ប៉ាគីស្ថាន៖តាមប្រភពព័ត៌មាន Reuters បានឱ្យដឹងថា អ្នកគាំទ្រប្រឆាំងរាប់ម៉ឺននាក់បានប្រមូលផ្តុំគ្នាកាលពីថ្ងៃអាទិត្យនៅទីក្រុង Karachi ដែលជាផ្នែកមួយនៃយុទ្ធនាការបណ្តេញនាយករដ្ឋមន្ត្រីប៉ាគីស្ថាន Imran Khan ដែលពួកគេចោទប្រកាន់ថា ត្រូវបានដំឡើងដោយយោធានៅក្នុងការបោះឆ្នោតឆ្នាំ…
ប៉ាគីស្ថាន៖តាមប្រភពព័ត៌មាន Reuters បានឱ្យដឹងថា អ្នកគាំទ្រប្រឆាំងរាប់ម៉ឺននាក់បានប្រមូលផ្តុំគ្នាកាលពីថ្ងៃអាទិត្យនៅទីក្រុង Karachi ដែលជាផ្នែកមួយនៃយុទ្ធនាការបណ្តេញនាយករដ្ឋមន្ត្រីប៉ាគីស្ថាន Imran Khan ដែលពួកគេចោទប្រកាន់ថា ត្រូវបានដំឡើងដោយយោធានៅក្នុងការបោះឆ្នោតឆ្នាំ ២០១៨។
ក្រុមប្រឆាំងធំៗ ចំនួន៩ បានបង្កើតវេទិការួមគ្នាមួយ ដែលមានឈ្មោះថាចលនាប្រជាធិបតេយ្យប៉ាគីស្ថាន (PDM) កាលពីខែមុន ដើម្បីចាប់ផ្តើមបង្កភាពចលាចលទូទាំងប្រទេសប្រឆាំងនឹងរដ្ឋាភិបាល។
មេដឹកនាំប្រឆាំងលោកស្រី Maryam Nawaz បានលើកឡើងថា លោកនាយករដ្ឋមន្ត្រីបានធ្វើឱ្យមនុស្សអត់ការងារធ្វើ និងដណ្តើមអាហារពីរពេលពីប្រជាជន។ លោកស្រី គឺជាកូនស្រីនិងជាអ្នកស្នងមរតកនយោបាយរបស់អតីតនាយករដ្ឋមន្ត្រីបីជំនាន់ គឺលោក Nawaz Sharif។
ការតវ៉ានេះបានកើតឡើងនៅពេលសេដ្ឋកិច្ចរបស់ប្រទេសបានធ្លាក់ចុះដោយសារជំងឺកូវីដ និង ស្របពេលដែលគ្រប់គ្នាបន្ទោសទៅលើការដឹកនាំរបស់លោកនាយករដ្ឋមន្ត្រី។ ការកាន់កាប់រយៈពេលពីរឆ្នាំរបស់លោកនាយករដ្ឋមន្ត្រី ក៏ត្រូវបានគេសង្កេតឃើញមានការកើនឡើងនូវការត្រួតពិនិត្យ និងការបង្ក្រាបលើក្រុមអ្នកប្រឆាំងការរិះគន់ និងមេដឹកនាំប្រឆាំងផងដែរ។
គួរបញ្ជាក់ផងដែរថា ការបោះឆ្នោតទូទៅបន្ទាប់គ្រោងនឹងធ្វើនៅឆ្នាំ ២០២៣។ តែក្រុមអ្នកតវ៉ាទាមទារឱ្យលោកនាយករដ្ឋមន្ត្រីចុះចេញពីតំណែង។ គេជឿជាក់ថា លោក Khan អាចឡើងធ្វើនាយករដ្ឋមន្ត្រីដោយសារតែមានកម្លាំងយោធា៕
ចែករំលែកព័តមាននេះ