សហព័ន្ធកីឡាបាល់ទាត់កូរ៉េខាងត្បូង ហៅកាត់ថា KFA បានសម្រេចធ្វើការផ្លាស់ប្តូរនិមិត្តសញ្ញាថ្មី នៃក្រុមបាល់ទាត់ជម្រើសជាតិរបស់ខ្លួន ក្រោមពាក្យស្លោកថា «Forward Arrow»។
មិនដូចនិមិត្តសញ្ញាចាស់ ដែលបង្ហាញរូបរាងសត្វខ្លាទាំងមូល និមិត្តសញ្ញាថ្មី បង្ហាញផ្ទៃមុខសត្វខ្លា ជាមួយតួអក្សរកាត់របស់សហព័ន្ធ ការផ្លាស់ប្តូរនេះគឺដើម្បីឆ្លុះបញ្ចាំងពីភ្នែកមុតស្រួច និងលំនាំរបស់ខ្លាដ៏ក្លាហានអង់អាច
ប្រធាន KFA លោក Chung Mong-gyu បានថ្លែងថា «និមិត្តសញ្ញាថ្មីនេះ បង្ហាញពីការធ្វើទំនើបកម្ម ដែលដល់ពេលត្រូវឃ្លាតឆ្ងាយពីទស្សនៈប្រពៃណី ហើយឆ្លុះបញ្ចាំងពីការប្តេជ្ញាចិត្តរបស់សហព័ន្ធ ដែលចង់បានការប្រកួតប្រជែង និងការផ្លាស់ប្តូរ ។ តាមរយៈមុខមាត់ថ្មី គឺជាការប្តេជ្ញាចិត្តឆ្ពោះទៅមុខ ដោយគ្មានការភ័យខ្លាចរបស់យើង»៕
ប្រភព ៖ KFA , កែសម្រួលដោយ ៖ សំណាង
ចែករំលែកព័តមាននេះ