Xavi ប្រាប់ពីមូលហេតុដែលមិនទៅធ្វើជាគ្រូបង្វឹកនៅ Barcelona
តាមប្រភពព័ត៌មាន Soccer Laduma បានឱ្យដឹងថា អ្នកគាំទ្រក្លិប FC Barcelona ជាច្រើនចង់អោយ Xavi Hernandez…
តាមប្រភពព័ត៌មាន Soccer Laduma បានឱ្យដឹងថា អ្នកគាំទ្រក្លិប FC Barcelona ជាច្រើនចង់អោយ Xavi Hernandez…
តាមប្រភពព័ត៌មាន Soccer Laduma បានឱ្យដឹងថា អ្នកគាំទ្រក្លិប FC Barcelona ជាច្រើនចង់អោយ Xavi Hernandez ចូលកាន់តំណែងជាគ្រូបង្វឹកក្រុមកាតាឡាន់ ប៉ុន្តែអតីតប្រធានក្រុម Blaugrana បានបដិសេធសំណើររបស់ក្លិប ហើយពេលនេះគាត់បានបង្ហាញពីមូលហេតុ។
បច្ចុប្បន្ន បុរសវ័យ ៣៩ឆ្នាំរូបនេះទទួលបន្ទុកជាគ្រូបង្វឹកក្រុម Al-Sadd របស់ប្រទេស Qatari ប៉ុន្តែមានការប្រជុំជាច្រើនជាមួយអ្នកតំណាងមកពី Barcelona មុនពេល Quique Setien ត្រូវបានប្រកាសជាគ្រូបង្វឹកថ្មីរបស់ក្លិបយក្សអេស្បាញមួយនេះ។
យោងតាមគេហទំព័រ Sport បានអោយដឹងថា Xavi បានជួបជាមួយនាយកបាល់ទាត់ Eric Abidal និងនាយកប្រតិបត្តិ Oscar Grau ដល់ទៅ៣ដង មុនពេលសំរេចចិត្តមិនទៅដឹកនាំនៅអតីតក្លិបរបស់គាត់។
លោកបាននិយាយថា៖ «បាទ! ខ្ញុំបានទទួលការស្នើសុំពី Barcelona នៅពេលដែល Eric Abidal និង Oscar Grau នៅទីនេះ ប៉ុន្តែខ្ញុំមិនទទួលយកទេ ជាពិសេសពីព្រោះវាឆាប់ពេកក្នុងការបង្វឹកក្រុម Barcelona តែការទៅបង្វឹកនៅក្លិបនោះ គឺជាក្តីសុបិន្តរបស់ខ្ញុំនៅថ្ងៃអនាគត»។
បន្ទាប់ពីការបដិសេធរបស់ Xavi ភ្លាម Barcelona បានផ្តោតលើលោក Setien ដោយបានប្រកាសជាគ្រូបង្វឹកថ្មីរបស់ពួកគេ កាលពីព្រឹកថ្ងៃអង្គារ។ Xavi បានបន្ថែមថា៖ «ខ្ញុំស្រលាញ់ការងាររបស់លោក Setien និង របៀបធ្វើការរបស់លោក។ ខ្ញុំសង្ឃឹមថាលោកនឹងទទួលភាពជោគជ័យជាមួយនឹង Barcelona»៕
ចែករំលែកព័តមាននេះ