សុភមង្គលមានប្រភពខុសៗគ្នាទៅតាមមនុស្សនីមួយៗ ។ ពេលខ្លះ វាមិនទាក់ទងទៅនឹងទ្រព្យសម្បត្តិដែលអ្នកមាន ឬតំណែងដែលអ្នកកាន់ទេ ។ ផ្ទុយមកវិញ វាអាចអាស្រ័យនឹងទស្សនៈរបស់អ្នកច្រើនជាង ។ ដូច្នេះដើម្បីក្លាយជាអ្នកមាន និងមានសុមង្គលអ្នកត្រូវឈប់ធ្វើសកម្មភាពដូចតទៅ ៖
១-ការរិះគន់ខ្លួនឯង៖
មូលហេតុធំជាងគេ ដែលធ្វើឲ្យមនុស្សមានអារម្មណ៍ថា ខ្លួនមិនជោគជ័យ និងមិនសប្បាយរីករាយ គឺមកពីពួកគេប្រាប់ខ្លួនឯងម្តងហើយម្តងទៀត ជារៀងរាល់ថ្ងៃថា ពួកគេជាមនុស្សបរាជ័យ ។ ការរិះគន់ខ្លួនឯងនេះជាបញ្ហាពិតប្រាកដមួយ ហើយវាងាយនឹងកើតមានឡើងជាងការសរសើរខ្លួនឯងទៅទៀត ។
២-រកមើលចំណុចខ្វះខាតមុន៖
ទោះជាការធ្វើដូច្នេះ អាចជួយអ្នកក្នុងស្ថានការមួយចំនួនពិតមែន តែក្នុងការងារ ឬអាជីវកម្ម អ្នកមិនគួររកមើលតែចំណុចខ្វះខាតមុន សម្រាប់រាល់កិច្ចការដែលអ្នកត្រូវសម្រេចទេ ។ ផ្ទុយមកវិញ អ្នកគួរផ្តោតស្មារតីលើអ្វីដែលអ្នកធ្វើបានល្អ និងរៀនសូត្របន្ថែមពីវាវិញ ។
៣-កុហកពីស្ថានការខ្លួនឯង៖
មិនថា អ្នកមានអារម្មណ៍យ៉ាងណាទេ អ្នកមិនគួរលាក់ទុកអារម្មណ៍ពិតប្រាកដរបស់ខ្លួនឡើយព្រោះវាមិនជួយឲ្យអ្នកសប្បាយរីករាយទេ ។ វិធីដែលអាចជួយអ្នកក្នុងការណីនេះវិញ គឺការរៀនទទួលយកអារម្មណ៍មិនល្អរបស់ខ្លួន និងព្យាយាមយល់ដឹងបន្ថែមពីមូលហេតុដែលបង្កឲ្យវាកើតមក និងព្យាយាមរកដំណោះស្រាយដើម្បីឆ្លងកាត់វាជាដើម ។
៤-ប្រៀបធៀបខ្លួនជាមួយអ្នកជោគជ័យដទៃ ៖
ការប្រៀបធៀបខ្លួនឯងជាមួយអ្នកដទៃមិនមានប្រសិទ្ធិភាពក្នុងការជួយឲ្យអ្នកកាន់តែជោគជ័យឡើយ ហើយការធ្វើដូច្នេះ ក៏មិនមានអ្នកឈ្នះចាញ់ដែរ ។ ការប្រៀបធៀបខ្លួនជាមួយអ្នកដទៃប្រៀបបានជាទម្លាប់សម្រាប់មនុស្សជាច្រើនលើប្រព័ន្ធសង្គម ។
យ៉ាងណាក្តីអ្នកជំនាញប្រាប់មកថា អ្នកគួរតែទទួលយកស្ថានការបច្ចុប្បន្ននៃជីវិតរបស់អ្នក ហើយការធ្វើដូច្នេះអាចនឹងជួយឲ្យអ្នកសម្រេចគោលដៅបានឆាប់ ៕ ប្រែសម្រួលដោយ៖ ណៃ ដាលីន
ចែករំលែកព័តមាននេះ