បារាំង៖តាមប្រភពព័ត៌មាន CNN បានឱ្យដឹងថា ចំនួនអ្នកបាត់បង់ជីវិតដោយសារជំងឺឆ្លងកូវីដ១៩សរុបរបស់បារាំង មានដល់ទៅ ៤០,០០០នាក់កាលពីថ្ងៃសៅរ៍។
យោងតាមទីភ្នាក់ងារសុខភាពសាធារណៈបារាំងឱ្យដឹងថា ចំនួនអ្នកបាត់បង់ជីវិតដោយសារកូវីដសរុបរបស់ប្រទេសនេះមានដល់ ៤០,១៦៩នាក់ បន្ទាប់ពីចំនួនអ្នកបាត់បង់ជីវិតថ្មី ៣០៦នាក់ត្រូវបានរកឃើញក្នុងរយៈពេល ២៤ម៉ោង។ ប្រទេសបារាំងមានចំនួនអ្នកបាត់បង់ជីវិតដោយសារជំអឺកូវីដខ្ពស់ជាងគេទី៧ លើពិភពលោក នេះបើយោងតាមទិន្នន័យផ្លូវការពីសាកលវិទ្យាល័យ Johns Hopkins។
ព្រឹត្តិការណ៍ដ៏គួរឱ្យញញើតនេះ កើតឡើងបន្ទាប់ពីប្រទេសបារាំងមានករណីឆ្លងវីរុសថ្មីចំនួន ២ថ្ងៃជាប់ៗគ្នា ដោយមានករណីឆ្លងវីរុសថ្មីចំនួនជាង ៦ម៉ឺននាក់ ត្រូវបានប្រកាសកាលពីថ្ងៃសុក្រ។ ទីភ្នាក់ងារសុខភាពសាធារណៈបារាំង មិនទាន់បានបញ្ជាក់ពីចំនួនករណីប្រចាំថ្ងៃសម្រាប់ថ្ងៃសៅរ៍ ដើម្បីឆ្លុះបញ្ចាំងពី ២៤ម៉ោងមុនទេ។
នៅពេលដែលអឺរ៉ុបជួបប្រទះនូវករណីឆ្លងកូវីដលើកទី ២ របស់ខ្លួន ជាមួយនឹងការខិតជិតរដូវរងារ ប្រធានាធិបតីបារាំង លោក Emmanuel Macron បានព្រមានថាប្រទេសរបស់គាត់ អាចនឹងត្រូវរស់នៅជាមួយវីរុសនេះយូរជាងនេះ៕
ចែករំលែកព័តមាននេះ