រាជធានីភ្នំពេញ ៖ សហព័ន្ធកីឡាការ៉ាតេកម្ពុជា កាលពីព្រឹកថ្ងៃទី២៨ មករា បានរៀបចំធ្វើមហាសន្និបាតបញ្ចប់អាណត្តី៨របស់ខ្លួន ដើម្បីជ្រើសរើសសមាជិកគណៈកម្មាធិការប្រតិបត្តិអាណត្តិទី៩ឆ្នាំ២០២០-២០២៤ជាបន្តទៀត។ សម្រាប់បេក្ខភាពសមាជិកគណៈកម្មាធិការប្រតិ បត្តិអាណត្តិថ្មីនេះមានសមាជិករហូតដល់ទៅ២១រូប ក្នុងនោះលោកអគ្គបណ្ឌិតសភាចារ្យ…
រាជធានីភ្នំពេញ ៖ សហព័ន្ធកីឡាការ៉ាតេកម្ពុជា កាលពីព្រឹកថ្ងៃទី២៨ មករា បានរៀបចំធ្វើមហាសន្និបាតបញ្ចប់អាណត្តី៨របស់ខ្លួន ដើម្បីជ្រើសរើសសមាជិកគណៈកម្មាធិការប្រតិបត្តិអាណត្តិទី៩ឆ្នាំ២០២០-២០២៤ជាបន្តទៀត។
សម្រាប់បេក្ខភាពសមាជិកគណៈកម្មាធិការប្រតិ បត្តិអាណត្តិថ្មីនេះមានសមាជិករហូតដល់ទៅ២១រូប ក្នុងនោះលោកអគ្គបណ្ឌិតសភាចារ្យ អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុត្រូវបានប្រកាសតែងតាំងជាប្រធានសហព័ន្ធកីឡាការ៉ាតេកម្ពុជាអាណត្តិថ្មី។
តាមរបាយការណ៍បានឱ្យដឹងថា ចំពោះសមាសភាពសមាជិកគណៈកម្មាធិការប្រតិបត្តិអាណត្តិទី៩ថ្មីដែលមានរហូតដល់ទៅ២១រូបនេះក្រៅពីប្រធាននៅមានអនុប្រធាន១រូបនិងអនុប្រធានអចិន្ត្រៃយ៍ចំនួន៤រូបផ្សេងទៀត អគ្គលេខាធិការ១រូបគឺលោក វ៉ាត់ ចំរើន អគ្គលេខាធិការរងចំនួន៤រូប អគ្គហេរញ្ញឹក១រូបអគ្គហេរញ្ញឹករងចំនួន៤រូបនិងសមាជិក៤រូប។
លោកអគ្គបណ្ឌិតសភាចារ្យ អូន ព័ន្ធមុនីរ័ត្នបានមានប្រសាសន៍ថា ចាប់តាំងពីលោកធ្វើការងារដឹកនាំបម្រើដល់សហព័ន្ធកីឡាការ៉ាតេ កម្ពុជាអស់រយៈពេល៤ឆ្នាំគឺឆ្នាំ២០១៧-២០២០លោកទទួលស្គាល់ថា ថ្នាក់ដឹកនាំនៅក្នុងសហ ព័ន្ធទាំងអស់បានខិតខំប្រឹងប្រែងនិងលះបង់កម្លាំងកាយចិត្ត ប្រាជ្ញា ស្មារតី ធនធាននិងពេលវេលាដោយឈរលើស្មារតីទទួលខុសត្រូវខ្ពស់ធ្វើយ៉ាងណាដើម្បីជំរុញឱ្យសហព័ន្ធកីឡាការ៉ាតេកម្ពុជាមានការរីកចម្រើន ។ មិនតែប៉ុណ្ណោះសហព័ន្ធបានធ្វើការកែទម្រង់ការងារផ្ទៃក្នុងនិងការងារបច្ចេកទេសចាំបាច់មួយចំនួនដោយរលូននិងប្រកបដោយប្រសិទ្ធភាពខ្ពស់ ។
លោក អគ្គបណ្ឌិតសភាចារ្យបន្តថា មហាសន្និបាតថ្ងៃនេះ គឺជាឱកាសដ៏វិសេសវិសាលសម្រាប់ការបញ្ចេញនូវមតិយោបល់ក្នុងន័យរិះគន់ស្ថាបនា ការបកស្រាយពន្យល់ដើម្បីឆ្លុះបញ្ចាំងពីភាពអសកម្មនិងភាពសកម្មដែលអាចកើតមានជាយថាហេតុ នៅក្នុងកិច្ចដំណើរការនៃយន្តការដឹកនាំ គ្រប់គ្រង និងក្នុងដំណើរការអភិវឌ្ឍន៍បច្ចេកទេសកីឡាការ៉ាតេរបស់យើងទាំងអស់គ្នា ។ លោកបញ្ជាក់ថា នៅក្នុងអាណត្តិទី៨កន្លងមក លោកបានដាក់ចេញនូវផែនការអាទិភាពចំនួន៤សំខាន់ៗគឺ៖
ទី១-រៀបចំកសាងមជ្ឈមណ្ឌលជាតិបណ្ដុះ បណ្ដាលកីឡាការ៉ាតេ(Karate National Training Center)ហើយជាលទ្ធផលបានសម្រេចកិច្ចការនេះដោយជោគជ័យ។
ទី២-រៀបចំក្រុមជម្រើសជាតិប្រកបដោយគុណវុឌ្ឍិ ហើយជាលទ្ធផលយើងបានរៀបចំក្រុម
ជម្រើសជាតិដែលមានកីឡាករ-កីឡាការិនីល្អៗ និងបច្ចេកទេសប្រយុទ្ធមានការរីកចម្រើនគួរឱ្យកត់សម្គាល់។
ទី៣-ការពង្រឹងយន្តការគ្រប់គ្រងនិងដឹកនាំ ជាលទ្ធផលយើងបានរៀបចំឯកសារបទដ្ឋានគតិយុត្តកីឡាមួយចំនួនឡើងវិញជាអាទិ៍មាន លក្ខន្តិកៈ បទបញ្ជាផ្ទៃក្នុង និងផែនការយុទ្ធ សាស្ត្រក្នុងការអភិវឌ្ឍកីឡាការ៉ាតេ
និង ទី៤-ការស្វែងរកជំនួយបច្ចេកទេសនិងហិរញ្ញវត្ថុ ។ ចំពោះជំនួយបច្ចេកទេសយើងបានធ្វើការងារមួយចំនួនរួចមកហើយ ដែលការងារពាក់ព័ន្ធនឹងការងារផ្លាស់ប្ដូរបទពិសោធន៍បច្ចេកទេសដូចជាការប្រកួតពានរង្វាន់លោកគ្រូ ស៊ី ប៊ូយ៉ាជាដើម ៕ (កែសម្រួលដោយ ៖ បុប្ផា)
ចែករំលែកព័តមាននេះ