មុនជំនួបគ្នាជាមួយអាហ្សង់ទីននៅរាត្រីថ្ងៃពុធ ទី៩ កក្កដា ២០១៤នេះ កីឡាករខ្សែប្រយុទ្ធ Sneijder បាននិយាយថា ក្រុមពពកសអាហ្សង់ទីនមានកីឡាករឆ្នើមម៉េសស៊ី ចំណែកឯនៅហូឡង់វិញក៏មានម៉េសស៊ីដែរ គឺកីឡាករ Arjen Robben ដូច្នេះយើងមិនខ្លាចក្រុមអាហ្សង់ទីនទេ។
កីឡាករ Sneijder និយាយទៀតថា ក្នុងការប្រកួតលើកនេះគឺសំខាន់ជាងការប្រកួតលើកណាៗទាំងអស់ ហើយកីឡាករ Arjen Robben នឹងធ្វើបានល្អដូចអ្វីដែលកីឡាករម៉េសស៊ីធ្វើល្អនៅក្នុងក្រុមអាហ្សង់ទីនដែរ ។ កាលពីប្រកួតជាមួយកូស្ដារីកា កីឡាករវ័យ៣០ឆ្នាំ បានជួយយើងច្រើនណាស់នៅលើទីលានប្រកួត ។ ជារឿយៗ Arjen Robben តែងតែបង្កើតឱកាសឱ្យមិត្ដរួមក្រុម ហើយការគ្រប់គ្រងបាល់របស់គាត់វិញគឺពិបាកឱ្យគូប្រកួតដណ្ដើមបានណាស់ ។
ជាមួយនឹងការលើកសរសើររបស់កីឡាករSneijder កីឡាករវ៉ាន់ភើស៊ី ក៏បានបន្ទរតាមដែរ គឺចាត់ទុក Arjen Robben ជាកីឡាករល្អដូចម៉េសស៊ី ហើយសង្ឃឹមថាក្ដីសុបិនឈានដល់វគ្គផ្ដាច់ព្រ័ត្រនឹងបានមកលើក្រុមហូឡង់ជាក់ជាមិនខាន ៕
ចែករំលែកព័តមាននេះ