ខេត្តកំពង់ស្ពឺ ៖ ជនសង្ស័យមួយក្រុមដែលតែងតែធ្វើសកម្មភាពប្លន់ម៉ូតូតាមផ្លូវនានាត្រូវបានមន្ត្រីនគរបាលជំនាញព្រហ្មទណ្ឌសហការជាមួយសមត្ថកិច្ចពាក់ព័ន្ធធ្វើការបង្ក្រាបបានជាបន្តបន្ទាប់រហូតដល់ទៅចំនួន១១នាក់ បន្ទាប់ពីពួកគេធ្វើសកម្មភាពប្លន់យកម៉ូតូមួយគ្រឿងពីបុរសម្នាក់កាលពីវេលាម៉ោង៥និង៣០នាទីថ្ងៃទី២៣ ខែមករា ឆ្នាំ២០២០ នៅចំណុចផ្លូវលំ ស្ថិតក្នុងភូមិក្បាលអូរ ឃុំព្រះស្រែ ស្រុកឧដុង្គ…
ខេត្តកំពង់ស្ពឺ ៖ ជនសង្ស័យមួយក្រុមដែលតែងតែធ្វើសកម្មភាពប្លន់ម៉ូតូតាមផ្លូវនានាត្រូវបានមន្ត្រីនគរបាលជំនាញព្រហ្មទណ្ឌសហការជាមួយសមត្ថកិច្ចពាក់ព័ន្ធធ្វើការបង្ក្រាបបានជាបន្តបន្ទាប់រហូតដល់ទៅចំនួន១១នាក់ បន្ទាប់ពីពួកគេធ្វើសកម្មភាពប្លន់យកម៉ូតូមួយគ្រឿងពីបុរសម្នាក់កាលពីវេលាម៉ោង៥និង៣០នាទីថ្ងៃទី២៣ ខែមករា ឆ្នាំ២០២០ នៅចំណុចផ្លូវលំ ស្ថិតក្នុងភូមិក្បាលអូរ ឃុំព្រះស្រែ ស្រុកឧដុង្គ ខេត្តកំពង់ស្ពឺ ។
បន្ទាប់ពីមានសកម្មភាពប្លន់ខាងលើបានកើតឡើង សមត្ថកិច្ចបានចុះធ្វើការស្រាវជ្រាវ និងទទួលបានការបំភ្លឺពីជនរងគ្រោះផងនោះ បានរកឃើញមុខសញ្ញាប្លន់ជិះម៉ូតូពីរគ្រឿងមានគ្នា៤នាក់ធ្វើសកម្មភាពស្ទាក់ប្លន់ពីម៉ូតូមួយគ្រឿងពីជនរងគ្រោះឈ្មោះលុយ លី ភេទប្រុស អាយុ៥០ឆ្នាំ រស់នៅភូមិឃុំកើតហេតុខាងលើ។
តាមប្រភពពីសមត្ថកិច្ចបានអោយដឹងថា ក្រោមការចង្អុលបង្ហាញរបស់លោកវុី សំណាង អភិបាលខេត្តកំពង់ស្ពឺស្នងការនគរបាលខេត្តការិយាល័យព្រហ្មទណ្ឌបានសហការជាមួយសមត្ថកិច្ចពាក់ព័ន្ធនឹងស្រុកឧដុង្គនិងខេត្តកំពង់ឆ្នាំងបានធ្វើការស្រាវជ្រាវរហូតកំណត់មុខសញ្ញាប្លន់ទាំងនេះបានជាបន្តបន្ទាប់។
ជនល្មើសដែលសមត្ថកិច្ចបង្ក្រាបថៃ្ងដំបូងចំនួន៥នាក់ រួមមាន ១-ឈ្មោះស៊ុន សុវណ្ណារ៉ា ហៅឃីម ភេទប្រុស អាយុ១៧ឆ្នាំ រស់នៅភូមិទួលពង្រ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង ២-ឈ្មោះ សេង សុភក្តិ ភេទប្រុស អាយុ១៧ឆ្នាំ រស់នៅភូមិខ្យាង ឃុំស្វាយស្រុកសាមគ្គីមានជ័យ ខេត្តកំពង់ឆ្នាំង ៣-ឈ្មោះ សុង វ៉ាន ភេទប្រុស អាយុ២០ឆ្នាំ រស់នៅភូមិគន្ថំ ឃុំវាលពន់ ស្រុកថ្ពង ខេត្តកំពង់ស្ពឺ ៤-ឈ្មោះ សុខ សំជុន ភេទប្រុស អាយុ២៥ឆ្នាំ រស់នៅភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង និង៥-ឈ្មោះ ម៉ាន់ ហៃ ភេទប្រុស អាយុ២៥ឆ្នាំ រស់នៅភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ។
ចំណែកវត្ថុតាងដែលសមត្ថកិច្ចដកហូតរួមមាន ម៉ូតូចំនួន៤គ្រឿង (ក្នុងនោះ ម៉ូតូពីរគ្រឿងម៉ាកហុងដា ធុនសេ១២៥ ស៊េរីឆ្នាំ២០១៩ ពណ៌ខ្មៅ, ម៉ូតូមួយគ្រឿងម៉ាកហ្សូ៊មមើអិច ពណ៌លឿង និងម៉ូតូមួយគ្រឿងម៉ាកនិច ពណ៌ស), ដាវ១ដើម, ទូរស័ព្ទដៃ៣គ្រឿងនិងម្សៅក្រាមសង្ស័យជាគ្រឿងញៀនចំនួន៣កញ្ចប់ ។︎។
