បារាំង៖តាមប្រភពព័ត៌មាន CNN បានឱ្យដឹងថា រដ្ឋមន្ត្រីក្រសួងសុខាភិបាលរបស់ប្រទេសបារាំង លោក Olivier Veran បាននិយាយកាលពីថ្ងៃអាទិត្យថា ប្រទេសបារាំងបានឆ្លងផុតដំណាក់កាលខ្ពស់បំផុតនៃការផ្ទុះឡើងរបស់កូវីដ១៩ហើយ។ លោក…
បារាំង៖តាមប្រភពព័ត៌មាន CNN បានឱ្យដឹងថា រដ្ឋមន្ត្រីក្រសួងសុខាភិបាលរបស់ប្រទេសបារាំង លោក Olivier Veran បាននិយាយកាលពីថ្ងៃអាទិត្យថា ប្រទេសបារាំងបានឆ្លងផុតដំណាក់កាលខ្ពស់បំផុតនៃការផ្ទុះឡើងរបស់កូវីដ១៩ហើយ។
លោក Veran បាននិយាយនៅក្នុងបទសម្ភាសន៍ជាមួយសារព័ត៌មានក្នុងតំបន់ Ebra ថា៖ “ក្នុងរយៈពេល ១០ថ្ងៃកន្លងមកនេះ មានការថយចុះនៃចំនួនករណីឆ្លងកូវីដ១៩ ហើយអត្រាតេស្តវិជ្ជមាន ក៏កំពុងធ្លាក់ចុះដែរ។ ដូច្នេះអ្វីគ្រប់យ៉ាងបានបង្ហាញថា យើងបានឆ្លងផុតកម្រិតខ្ពស់បំផុតនៃជំងឺរាតត្បាតនេះហើយ។”
លោកបានមានប្រសាសន៍ថា៖ “យើងពេលនេះបានគ្រប់គ្រងស្ថានភាពឆ្លងបានជោគជ័យម្តងទៀត។ ការថយចុះករណីទាំងនេះគឺដោយសារតែវិធានការចាក់សោប្រទេស។ ប៉ុន្តែយើងមិនទាន់បានកម្ចាត់វីរុសនេះនៅឡើយទេ។”
កាលពីថ្ងៃអាទិត្យ ប្រទេសបារាំងបានរាយការណ៍ថា មានករណីឆ្លងវីរុសថ្មីចំនួន ២៧,២២៨ករណី ក្នុងរយៈពេល ២៤ម៉ោងមុននេះ។ យោងតាមទីភ្នាក់ងារសុខាភិបាលរបស់ប្រទេសបារាំងបានឱ្យដឹងថា ចំនួនសរុបនៃករណីឆ្លងសរុបទូទាំងប្រទេសមានចំនួនជិត ២លានករណី៕
ចែករំលែកព័តមាននេះ