ប្រទេសអូស្ត្រាលី៖ ភ្លើងឆេះព្រៃនៅអូស្ត្រាលី ពិសេសក្នុងរដ្ឋនូវែលហ្គាល់ខាងត្បូង និងរដ្ឋវិកតូរីយ៉ា បានបំផ្លាញព្រៃឈើជាង៥លានហិកតារួចហើយ ពោលមានទំហំជិត២ដងនៃផ្ទែដីប្រទេសបែលហ្សុិក ។ ចំណែកការសិក្សាមួយរបស់អួស្ត្រាលីគូសបញ្ជាក់ថា ពពួកសត្វព្រៃប្រមាណជា៨០០លានក្បាល បានត្រួវបានងាប់ក្នុងរដ្ឋទាំង២នោះ។ រួចបើនិយាយពីកម្រិតជាតិ ពពួកសត្វដែលងាប់ មានដល់១ពាន់លាននាក់។
ចំនួននោះបានមកពីការសិក្សារបស់អ្នកស្រាវជ្រាវអូស្ត្រាលីម្នាក់ នៃសាកលវិទ្យាល័យសីុដនី លោកគ្រីសឌីកម៉ាន ។ អ្នកវិទ្យាសាស្ត្ររូបនេះវាយតម្លៃដោយផ្អែកលើ របាយការណ៍១ក្នុងចំណោមរបាយការណ៍របស់លោកកាលពីឆ្នា្ំ២០១៧ ស្ដីពីការបំផ្លាញព្រៃឈើ ។
តាមរបាយការណ៍ទាំងនេះថា សត្វ១៦០ក្បាលរស់ក្នុងផ្ទៃដីព្រៃ១ហិកតា។ លោកបន្តថានាសម័យកាលនោះ ព្រៃឈើប្រមាណជា៦៤០.០០០ហិកតា ត្រូវភ្លើងឆេះហើយពពួកសត្វ១០៤លានក្បាលត្រូវងាប់ ។ លោកបានធ្វើគណនាថា បើព្រៃឈើ៥លានហិកតាត្រូវឆេះ ដែលស្មើនឹងផ្ទៃដីបែលហ្សុិកដល់២ដង នោះពពួកសត្វ៨០០លានក្បាលត្រូវងាប់ ។ លោកសន្និដ្ឋានថា អត្រាស្លាប់របស់សត្វទាំងនេះមានដល់១០០%៕
ចែករំលែកព័តមាននេះ