បែកធ្លាយថា Messi ត្រូវបានគេថ្នមនៅពេលហ្វឹកហាត់
តាមប្រភពព័ត៌មាន Soccer Laduma បានឱ្យដឹងថា មានការបង្ហើបឱ្យដឹងថា កីឡាកររបស់ក្លិប Barcelona ទាំងអស់ត្រូវបន្ធូរជើងពេលហ្វឹកហាត់ជាមួយនឹងជើងខ្លាំង Lionel Messi…
តាមប្រភពព័ត៌មាន Soccer Laduma បានឱ្យដឹងថា មានការបង្ហើបឱ្យដឹងថា កីឡាកររបស់ក្លិប Barcelona ទាំងអស់ត្រូវបន្ធូរជើងពេលហ្វឹកហាត់ជាមួយនឹងជើងខ្លាំង Lionel Messi…
តាមប្រភពព័ត៌មាន Soccer Laduma បានឱ្យដឹងថា មានការបង្ហើបឱ្យដឹងថា កីឡាកររបស់ក្លិប Barcelona ទាំងអស់ត្រូវបន្ធូរជើងពេលហ្វឹកហាត់ជាមួយនឹងជើងខ្លាំង Lionel Messi ព្រោះតែការពារមិនឱ្យ Messi មានរបួស។
Messi នាពេលកន្លងមកនេះ តែងតែជាកីឡាកររកគ្រាប់បាល់ជូនក្លិបអ្នកមានបុណ្យ Barcelona ដោយសារតែកីឡាករផ្សេងៗទៀត រកផ្លូវបិទគេមិនបាន។ កីឡាករ Jean-Clair Todibo ដែលថ្មីៗនេះបានចូលរួមជាមួយក្លិប Schalke ក្នុងលក្ខណៈខ្ចីជើង បានបង្ហើបថា គ្មាននរណាម្នាក់ចង់ធ្វើឱ្យ Messi ដែលជាអ្នកពូកែរកគ្រាប់បាល់ រងរបួសនៅពេលហ្វឹកហាត់ឡើយ។
Todibo បានប្រាប់សារព័ត៌មានអាល្លឺម៉ង់ Bild ថា៖ «យើងទាំងអស់គ្នាដឹងថាគាត់មិនអាចរងរបួសបានទេ។ ខ្ញុំរៀនបានច្រើនពី Messi ហើយខ្ញុំក៏ដណ្តើមបាល់ពីគាត់ក្នុងការហ្វឹកហាត់ពីរបីដងដែរ។ ប៉ុន្តែខ្ញុំត្រូវតែដណ្តើមឱ្យស្រួល ព្រោះគ្មាននរណាម្នាក់ចង់ឱ្យគាត់របួសឡើយ»។
កីឡាកររូបនេះបានបន្ថែមទៀតថា ៖ «ខ្ញុំចង់លេង ហើយខ្ញុំនឹងផ្តល់អ្វីៗគ្រប់យ៉ាងតាមតែអាចធ្វើបាន។ ខ្ញុំបានចូលចំណោមគេចុះបានល្អណាស់ ដោយសារតែការជួយសម្រួលពីគ្រូបង្វឹក និងមិត្តរួមក្រុមរបស់ខ្ញុំ»។
គួរបញ្ជាក់ផងដែរថា បន្ទាប់ពីគាត់មិនមានពេលវេលាលេងនៅ Camp Nou ពេលនេះកីឡាករវ័យ២០ឆ្នាំរូបនេះ កំពុងព្យាយាមបង្កើតកេរិ៍្តឈ្មោះខ្លួនឯងនៅក្នុងក្របខ័ណ្ឌ Bundesliga ជាមួយ Schalke ក្នុងលក្ខណៈខ្ចីជើង៕ (កែសម្រួលដោយ ៖ ធីតា)
ចែករំលែកព័តមាននេះ