មន្ត្រីចិនព្រមានថា៖ «មេរោគផ្លូវដង្ហើមថ្មីនេះនឹងរីករាលដាលកាន់តែខ្លាំង»
នៅក្នុងសន្និសីទសារព័ត៌មានមួយ កាលពីថ្ងៃពុធទី២២ ខែមករា លោក លី ប៊ីន (Li Bin) អនុប្រធានគណៈកម្មាធិការជាតិសុខាភិបាលចិន បានថ្លែងថា…
នៅក្នុងសន្និសីទសារព័ត៌មានមួយ កាលពីថ្ងៃពុធទី២២ ខែមករា លោក លី ប៊ីន (Li Bin) អនុប្រធានគណៈកម្មាធិការជាតិសុខាភិបាលចិន បានថ្លែងថា…
នៅក្នុងសន្និសីទសារព័ត៌មានមួយ កាលពីថ្ងៃពុធទី២២ ខែមករា លោក លី ប៊ីន (Li Bin) អនុប្រធានគណៈកម្មាធិការជាតិសុខាភិបាលចិន បានថ្លែងថា «បើទោះបីជាការចម្លងនៃវីរុស ផ្លូវដង្ហើមថ្មីនេះ មិនទាន់ត្រូវបានកំណត់ឱ្យច្បាស់ក៏ដោយ តែវាមានលទ្ធភាពដែលគួរឱ្យព្រួយបារម្ភថា វីរុសនេះអាចនឹងវិវត្តន៍ផ្លាស់ប្ដូរទម្រង់ និងការរីករាលដាលកាន់តែខ្លាំងនៅពេលអនាគត» ។
ជាមួយគ្នានេះ អាជ្ញាធរចិនបានប្រកាសពីវិធានការបន្ថែម ដើម្បីព្យាយាមគ្រប់គ្រងការបន្តរីករាលដាលនៃវីរុសផ្លូវដង្ហើមនេះ ស្របពេលដែលប្រជាជនចិនរាប់រយលាននាក់ ត្រូវធ្វើដំណើរទៅមកក្នុងប្រទេស នាកំឡុងបុណ្យចូលឆ្នាំចិននាសប្តាហ៍នេះ។ ដោយឡែក ក្រៅពីប្រទេសចិន នៅប្រទេសថៃ ជប៉ុន កូរ៉េខាងត្បូង កោះតៃវ៉ាន់ និងសហរដ្ឋអាមេរិក ក៏បានរកឃើញករណីអ្នកផ្ទុកវីរុសនេះដែរ ដែលករណីទាំងនោះគឺពាក់ព័ន្ធជាមួយអ្នកដែលធ្វើដំណើរមកពីក្រុងវូហាន របស់ចិន ។ បន្ថែមពីនេះ អង្គការសុខភាពពិភពលោក(WHO) ក៏បានប្រកាសរៀបចំកិច្ចប្រជុំបន្ទាន់មួយនៅក្នុងសប្តាហ៍នេះផងដែរ ដើម្បីពិភាក្សាអំពីវិធានការទប់ស្កាត់ការឆ្លងវីរុសផ្លូវដង្ហើមនៅប្រទេសចិន ។
កាលពីថ្ងៃអង្គារទី២១ ខែមករាកន្លងទៅ អាជ្ញាធរសុខាភិបាលចិន បានទទួលស្គាល់ថា វីរុសផ្លូវដង្ហើមថ្មីគឺឆ្លងពីមនុស្សទៅមនុស្សតាមរយៈការក្អក ឬកណ្តាស់ ប៉ុន្តែមិនទាន់អាចបញ្ជាក់ពីប្រភពជាក់លាក់នៃកំណើតវីរុសនេះនៅឡើយទេ ៕
ចែករំលែកព័តមាននេះ