សព្វថ្ងៃនេះ អាជីវករជួបការលំបាកយ៉ាងខ្លាំងក្នុងការប្រកួតប្រជែងជាមួយនឹងអាជីវកម្មដទៃលើទីផ្សារ ហើយគ្រាន់តែមានផលិតផលដែលមានគុណភាពខ្ពស់ គឺមិនគ្រប់គ្រាន់ទៀតឡើយក្នុងការទាក់ទាញអតិថិជន ។ ដូច្នេះក្នុងនាមជាអាជីវករ អ្នកអាចធ្វើយ៉ាងដូចម្តេចខ្លះដើម្បីឈានមុខដៃគូប្រកួតប្រជែង? ១-គុណភាពសម្រាប់អតិថិជន ៖ គុណភាពល្អមិនល្អ…
សព្វថ្ងៃនេះ អាជីវករជួបការលំបាកយ៉ាងខ្លាំងក្នុងការប្រកួតប្រជែងជាមួយនឹងអាជីវកម្មដទៃលើទីផ្សារ ហើយគ្រាន់តែមានផលិតផលដែលមានគុណភាពខ្ពស់ គឺមិនគ្រប់គ្រាន់ទៀតឡើយក្នុងការទាក់ទាញអតិថិជន ។
ដូច្នេះក្នុងនាមជាអាជីវករ អ្នកអាចធ្វើយ៉ាងដូចម្តេចខ្លះដើម្បីឈានមុខដៃគូប្រកួតប្រជែង?
១-គុណភាពសម្រាប់អតិថិជន ៖
គុណភាពល្អមិនល្អ អ្នកមិនគួរមើលវាដោយប្រើទស្សនអ្នកលក់ទេ ។ ជាទូទៅអ្នកផ្គត់ផ្គង់ត្រូវតែផ្តល់អ្វីដែលហួសពីការរំពឹងទុករបស់អតិថិជនទៅលើការប្រើប្រាស់ ភាពធន់មាំ សន្តិសុខ ប្រសិទ្ធិភាព និងសេវាបម្រើអតិថិជនជាដើម ។
គុណភាពខ្ពស់ក៏អាចជួយផ្សព្វផ្សាយផលិតផលអ្នកដែរ ដូចជារថយន្ត Cybertruck របស់ក្រុមហ៊ុន Tesla ដែលបានបង្ហាញនៅឆ្នាំមុនជាដើម ។
២-កាតព្វកិច្ចក្នុងការផ្តល់សេវាលឿន ៖
ល្បឿននៃការផ្តល់សេវាមិនមានន័យដូចមុនទៀតទេ ។ បច្ចុប្បន្ននេះល្បឿនអាចមានន័យថាសមត្ថភាពរបស់អាជីវករក្នុងការដឹកជញ្ជូនទំនិញឲ្យដល់ដៃអតិថិជនក្នុងរយៈពេលមិនដល់មួយថ្ងៃជាដើម ។ បើនៅក្នុងវិស័យម្ហូបអាហារវិញ វាអាចនឹងមានន័យថាអាហារគួរតែត្រូវដល់តុរបស់ភ្ញៀវមុន ២០នាទី ។
៣-ឯកជនភាពអតិថិជន ៖
ក្រុមហ៊ុនធំៗកាន់តែច្រើនដូចជា Google និង Facebook ជាដើមបានចូលរួមសកម្មភាពប្រមូលទិន្នន័យរបស់អ្នកប្រើប្រាស់ដែលធ្វើឲ្យមនុស្សកាន់តែច្រើនព្រួយបារម្ភពីការរំលោភឯកជនភាពរបស់ខ្លួន ។
ដូច្នេះក្រុមហ៊ុនដែលអាចរក្សាភាពស្មោះត្រង់ជាមួយនឹងអតិថិជនទៅលើអ្វីដែលពួកគេប្រមូលពីអ្នកប្រើប្រាស់នឹងបន្តទទួលបានការគាំទ្របន្តទៀត ។
ប្រសិនបើអាជីវកម្មមិនមើលឃើញការលក់កើតមានឡើងបន្តហើយម្តងទៀតទេនោះ អាជីវកម្មនោះនឹងដួលរលំបន្តិចម្តងៗជាក់ជាមិនខាន ។ អតិថិជនដែលសប្បាយរីករាយនឹងផលិតផលឬសេវាកម្មគឺជាអ្វីដែលជំរុញឲ្យមានការលក់កើតមានឡើងម្តងហើយម្តងទៀត ។ ដោយហេតុដូចនេះវាពិតជាសំខាន់ណាស់សម្រាប់អាជីវករក្នុងការផ្តោតស្មារតីលើគុណភាព ល្បឿន និងភាពឯកជនរបស់អ្នកប្រើប្រាស់ ៕ (កែសម្រួលដោយ ៖ ធីតា)
ចែករំលែកព័តមាននេះ