មានប្រាក់ដែរ ប៉ុន្តែសង់់រំលោ.ភលើផ្លូវ បញ្ជាឱ្យវ៉ៃចោលអាលើស
- សៀមរាប
ខេត្តសៀមរាប ៖ សំណង់សណ្ឋាគារដ៏ធំមួយរបស់លោក សែ សាមុត អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានសាងសង់រំលោភលើចំណីផ្លូវសាធារណៈ…
ខេត្តសៀមរាប ៖ សំណង់សណ្ឋាគារដ៏ធំមួយរបស់លោក សែ សាមុត អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានសាងសង់រំលោភលើចំណីផ្លូវសាធារណៈ…
ខេត្តសៀមរាប ៖ សំណង់សណ្ឋាគារដ៏ធំមួយរបស់លោក សែ សាមុត អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានសាងសង់រំលោភលើចំណីផ្លូវសាធារណៈ ហើយត្រូវបានរដ្ឋបាលក្រុងសៀមរាប និងខេត្តចុះទៅផ្អាក និងកំណត់ឲ្យរុះរើមួយផ្នែកចេញជាបន្ទាន់ចាប់ពីថ្ងៃទី២៣ ខែមករាតទៅ ។ សណ្ឋាគារខាងលើនេះមានឈ្មោះ «ជាតិថាតាអង្គរ» ប៉ុន្តែក្នុងកំណត់ហេតុរបស់សមត្ថកិច្ចគឺឈ្មោះ គង់ ប៊ុនហេង ភេទប្រុស ជាតំណាងឲ្យម្ចាស់សំណង់សណ្ឋាគារនោះ ។ ក្នុងពេលធ្វើការវាស់វែងនិងកំណត់តាមប្លង់ជំនាញបានបង្ហាញថា សណ្ឋាគារខាងលើនេះ បានសាងសង់ចូលមកលើផ្លូវចំនួន២ម៉ែត្រ ។
ករណីនេះត្រូវបានរដ្ឋបាលក្រុងនិងខេត្ត កំណត់ឲ្យរុះរើដោយគ្មានលក្ខខណ្ឌចាប់ពីថ្ងៃទី២៣ ខែមករាតទៅ ។ ក្នុងករណីម្ចាស់មិនអនុវត្តការរុះរើតាមលក្ខខណ្ឌ អាជ្ញាធរនឹងចាត់វិធានការរុះរើដោយមិនទទួលខុសត្រូវរាល់ការខូចខាតអ្វីទាំងអស់ ។ ក្នុងការចុះរុះរើនោះដែរ លោក អ៊ុង សុភ័ណ នាយកទីចាត់ការអន្តរវិស័យរដ្ឋបាលខេត្ត ដែលដឹកនាំកម្លាំងចុះទៅអនុវត្ត សុំមិនធ្វើអត្ថាធិប្បាយទេ ។ ប៉ុន្តែលោកបានបន្លុយពាក្យមួយឃ្លាថា ផ្នែកខាងជើងសណ្ឋាគារនេះបានសាងសង់មកលើផ្លូវខាងមុខ២ម៉ែត្រ ឯខាងក្រោយ១,៨៥ម៉ែត្រ។ ក្រៅពីនោះ ផ្នែកខាងមុខខាងកើតនៃសណ្ឋាគារ ក៏សង់ចូលចំណីផ្លូវដែរ ប៉ុន្តែក្រោយពេលអាជ្ញាធរកសាងនិងពង្រីកផ្លូវ នឹងអនុវត្តតាមភាពជាក់ស្តែង ។
