ខេត្តកែប ៖ អាជ្ញាធរខេត្តកែបធ្វើពិធីបើកព្រះនេត្រសេះស និងបួងសួងលោកយាយម៉ៅ នៅឆ្នេរសមុទ្រសុំសេចក្ដីសុខ ដោយសារតែមានហេតុផ្ទួនៗគ្នា នៅដើមខែមករានេះ មានអគារបាក់រលំ កាលពីថ្ងៃទី០៣ ខែមករានេះ…
ខេត្តកែប ៖ អាជ្ញាធរខេត្តកែបធ្វើពិធីបើកព្រះនេត្រសេះស និងបួងសួងលោកយាយម៉ៅ នៅឆ្នេរសមុទ្រសុំសេចក្ដីសុខ ដោយសារតែមានហេតុផ្ទួនៗគ្នា នៅដើមខែមករានេះ មានអគារបាក់រលំ កាលពីថ្ងៃទី០៣ ខែមករានេះ និងនៅពិធីប្រណាំងកង់ពិភពលោក កាលពីរសៀលថ្ងៃទី៦ មករាកន្លងមកនេះ ។
លោក កែន សត្ថា អភិបាលខេត្តកែប រួមទាំងលោកអភិបាលរង និងមន្ត្រីអ្នកមុខអ្នកការជាច្រើននាក់ទៀត ដែលបានចូលរួមធ្វើពិធីនេះឡើង ខណៈពេលក្រុមប្រណាំងកង់បានជិះមកដល់មុខវេទិការជុំទី១ បានចេញផុតបន្តិច ស្រាប់តែបាក់វេទិការតែម្ដង ។ ប៉ុន្តែហេតុការគួឲ្យភ្ញាក់ផ្អើលមិនមានមន្ត្រីណាម្នាក់រងរបួសឲ្យធ្ងន់ធ្ងរដែរ ។ ដោយសារតែមានរឿងប្លែកៗបែបនេះហើយ អាជ្ញាធរខេត្តកែបរួមទាំងលោកអភិបាលរងខេត្តស្រុក និងក្រុង មន្ត្រីរាជការជាច្រើននាក់ទៀត បាននិមន្តព្រះសង្ឃបើកព្រះនេតសេះស នៅព្រឹកថ្ងៃទី៩ មករានេះ នៅកន្លែងសេះសរ ក្នុងសង្កាត់អូក្រសា ក្រុងកែប ខេត្តកែប ។
បើយោងតាមការប្រកាសរបស់លោករស់ សុវណ្ណអាចារ្យ ជាអ្នករៀបចំការព្រះនេត្រសេះសនេះថា ធ្វើពិធីបួងសួងបើកព្រះនេត្រសេះសនេះ ផ្ដើមចេញពីលោក កែន សត្ថា អភិបាលខេត្តកែប និងមន្ត្រីឯទៀតសុទ្ធតែបួងសួងសុំសេចក្ដីសុខចំរុងចំរើន ជាពិសេសពលរដ្ឋទូទាំងខេត្តកែប កុំឲ្យមានរឿងរាវកើតមានបន្តទៅទៀត ។
លោករស់ សុវណ្ណ ជាអ្នករៀបចំបាននិយាយប្រាប់ថា នៅល្ងាចថ្ងៃទី៩ មករា ដដែលនេះរដ្ឋបាលខេត្តកែបបានរៀបចំបួងសួងដល់លោកយាយម៉ៅនៅឆ្នេរសមុទ្រមួយកន្លែងទៀត ដែលមានទីតាំងនៅមុខសាលាខេត្តកែបតែម្ដង ៕
ចែករំលែកព័តមាននេះ