អង្គការស្បៀងអាហារ និងកសិកម្មនៃអង្គការសហប្រជាជាតិ (FAO) បាននិយាយនៅដើមសប្តាហ៍នេះថា ផលិតកម្មអង្ករពិភពលោកត្រូវបានគេព្យាករណ៍ថានឹងឈានដល់កម្រិតខ្ពស់បំផុតគឺប្រមាណជា ៥៥៦,៤លានតោន ។ អង្គការនេះបាននិយាយថា ស្តុកអង្ករពិភពលោកនៅបិទរដូវប្រមូលផលនៅពេលបច្ចុប្បន្ន បន្តបង្ហាញថា…
អង្គការស្បៀងអាហារ និងកសិកម្មនៃអង្គការសហប្រជាជាតិ (FAO) បាននិយាយនៅដើមសប្តាហ៍នេះថា ផលិតកម្មអង្ករពិភពលោកត្រូវបានគេព្យាករណ៍ថានឹងឈានដល់កម្រិតខ្ពស់បំផុតគឺប្រមាណជា ៥៥៦,៤លានតោន ។
អង្គការនេះបាននិយាយថា ស្តុកអង្ករពិភពលោកនៅបិទរដូវប្រមូលផលនៅពេលបច្ចុប្បន្ន បន្តបង្ហាញថា ទុនបម្រុងអង្ករពិភពលោកអាចឈានដល់កម្រិតខ្ពស់បំផុត ហើយទំហំពាណិជ្ជកម្មអង្ករគឺមានប្រមាណជា ជាង៦០ លានតោន។
នៅក្នុងករណីដែលស្តុកអង្ករមានគ្រប់គ្រាន់បែបនេះ អ្នកវិភាគបានអះអាងថា តម្លៃអង្ករអាចនឹងមិនសូវបានថ្លៃឡើយ ហើយប្រទេសខ្លះក៏អាចនឹងកាត់បន្ថយតម្រូវការនាំចូលអង្ករ ពីព្រោះតែសមត្ថភាពផ្គត់ផ្គង់នៅក្នុងស្រុកផ្ទាល់ ។
អ្នកវិភាគដដែលបានឲ្យដឹងថា ករណីដូចជាហ្វីលីពិន ដែលធ្លាប់នាំអង្ករដ៏ច្រើនពីវៀតណាម ក៏កាត់បន្ថយដែរ ហើយឥណ្ឌូនេស៊ី ដែលធ្លាប់នាំអង្ករពីថៃនិងវៀតណាម ក៏បានប្រកាសកាត់បន្ថយការនាំចូលដែរ ដោយសារតែទិន្នផលអង្ករនៅក្នុងស្រុកមានទិន្នផលគ្រប់គ្រាន់ធានាសន្តិសុខស្បៀងបាន ។
ប្រភពដដែលបានបន្តថា នៅក្នុងស្ថានភាពនេះតម្លៃអង្ករជាពិសេសគឺស្រូវអាចនឹងស្រុតចុះ ។
ពាក់ព័ន្ធនឹងបញ្ហាទីផ្សារនេះ សហព័ន្ធស្រូវអង្កកម្ពុជាបានឲ្យដឹងថា តម្លៃស្រូវសើមកាលពីចុងខែកញ្ញាកន្លងទៅ គឺធ្លាក់មកនៅត្រឹមរង្វង់៧១០ រៀលទៅ ៧៦០ រៀលប៉ុណ្ណោះនៅក្នុងមួយគីឡូក្រាម ខណៈដែលឆ្នាំទៅ បានរហូតដល់ជាង១០០០ រៀល ៕
ចែករំលែកព័តមាននេះ