ក្នុងពេលកម្លាំងចម្រុះចុះអនុវត្តដោយប្រើ (GPS)វាស់ស្ទង់ ពលរដ្ឋដែលមានលំនៅឋាន ខាងក្រោយសណ្ឋាគារខាងលើ បានបង្ហាញក្តីរំភើប បន្ទាប់ពីបានរស់នៅជាមួយភាពចង្អៀតមានតែផ្លូវម៉ូតូជាង១០ឆ្នាំមកហើយនោះ ។ពលរដ្ឋម្នាក់ក្នុងចំណោម៨ទៅ៩គ្រួសារ បាននិយាយកាលពីព្រឹកថ្ងៃទី២៥ ខែមករាថា កាលពីជាង១០ឆ្នាំមុន អាជ្ញាធរតម្រូវឲ្យពួកគាត់បង្ខិតព្រំ ហើយទុកផ្លូវ៦ម៉ែត្រ ។
លុះពួកគាត់បង្ខិតតាមការកំណត់របស់រដ្ឋហើយ បែរជាម្ចាស់សណ្ឋាគារដែលជាអតីតប្រធានមន្ទីរសុរិយោដីខេត្ត លោក សែ សាមុត បានសាងសង់លើចំណីផ្លូវអស់មួយផ្នែកធំ ធ្វើឲ្យផ្លូវសម្រាប់ចេញចូលផ្ទះពួកគាត់នៅសល់ត្រឹមទទឹងមួយម៉ែត្រ ទោះពួកគាត់ប្តឹងសុំជួយអន្ត រាគមន៍យ៉ាងណាក៏គ្មានដំណោះស្រាយ ហើយរឿងនេះត្រូវអូសបន្លាយរហូតជាង១០ឆ្នាំ ។ ពលរដ្ឋដែលសុំមិនបង្ហាញឈ្មោះដដែល បានឲ្យដឹងទៀតថា រយៈពេលជាង១០ឆ្នាំមកនេះ ត្រឹមធ្វើបង្គន់ឬធ្វើជណ្តើរផ្ទះ ក៏ត្រូវជញ្ជូនខ្សាច់និងឥដ្ឋដោយបង្គីដែរ ព្រោះផ្លូវមានទទឹងតែមួយម៉ែត្រ ។
បើតាមតំណាងក្រុមពលរដ្ឋរស់នៅក្នុងសង្កាត់ស្វាយដង្គំទាំងនោះអះអាងថា តាមពិតម្ចាស់សណ្ឋាគារខាងលើឈ្មោះ សែ សាមុត ពីមុនគាត់ជាប្រធានមន្ទីររៀបចំដែនដី នគរូបនីយកម្ម សំណង់ និងសុរិ
យោដីខេត្តសៀមរាប ។ អុីចឹងហើយ ទើបបានជាថ្នាក់ដឹកនាំខេត្តពិបាកក្នុងការអន្តរាគមន៍រឿងបើកផ្លូវបែបនេះ ។
យោងតាមលក្ខខណ្ឌដែលរដ្ឋបាលក្រុង និងខេត្តតម្រូវឱ្យរុះរើ គេរំពឹងថាម្ចាស់សំណង់សណ្ឋាគារខាងលើ
នឹងសហការ ហើយពលរដ្ឋ៨ទៅ៩គ្រួសារដែលរស់នៅស្ទើរគ្មានច្រកចេញជាង១០ឆ្នាំមកនេះ នឹងមានផ្លូវចេញចូលដូចពលរដ្ឋទូទៅ ក្នុងក្រុងសៀមរាបដែរនាពេលដ៏ខ្លីខាងមុខ។ សូមបញ្ជាក់ថា សំណង់សណ្ឋាគារដែលត្រូវបានក្រុមមន្ត្រីចុះទៅកំណត់ឲ្យរុះរើនោះ ស្ថិតនៅក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប ក្បែរផ្សារផល្លារាត្រីអង្គរ ។
មហាជនបានលើកឡើងថា សំណង់មួយចំនួនដូចជា សណ្ឋាគារ ផ្ទះសំណាក់ និងភូមិគ្រឹះផ្សេងៗនៅក្នុងក្រុងសៀមរាប ត្រូវបានសាងសង់ឡើងដោយខុសច្បាប់និងរំលោភលើចំណីផ្លូវសាធារណៈនិងលើលូជាដើម ។ ករណីនេះគេសង្ឃឹមថា អាជ្ញាធរខេត្តនិងក្រុង នឹងមានវិធានការជាបន្ត បន្ទាប់ជាមិនខាន ៕
ចែករំលែកព័តមាននេះ