Mbappe ប្រាប់ពីមូលហេតុដែលត្រូវធ្វើតាម Ronaldo ជាជាងតាម Messi
តាមប្រភពព័ត៌មាន Soccer Laduma បានឱ្យដឹងថា ដោយមានមនុស្សជាច្រើនជឿជាក់ថា Kylian Mbappe នឹងអាចឡើងគ្រប់គ្រងពាន Ballon d’Or…
តាមប្រភពព័ត៌មាន Soccer Laduma បានឱ្យដឹងថា ដោយមានមនុស្សជាច្រើនជឿជាក់ថា Kylian Mbappe នឹងអាចឡើងគ្រប់គ្រងពាន Ballon d’Or…
តាមប្រភពព័ត៌មាន Soccer Laduma បានឱ្យដឹងថា ដោយមានមនុស្សជាច្រើនជឿជាក់ថា Kylian Mbappe នឹងអាចឡើងគ្រប់គ្រងពាន Ballon d’Or ក្នុងរយៈពេលប៉ុន្មានឆ្នាំក្រោយនេះ កំពូលតារាឆ្នើមវ័យក្មេង បានបង្ហើបប្រាប់ពីមូលហេតុដែលគាត់មានអារម្មណ៍ថា ខ្លួនត្រូវតែធ្វើត្រាប់តាម Cristiano Ronaldo ជាជាងគូប្រជែងយូរអង្វែងរបស់ប្រធានក្រុមព័រទុយហ្កាល់គឺ Lionel Messi។
ថ្មីៗនេះកីឡាករវ័យ២១ឆ្នាំរូបនេះ បានហៅ Zinedine Zidane និង Ronaldo ថាជាអាយដលរបស់ខ្លួន ហើយប្រាប់នៅលើសារព័ត៌មាន Gazzetta dello Sport ថា «វាយឺតពេលហើយសម្រាប់ខ្ញុំ ដើម្បីធ្វើឱ្យដូច Messi។ បើចង់ធ្វើឱ្យដូច ខ្ញុំត្រូវតែនៅលេងឱ្យក្លិបតែមួយ ដែលជា Monaco»។
គេបានបន្តថា «តែនៅពេលនេះ ខ្ញុំត្រូវតែយកគម្រូតាម Cristiano» ។ បន្ទាប់មក Mbappe បានបន្តសរសើរ Ronaldo ដោយនិយាយថា Ronaldo អាចធ្វើឱ្យមានភាពផ្លាស់ប្តូរនៅ Juventus ដើម្បីឱ្យឈ្នះពាន UEFA Champions League។
Mbappe បានបន្ថែមថា «Cristiano គឺជានិមិត្តរូបមួយរបស់ខ្ញុំ កាលពីនៅក្មេង។ ឥឡូវនេះខ្ញុំមានសំណាងណាស់ដែលបានប្រកួតតទល់ជាមួយនឹងគាត់។ Juve គឺជាក្រុមខ្លាំង ដែលនេះត្រូវបានបង្ហាញដោយការឈានដល់វគ្គផ្តាច់ព្រ័ត្រនៃក្របខ័ណ្ឌ Champions League ។ លើសពីនេះទៀតជាមួយ Maurizio Sarri ឥឡូវនេះ Juve ផ្តល់ជូននូវការប្រកួតដ៏ល្អមួយ» ។
គួរបញ្ជាក់ផងដែរថា Mbappe បានឡើងជើងយឺតៗនៅក្នុងរដូវកាលនេះ ហើយពេលនេះមានគ្រាប់បាល់ចំនួន២១គ្រាប់ នៅក្នុងការប្រកួតចំនួន២២ដង សម្រាប់ PSG ៕ (កែសម្រួលដោយ ៖ ធីតា)
ចែករំលែកព័តមាននេះ