ជនល្មើសដែលសមត្ថកិច្ចបង្ក្រាបបាននៅថៃ្ងបន្ទាប់ចំនួន៦នាក់ រួមមាន ១-ឈ្មោះ ម៉ាត់ គ្រីម ភេទប្រុសអាយុ២៨ឆ្នាំ រស់នៅភូមិទួល ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ២-ឈ្មោះ វ៉ាត វ៉ូ ហៅធុង ភេទប្រុស អាយុ១៨ឆ្នាំ រស់នៅភូមិថ្មីខ្មែរ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ៣-ឈ្មោះ អុីម ផល្លី ភេទប្រុស អាយុ១៨ឆ្នាំ រស់នៅភូមិតាំងក្រង ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង ៤-ឈ្មោះម៉ាច ភ័ក្ត្រា ភេទប្រុស អាយុ១៧ឆ្នាំ រស់នៅភូមិ-ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ៥-ឈ្មោះ ម៉ាំ រស្មី ភេទប្រុស អាយុ១៨ឆ្នាំ រស់នៅភូមិខ្មែរថ្មី ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង និង៦-ឈ្មោះ ថា ពៅ ភេទប្រុស អាយុ២០ឆ្នាំ រស់នៅឃុំឈូកស ស្រុកកំពង់ត្រឡាច (ឃាត់ក្នុងរង្វង់កិច្ចប្រតិបត្តិការ) ។
ចំណែកវត្ថុតាងដែលសមត្ថកិច្ចដកហូតបានរួមមាន ម៉ូតូចំនួន២គ្រឿង ក្នុងនោះម៉ូតូមួយគ្រឿងម៉ាកនិច ពណ៌ខ្មៅ និងម៉ូតូមួយគ្រឿងទៀតម៉ាកហុងដា ធុនសេ១២៥ ស៊េរីឆ្នាំ២០១៩ ពណ៌ខ្មៅ ត្រូវជនសង្ស័យ៤នាក់ធ្វើសកម្មភាពប្លន់កាលពីថៃ្ងទី២៣ មករា ឆ្នាំ២០២០ (ជនសង្ស័យទាំង៤នាក់រួមមានឈ្មោះ វ៉ាត វ៉ូ, ឈ្មោះអុីម ផល្លី, ឈ្មោះម៉ាច ភក្ត្រា និងឈ្មោះម៉ាំ រស្មី) ។ ជនសង្ស័យទាំង៤នាក់នេះធ្វេីសកម្មភាពប្លន់ជនរងគ្រោះដោយស្ទាក់វាយតែម្ដង ។
តាមប្រភពព័ត៌មានបានបន្តថា ក្រុមជនសង្ស័យដែលត្រូវសមត្ថកិច្ចឃាត់ខ្លួនមានចំនួន១១នាក់ ក្នុងនោះមានទាំងមេខ្លោងម្នាក់ និងអ្នកសមគំនិត ហើយសមត្ថកិច្ចដកហូតបានម៉ូតូចំនួន៦គ្រឿង និងមានម្ចាស់ម៉ូតូជាជនរងគ្រោះចំនួន៣នាក់មកដាក់ពាក្យបណ្តឹងផងដែរ ។
បច្ចុប្បន្ន ជនសង្ស័យទាំង១១នាក់ខាងលើនេះត្រូវបានសមត្ថកិច្ចជំនាញកសាងសំណុំរឿងបញ្ជូនទៅសាលាដំបូងខេត្តកំពង់ស្ពឺដើម្បីចាត់ការតាមនីតិវិធី ។
សូមរំលឹកថា យុទ្ធនាការបង្ក្រាបក្រុមជនសង្ស័យខាងលើដែលតែងតែធ្វើសកម្មភាពស្ទាក់វាយប្លន់យកម៉ូតូពីប្រជាពលរដ្ឋតាមបណ្ដាក្រុងស្រុកកន្លងមកគឺជាយុទ្ធនាការលើកទី២ហើយ បន្ទាប់ពីយុទ្ធនាការលើកទី១ ធ្វើឡើងកាលពីអំឡុងចុងឆ្នាំ២០១៩ ហើយយុទ្ធនាការចុះបង្ក្រាបទាំង២លើកនេះ ធ្វើឱ្យប្រជាពលរដ្ឋមានការសាទរយ៉ាងខ្លាំង ចំពោះចំណាត់ការរបស់សមត្ថកិច្ចទៅលើក្រុមជនសង្ស័យដែលតែងតែស្ទាក់វាយប្លន់ម៉ូតូពីប្រជាពលរដ្ឋតាមផ្លូវលំ និងផ្លូវជាតិមួយចំនួនក្នុងភូមិសាស្ត្រខេត្តកំពង់ស្ពឺ ៕ (កែសម្រួលដោយ ៖ ធីតា)
ចែករំលែកព័តមាននេះ