រាជធានីភ្នំពេញ ៖ បុរសជនជាតិចិនម្នាក់សង្ស័យបែកថ្នាំ មិនដឹងមកពីណា ស្រាប់តែដើរចូលបន្ទប់ជួលរបស់គេបំរុងលួចសម្ភារៈ និងលួចម៉ូតូ តែត្រូវម្ចាស់ផ្ទះជួលប្រទះឃើញទាន់ក៏នាំគ្នាឃាត់ខ្លួនប្រគល់ទៅអោយសមត្ថកិច្ចប៉ុស្តិ៍ផ្សារថ្មីទី៣យកទៅសួរនាំតែម្តង ។ ហេតុការណ៍នេះបានកើតឡើងកាលពីវេលាម៉ោង៥ព្រឹកថ្ងៃទី២៤ ខែមករា…
រាជធានីភ្នំពេញ ៖ បុរសជនជាតិចិនម្នាក់សង្ស័យបែកថ្នាំ មិនដឹងមកពីណា ស្រាប់តែដើរចូលបន្ទប់ជួលរបស់គេបំរុងលួចសម្ភារៈ និងលួចម៉ូតូ តែត្រូវម្ចាស់ផ្ទះជួលប្រទះឃើញទាន់ក៏នាំគ្នាឃាត់ខ្លួនប្រគល់ទៅអោយសមត្ថកិច្ចប៉ុស្តិ៍ផ្សារថ្មីទី៣យកទៅសួរនាំតែម្តង ។
ហេតុការណ៍នេះបានកើតឡើងកាលពីវេលាម៉ោង៥ព្រឹកថ្ងៃទី២៤ ខែមករា ឆ្នាំ២០២០ នៅចំណុចផ្ទះលេខ៣២៤ តាមបណ្តោយផ្លូវ៥១ ក្រុម៦៥ ភូមិ១០ សង្កាត់ផ្សារថ្មីទី៣ ខណ្ឌដូនពេញ ។
បុរសជនជាតិចិនខាងលើនោះ មិនស្គាល់អត្តសញ្ញាណនោះទេ មានអាយុប្រហែលជា៣៤ទៅ៣៥ឆ្នាំ ។
តាមប្រភពព័ត៌មានពីម្ចាស់ផ្ទះជួលខាងលើសុំមិនបញ្ចេញឈ្មោះបានអោយដឹងថា មុនពេលកើតហេតុគឺអ្នកជួលផ្ទះរបស់គាត់បានប្រទះឃើញបុរសជនជាតិចិនម្នាក់ខាងលើ មិនដឹងថាមកពីណានោះទេ សង្ស័យបែកថ្នាំ បានដើរចូលទៅបន្ទប់ជួលរបស់គេ ហើយបំរុងធ្វើសកម្មភាពលួចសម្ភារៈ និងលួចម៉ូតូ ប៉ុន្តែមានគេតាមទាន់ឆែកឆេរទៅក៏រកឃើញសម្ភារៈដូចជាដែកសរសៃតូចៗចំនួន៣ ហើយកន្លងមកគឺមានស្ត្រីម្នាក់ឈ្មោះស្រីម៉ៅ គឺជាអ្នកជួលបន្ទប់នៅកន្លែងកើតហេតុក៏ធ្លាប់ឃើញជនសង្ស័យជាជនជាតិចិនម្នាក់នេះមកធ្វើសកម្មភាពដែរ ប៉ុន្តែមិនបានសម្រេចនោះទេ ។
ក្រោយពេលកើតហេតុ បុរសជនជាតិចិនខាងលើនេះត្រូវបានសមត្ថកិច្ចធ្វើការឃាត់ខ្លួនយកទៅប៉ុស្តិ៍
រដ្ឋបាលនគរបាលផ្សារថ្មីទី3ដើម្បីធ្វើការសាកសួរ ៕ (កែសម្រួលដោយ ៖ធីតា)
ចែករំលែកព័តមាននេះ