មនុស្សយ៉ាងតិច៣នាក់ ក្នុងនោះមានកូនង៉ែតម្នាក់ផង បានត្រូវស្លា.ប់ហើយមនុស្សប្រមាណជា៤០នាក់ត្រូវរបួសកាលពីថ្ងៃទី៧ កក្កដា នៅតំបន់ព្រំដែនរវាងមុិចសុិក និងហ្គាតេម៉ាឡា ក្រោយការរញ្ជួយដីកម្លាំង៦,៩រីស្ទ័រ មួយនៅតំបន់នោះ ។
មនុស្សយ៉ាងតិច៣នាក់ ក្នុងនោះមានកូនង៉ែតម្នាក់ផង បានត្រូវស្លាប់ហើយមនុស្សប្រមាណជា៤០នាក់ត្រូវរបួសកាលពីថ្ងៃទី៧ កក្កដា នៅតំបន់ព្រំដែនរវាងមុិចសុិក និងហ្គាតេម៉ាឡា ក្រោយការរញ្ជួយដីកម្លាំង៦,៩រីស្ទ័រ មួយនៅតំបន់នោះ ។
យោងតាមអាជ្ញាធរថា នៅរដ្ឋ Chiapas ភាគខាងត្បូងមុិចស៊ិក ជាកន្លែងដែលចំណុចកណ្តាលនៃការរញ្ជួយដីស្ថិតនៅទីនោះ មានមនុស្សស្លាប់២នាក់ ហើយមនុស្ស៤នាក់ត្រូវរបួសស្រាល ។
ក្នុងសន្និសីទសារព័ត៌មានមួយ ប្រធានាធិបតីហ្គាតេម៉ាឡា លោក អូតូ ប៉េរេស ប្រកាសថាខាងប្រទេសលោកមានមនុស្សម្នាក់ស្លាប់ ជាកូនង៉ែត ហើយមនុស្ស៣៥នាក់ត្រូវរបួសក្នុងនោះ២នាក់របួសធ្ងន់ ។
អាជ្ញាធរការពារជនស៊ីវិលហ្គាតេម៉ាឡា បានចេញការប្រកាសអាសន្នពណ៌ទឹកក្រូច បន្ទាប់ពីកម្រិតប្រកាសអាសន្នពណ៌ក្រហមក្រោយការរញ្ជួយដីនេះដែលបំផ្លាញផ្ទះ២០ខ្នង ហើយប៉ះពាល់ក្នុងកម្រិតផ្សេងៗដល់មនុស្សប្រមាណ៥.០០០នាក់ ។
ការរញ្ជួយដីនោះ កើតមាននាវេលាម៉ោង១១និង២៤នាទីម៉ោងសាកល នៅចម្ងាយ៤៧គីឡូម៉ែត្រ ខាងត្បូងទីក្រុង Tapachula រដ្ឋ Chiapas ភាគខាងត្បូងមុិចសុិក ក្នុងជម្រៅ៩២គីឡូម៉ែត្រ ៕
ចែករំលែកព័តមាននេះ