សង្គ្រាមអ៉ីរ៉ង់ ៖ ក្នុងយុទ្ធសាស្ត្រធ្វើឲ្យពិភពលោករងករខូចខាតធ្ងន់ធ្ងរ ជាមួយការវាយប្រហារដោយដ្រូន និងមីស៊ីល ពេលនេះ អ៉ីរ៉ង់បានធ្វើឲ្យស្ទះស្ទើរទាំងស្រុងចរាចរណ៍តាមច្រកសមុទ្រORMUZ ។ តាំងពីចាប់ផ្ដើមសង្គ្រាមមក មាននាវាក្នុងចំនួនតិចបំផុត…
សង្គ្រាមអ៉ីរ៉ង់ ៖ ក្នុងយុទ្ធសាស្ត្រធ្វើឲ្យពិភពលោករងករខូចខាតធ្ងន់ធ្ងរ ជាមួយការវាយប្រហារដោយដ្រូន និងមីស៊ីល ពេលនេះ អ៉ីរ៉ង់បានធ្វើឲ្យស្ទះស្ទើរទាំងស្រុងចរាចរណ៍តាមច្រកសមុទ្រORMUZ ។ តាំងពីចាប់ផ្ដើមសង្គ្រាមមក មាននាវាក្នុងចំនួនតិចបំផុត ដែលអាចឆ្លងកាត់ផ្លូវសមុទ្រយុទ្ធសាស្ត្រនោះ។ នាវាមួយចំនួនដែលសាកល្បងបើកឆ្លងកាត់ទីនោះជារឿយៗរងការឆាបឆេះដោយការវាយប្រហារ។ នាវា១៧គ្រឿងរងការវាយប្រហារក្នុងឈូងសមុទ្រពែរ្ស៍។ នេះបើតាមទីភ្នាក់ងារសមុទ្រអង់គ្លេសUKMTO។
ការរាយមីនតាមច្រកសមុទ្រនោះនឹងធ្វើឲ្យស្មុគ្រស្មាញបំផុត ដល់ការនាំចេញឧស្ម័នធម្មជាតិនិងប្រេងកាត។ យុទ្ធសាស្ត្របែបនោះ អ៉ីរ៉ង់ធ្លាប់ប្រើដោយទ្រង់ទ្រាយធំរួចហើយ កាលក្នុងជម្លោះជាមួយអ៉ីរ៉ាក់ កាលពីទសវត្សឆ្នាំ១៩៨០ នាំឲ្យអាមេរិកអមការពារក្បួននាវា ។ រួចកាលក្នុងសម័យសង្គ្រាមឈូងសមុទ្រឆ្នាំ១៩៩១ កងទ័ពអ៉ីរ៉ាក់បានដាក់រាយគ្រាប់មីនក្នុងទឹកដល់១៣០០គ្រាប់ ដែលធ្វើឲ្យខូចខាតធ្ងន់ធ្ងរដល់នាវាចម្បាំងអាមេរិក២គ្រឿង ក្នុងនោះមាននាវាពិឃាតUSS PRINCETON ដែលនាវានោះលែងអាចប្រើក្នុងការប្រយុទ្ធបានទៀត ដោយសារតែគ្រាប់មីន១គ្រាប់មានតម្លៃត្រឹមប៉ុន្មានពាន់ដុល្លារ ។ បន្ទាប់មកគេត្រូវចំណាយពេលដល់ជាង២ឆ្នាំ ទើបអាច
យកគ្រាប់មីនចេញបានអស់។
អតីតឧត្ដមនាវីបារាំងម្នាក់លើកឡើងថា មីនគឺជាអាវុធរបស់អ្នកក្រ ហើយត្រូវបានប្រើដោយពួកភេរវករផងដែរ។ វាជាការគំរាមកំហែងខ្លាំងដល់ពាណិជ្ជកម្មតាមសមុទ្រនិងសេរីភាពនៃការធ្វើនាវាចរណ៍របស់កងទ័ពជើងទឹក ។ តាមការវាយតម្លៃរបស់បណ្ដាអ្នកជំនាញការថា អ៉ីរ៉ង់មានគ្រាប់មីនសម្រាប់ដាក់ក្នុងទឹក រវាងពី៥០០០ទៅ៦០០០គ្រាប់ ជាមួយគ្រាប់មីនដែលពិបាកក្នុងការចាប់រកឃើញផង។ អ៉ីរ៉ង់ក៏មានមីនដាក់ក្នុងបាតសមុទ្រផងដែរ។ លើសពីនេះទៀត អ៉ីរ៉ង់អាចប្រើគ្រាប់មីនវ៉ង់ទូស ដែលអាចបំផ្លា្ញសំបកនាវា ។
តាមភ្នាក់ងារស៊ើបការណ៍យោធាអាមេរិកថា អ៉ីរ៉ង់មាននាវាច្រើនធុនដែលអាចដាក់រាយគ្រាប់មីន ហើយការដាក់មីនអាចធ្វើតាមនាវាលឿនតូចៗ ។ ពួកលោកខាងលិចមានមធ្យោបាយនានាសម្រាប់ដោះមីនតាមសមុទ្រចេញ តែត្រូវប្រើពេលយូរនិងស្មុគ្រស្មាញ៕
ចែករំលែកព័តមាននេះ