ខេត្តកំពង់ចាម ៖ តាំងតែពីបុរាណកាលរហូតមកដល់សព្វថ្ងៃប្រជាកសិកររស់នៅតាមដងទន្លេមេគង្គដូចជានៅក្នុងស្រុកកំពង់សៀម និងតាមបណ្ដាស្រុកមួយចំនួនទៀតតែងតែដាំដុះពោតក្រហម ជាប់នឹងដងទន្លេមេគង្គដើម្បីប្រមូលផលលក់ឲ្យក្រុមឈ្មួញកណ្ដាល។ ហើយបន្តនាំចេញទៅកាន់ប្រទេសជិតខាង សម្រាប់តម្លៃវិញគឺមានការធ្លាក់ចុះបន្តិចជាងឆ្នាំកន្លងទៅ។ លោក ងួន ស្រឿន…
ខេត្តកំពង់ចាម ៖ តាំងតែពីបុរាណកាលរហូតមកដល់សព្វថ្ងៃប្រជាកសិកររស់នៅតាមដងទន្លេមេគង្គដូចជានៅក្នុងស្រុកកំពង់សៀម និងតាមបណ្ដាស្រុកមួយចំនួនទៀតតែងតែដាំដុះពោតក្រហម ជាប់នឹងដងទន្លេមេគង្គដើម្បីប្រមូលផលលក់ឲ្យក្រុមឈ្មួញកណ្ដាល។ ហើយបន្តនាំចេញទៅកាន់ប្រទេសជិតខាង សម្រាប់តម្លៃវិញគឺមានការធ្លាក់ចុះបន្តិចជាងឆ្នាំកន្លងទៅ។ លោក ងួន ស្រឿន អាយុ៥៧ឆ្នាំរស់នៅភូមិកោះដាច់ ឃុំកោះមិត្ត ស្រុកកំពង់សៀម ប្រាប់ឲ្យដឹងនាព្រឹកថ្ងៃទី៩ ខែសីហា ឆ្នាំ២០២២ថា៖ ឪពុកម្ដាយរបស់គាត់បានដាំដំណាំពោតក្រហមក្នុងគ្រានោះគាត់នៅវ័យកុមារភាពជាងអាយុ១០ឆ្នាំ ហើយប្រពៃណីនៃការដាំដុះនេះគាត់នៅតែធ្វើចម្ការ ដែលមិនដល់មួយហិចតានោះទេគឺដាំពោតក្រហមពូជ៨២ ដែលទិញយកមកពីផ្សារក្នុងមួយគីឡូក្រាមតម្លៃ៣ម៉ឺនរៀល។
កសិកររូបនេះប្រាប់បន្តឲ្យដឹងទៀតថា ពោតក្រហមគាត់បានដាំដុះនៅក្នុងភូមិមិនឆ្ងាយប៉ុន្មានពីផ្ទះនោះទេដើម្បីយកមកទុកលើផ្ទះរួចពន្លះយកគ្រាប់ដាក់ហាលនៅខាងមុខផ្ទះរយៈពេល៣ថ្ងៃទើបស្ងួតល្អ។ របរដាំដុះនេះបានជួយផ្គត់ផ្គង់ជីវភាពគ្រួសារមានកូនចំនួនពីរនាក់ដោយរៀបការអស់ហើយ។ ដោយសារតែនៅឆ្នាំនេះសម្បូរភ្លៀងធ្វើឱ្យរថយន្តរបស់ក្រុមឈ្មួញចូលទិញដល់ចម្ការរៀងពិបាកហើយតម្លៃវិញលក់បានជាង៨០០រៀល ក្នុងមួយគីឡូក្រាម។ ចំណែកពោតរបស់គាត់ត្រូវបានហាលឲ្យស្ងួតល្អគឺលក់បាន១គីឡូ តម្លៃ១១០០រៀល។ គាត់ថាពោតដាំដុះនេះមិនបានប្រើជីគីមីនោះទេគឺដាំតាមបែបធម្មជាតិសុទ្ធសាធ ចំពោះផលចំណេញវិញមិនបាន៥០ម៉ឺនរៀលផង ។
ជីវភាពរបស់គាត់តែងតែពឹងផ្អែកទៅលើរបរដាំដុះចម្ការតែមួយគត់សម្រាប់ផ្គត់ផ្គង់គ្រួសារ ចំណែកអ្នកភូមិរបស់គាត់ជាច្រើននាក់ទៀតគេតែងតែដាំពោតដូចជាគាត់ដែរដើម្បីលក់ឲ្យក្រុមឈ្មួញចុះមកទិញដល់ផ្ទះតែម្ដង។ លោកស្រី ហ៊ុន ឃីម ប្រធានការិយាល័យកសិកម្មស្រុកកំពុងសៀមបានឲ្យដឹងនារសៀលថ្ងៃទី៩ ខែសីហាថា៖ ចំពោះប្រជាកសិករដែលនាំគ្នានិយមដាំពោតក្នុងនោះរួមមានឃុំហាន់ជ័យ ឃុំគៀនជ្រៃ ឃុំកោះទន្ទឹម ឃុំកោះមិត្ត ឃុំកោះរកា និងឃុំគគរនៃស្រុកកំពង់សៀម ដោយដាំដុះបានសរុបចំនួន១៣៨ហិកតា ក្នុងនោះពោតក្រហមបានចំនួន១៩៤០ហិកតា សម្រាប់តម្លៃលក់លើទីផ្សារចន្លោះពី៨០០ទៅ៩០០រៀល ពោតលក់ទាំងស្នូលតម្លៃ៥៥០រៀលក្នុងមួយគីឡូក្រាម តម្លៃនៅឆ្នាំនេះរាងធ្លាក់ចុះបន្តិចដោយសារតែមេឃភ្លៀងច្រើនពេក ពេលប្រមូលផលធ្វើឱ្យពោតសើម។
សម្រាប់តម្លៃជីលក់លើទីផ្សារថ្លៃមានបញ្ហាចោទក៏ពិតមែន តែប្រជាកសិករនៅឃុំកោះរការ បានកែច្នៃជីកំប៉ុស្ត ជីធម្មជាតិ ដែលកាត់បន្ថយការចំណាយលុយទិញជីគីមីប្រើ។ ក្រុមឈ្មួញបានចុះប្រមូលទិញនៅតាមតំបន់ដែលកសិករផលិតបាននាំចេញទៅកាន់ប្រទេសវៀតណាម ដើម្បីផលិតចំណីសត្វក្រៅពីនេះក៏គេអាចកែច្នៃជាច្រើនយ៉ាងទៀតផង៕ ដោយ ៖ យ៉ាន ចាន់ថេត
ចែករំលែកព័តមាននេះ