ធុ​ជ ទេស​រដ្ឋមន្ត្រី​ទទួល​បន្ទុក​បេស​កម្ម​ពិសេស និង​ជា​អនុប្រធាន​អាជ្ញាធរ​មីន​បាន​មាន​ប្រសាសន៍​ថា ប្រទេស​កម្ពុជា​រយៈពេល​១​ឆ្នាំ​ចំណាយ​ថវិកា​៣០​លាន​ដុល្លា​សម្រាប់​ការ​បោសសំអាត​មីន​ទូ​ទាំង​ប្រ​ទស ហើយ​មាន​ប្រទេស​ចំនួន​១០​បាន​ផ្តល់​ជំនួយ និង​រាជរដ្ឋាភិបាល​កម្ពុជា​ចំណាយ​ថវិការ​១០​លាន​ដុល្លារ​ក្នុង​១​ឆ្នាំ​ក្នុង​ការ​បោសសំអាត​មីន​។

លោក លី ធុ​ជ បាន​បន្ត​ថា គណៈប្រតិភូ​ស្ថានទូត​កា​ណា​ដា​ប្រចាំ​កម្ពុជា​បាន​ធ្វើ​ទស្សនៈកិច្ច​សិក្សា​ស្វែង​យល់​ការ​បោសសំអាត​មីន​ក្នុងភូមិ​សាស្ត្រ​ស្រុក​ថ្មពួក ខេត្តបន្ទាយមានជ័យ ដែល​ដឹកនាំ​ដោយ​អាជ្ញាធរ​​បោស​សម្អាត​មីន​កម្ពុជា​នេះ​ជា​ការ​ឆ្លុះ​បញ្ចាំ​មួយ​នៅ​ខេត្តបន្ទាយមានជ័យ​គឺជា​ខេត្ត​មួយ​នៅ​ទិសពាយ័ព្យ​នៃ​ប្រទេស​កម្ពុជា ហើយ​ជា​តំបន់​សម​ភូមិ​ក្តៅ​នា​សម័យ​សង្គ្រាម​រហូត​ដល់​បច្ចុប្បន្ន​នេះ មុខសញ្ញា​ដែល​នៅ​សេសសល់​ដូច​ជា​គ្រាប់​មីន​និង​គ្រាប់​មិន​ទាន់​ផ្ទុះ​ដែល​ប្រឈម​គ្រោះថ្នាក់​ដោយសារ​គ្រាប់​មិន​ទាន់​ផ្ទុះ​។

លោក លី ធុ​ជ បាន​បញ្ជាក់​ថា ជា​ការ​យកចិត្តទុកដាក់​ពី​ប្រមុខ​រាជរដ្ឋាភិបាល​កម្ពុជា​ដែល​មាន​សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា ហើយ​អាជ្ញាធរ​បោសសម្អាត​មីន​​កម្ពុជា​បាន​នឹង​កំពុង​បោសសំអាត​មីន និង​កាក​សំណល់​មិន​ទាន់​ផ្ទុះ​ដែល​សេសសល់​ពី​សម័យ​សង្គ្រាម​ត្រូវ​បោសសំអាត​អោយ​អស់ ដើម្បី​ការពារ​សុវត្ថិភាព និង​ការពារ​អាយុជីវិត​ជូន​ប្រជាពលរដ្ឋ អាជ្ញាធរ​មីន​មាន​អង្គភាព​បោសសំអាត​មីន​បាន​និង​កំពុង​ខិតខំ​បោសសំអាត​មីន​អោយ​ប្រជាពលរដ្ឋ​បង្កបង្កើន​ផល​និង​អាស្រ័យ​ផល ស្រប​ពេល​ដែល​ប្រទេស​កម្ពុជា​មាន​សុខ​សន្តិភាព និង​អភិវឌ្ឍន៍​រីក​ចម្រើន​៕ (​កែសម្រួល​ដោយ ៖ ធីតា​)

អត្ថបទសរសេរ ដោយ

កែសម្រួលដោយ