ឥណ្ឌា៖តាមប្រភពព័ត៌មាន Reuters បានឱ្យដឹងថា ការឆ្លងជំងឹកូវីដនៅឥណ្ឌាបានកើនឡើងចំនួន ៦២,២១២ករណីផ្សេងទៀត កាលពីថ្ងៃមុន ហើយរបាយការណ៍ប្រព័ន្ធផ្សព្វផ្សាយក្នុងស្រុកបាននិយាយកាលពីថ្ងៃសៅរ៍ថា រដ្ឋាភិបាលបានចាប់ផ្តើមជ្រើសរើសមនុស្សប្រមាណ ៣០០លាននាក់ ដែលអាចទទួលបានវ៉ាក់សាំងមុនគេ…
ឥណ្ឌា៖តាមប្រភពព័ត៌មាន Reuters បានឱ្យដឹងថា ការឆ្លងជំងឹកូវីដនៅឥណ្ឌាបានកើនឡើងចំនួន ៦២,២១២ករណីផ្សេងទៀត កាលពីថ្ងៃមុន ហើយរបាយការណ៍ប្រព័ន្ធផ្សព្វផ្សាយក្នុងស្រុកបាននិយាយកាលពីថ្ងៃសៅរ៍ថា រដ្ឋាភិបាលបានចាប់ផ្តើមជ្រើសរើសមនុស្សប្រមាណ ៣០០លាននាក់ ដែលអាចទទួលបានវ៉ាក់សាំងមុនគេ ពេលដែលផលិតបានសម្រេច។
កាសែត The Times of India បាននិយាយថា បុគ្គលិកផ្នែកសុខភាពនិងអនាម័យជួរមុខ មន្ត្រីប៉ូលិស និងមនុស្សចាស់ដែលមានជំងឺច្រើនរួមជាមួយ នឹងទទួលបានវ៉ាក់សាំងជាអាទិភាព។ ផែនការដែលកំពុងស្ថិតក្នុងដំណាក់កាលព្រាងនៅឡើយ មានគោលបំណងគ្របដណ្តប់ប្រជាជនចំនួន ២៣% នៅក្នុងដំណាក់កាលដំបូង។ របាយការណ៍បាននិយាយថា ផែនការចុងក្រោយទំនងជាត្រូវបានរៀបចំរួចរាល់នៅចុងខែតុលាដល់ខែវិច្ឆិកា។
បុគ្គលដែលត្រូវបានជ្រើសរើស នឹងត្រូវបានគេប៉ាន់ស្មានថា ត្រូវមានថ្នាំវ៉ាក់សាំងចំនួន ៦០០លានដូស។
កាលពីដើមខែនេះ រដ្ឋមន្ត្រីក្រសួងសុខាភិបាលលោក Harsh Vardhan បាននិយាយថា ប្រទេសឥណ្ឌាសង្ឃឹមថា នឹងទទួលបានវ៉ាក់សាំងការពារជំងឺកូវីដរហូតដល់ ៥០០លានដូស នៅខែកក្កដាឆ្នាំក្រោយ ដើម្បីអាចយកមកប្រើលើមនុស្សប្រមាណ ២៥០លាននាក់។
ក្រុមមន្ត្រីបាននិយាយថា ការផ្តល់វ៉ាក់សាំងដល់ប្រជាជនឥណ្ឌាចំនួន ១.៣ពាន់លាននាក់ ឱ្យបានគ្រប់គ្នានោះ គឺជារឿងមិនលឿនទេ ហើយអាចនឹងអូសបន្លាយដល់ឆ្នាំ២០២២។
ទិន្នន័យរបស់ក្រសួងសុខាភិបាលបានបង្ហាញថាចំនួនសរុបនៃការឆ្លងមេរោគឆ្លងនៃជំងឺកូវីដនៅប្រទេសឥណ្ឌាមានចំនួន ៧.៤៣ លានកាលពីថ្ងៃសៅរ៍ ដោយបានកើនឡើងចំនួន ៦២,២១២ករណី ក្នុងរយៈពេល ២៤ម៉ោងចុងក្រោយ៕
ចែករំលែកព័តមាននេះ