ខេត្តបន្ទាយមានជ័យ ៖ គ្រួសាពិការមួយបានសម្រេចចិត្តដើរចូលវត្តសុំស្បៀងអាហារ និងថវិកាពីព្រះសង្ឃនៅវត្តបាលិលេយ្យ ព្រោះដើរច្រៀងរកប្រាក់តាមទីប្រជុំជនមិនសូវបាន ។ គ្រួសារពិការនេះ បុរសជាប្តីឈ្មោះភាន មួធាននី អាយុ៣៩ឆ្នាំ និងប្រពន្ធនាបឈ្មោះសុខ អាយុ២៦ឆ្នាំ មានទីលំនៅភូមិល្វានលិច ឃុំចំណោម ស្រុកមង្គលបុរី ខេត្តបន្ទាយមានជ័យ ។
បុរសជាប្តីពិការភ្នែកទាំងសងខាង ឯនាងជាប្រពន្ធមិនមែនជាជនពិការទេ ប៉ុន្តែ គាត់ជាអ្នកដឹកដៃប្តីពេលទៅណាមកណា ។ គ្រួសាមួយនេះ សម្រេចចិត្តចូលវត្តបាលិលេយ្យ លើកដៃសុំស្បៀងអាហារនិងថវិកាពីចៅអធិកាវត្ត ដើម្បីវិលត្រឡប់ទៅលំនៅឋានវិញ ដោយអះអាងថា ព្រោះដើរច្រៀងសុំប្រាក់ពីមហាជននៅក្រុងប៉ោយប៉ែតមិនសូវបាន ។ គួរកម្សត់នេះ បានបញ្ជាក់ថា ពួកគាត់តែងតែនាំគ្នាចាកចេញពីផ្ទះរាល់ថ្ងៃទៅកាន់ទីប្រជុំជនផ្សេងៗ ក្នុងខេត្តបន្ទាយមានជ័យ ដូចជាស្រុកមង្គលបូរីក្រុងសិរីសោភ័ណ ក្រុងប៉ោយ ប៉ែត និងស្រុកក្រុងមួយចំនួនទៀត ដើរច្រៀងរកប្រាក់ចិញ្ចឹមគ្រួសារ។
ពួកគាត់បន្តថា ការធ្វើដំណើរតាមរថយន្ត ពេលខ្លះអ្នកបើកបររថយន្តមិនយកប្រាក់ទេ ព្រោះអាណិតដល់ពួកគាត់ជាជនពិការ ។ បុរសជាប្តីអះអាងថា គាត់ធ្លាក់ខ្លួនពិការភ្នែក ទាំងសងខាងតាំងពីតូចពេលកើតជំងឺកញ្ជ្រិល ។
ដោយមើលឃើញពីភាពលំបាកវេទនារបស់គ្រួសារពិការមួយនេះ ចៅអធិការវត្តបាលិលេយ្យស្ថិតនៅសង្កាត់ ក្រុងប៉ោយប៉ែត ព្រះនាម ជា សំបូរ បានផ្តល់ស្បៀងអាហារ ដូចជាអង្ករ១៥គីឡូក្រាម, មី១កេសចង្រ្កានហ្គាស់១, ត្រីខកំប៉ុង១យួរ, ទឹកក្រូចដបធំ2ដប និងថវិកាមួយចំនួនទៀត ។
គ្រួសារពិការខាងលើ បានត្រេកអរយ៉ាងខ្លាំងចំពោះអំណោយសប្បុរសរបស់ចៅអធិការវត្តបាលិលេយ្យប៉ុន្តែអំពាវនាវដល់សប្បុរសជនក្នុង និងក្រៅប្រទេសមេត្តជួយដល់គ្រួសារពួកគាត់បន្ថែមទៀតព្រោះគ្មានអ្វីទីពឹងក្រៅពីមុខរបរដើរច្រៀងរកប្រាក់ឡើយ ៕
ចែករំលែកព័តមាននេះ