អាមេរិក ៖ តាមប្រភពព័ត៌មាន Reuters បានឱ្យដឹងថា ប្រធានាធិបតីដូណាល់ ត្រាំ កាលពីថ្ងៃចន្ទ បានចាកចេញពីមន្ទីរពេទ្យ ដែលជាកន្លែងដែលលោកត្រូវបានគេព្យាបាលជំងឺកូវីដ១៩ ហើយបានឡើងឧទ្ធម្ភាគចក្រវិលត្រឡប់ទៅកាន់សេតវិមាន ខណៈដែលនៅទីនោះកំពុងរងការវាយប្រហារដោយរលកនៃការឆ្លង ៤សប្តាហ៍មុនថ្ងៃបោះឆ្នោត។
![](https://kohsantepheapdaily.com.kh/wp-content/images/2020/10/c81e728d9d4c2f636f067f89cc14862c-23.jpg)
លោកប្រធានាធិបតី ដែលឃើញមានពាក់ម៉ាស់ ពណ៌ស បានលើកមេដៃ នៅពេលលោកដើរតាមជណ្តើររបស់មជ្ឈមណ្ឌលវេជ្ជសាស្ត្រ Walter Reed នៅខាងក្រៅទីក្រុងវ៉ាស៊ីនតោន ឆ្លើយតបនឹងសំណួររបស់អ្នកយកព័ត៌មានអំពីថា តើមានមនុស្សប៉ុន្មាននាក់បានឆ្លងមេរោគនៅសេតវិមានដោយការនិយាយថា៖ «សូមអរគុណអ្នកទាំងអស់គ្នាខ្លាំងណាស់»។
![Trump Suffered 2 Low Oxygen Bouts, Could Be Discharged Monday | Time](https://api.time.com/wp-content/uploads/2020/10/Conley-trump.jpg?w=600&quality=85)
ក្រុមគ្រូពេទ្យរបស់លោក បានប្រាប់អ្នកយកព័ត៌មាននៅមុខមន្ទីរពេទ្យថា លោកមានអាយុ ៧៤ឆ្នាំ តែមិនមានគ្រុនក្តៅក្នុងរយៈពេលជាង ៧២ម៉ោង ហើយកម្រិតអុកស៊ីសែនរបស់លោកគឺធម្មតា។ ទោះជាយ៉ាងណាគ្រូពេទ្យបានបដិសេធ មិនរៀបរាប់ថាតើជំងឺនេះបានប៉ះពាល់ដល់សួតរបស់លោកប្រធានាធិបតី ឬ ពេលនេះលោកបានធ្វើតេស្តឃើញអវិជ្ជមានហើយឬនៅទេ។ លោកវេជ្ជបណ្ឌិត Sean. P. Conley បានបន្ថែមទៀតថា លោកប្រធានាធិបតីបានទទួលអុកស៊ីសែនបន្ថែមពីរដងក្នុងប៉ុន្មានថ្ងៃថ្មីៗនេះ។
![](https://kohsantepheapdaily.com.kh/wp-content/images/2020/10/c4ca4238a0b923820dcc509a6f75849b-24.jpg)
ទោះយ៉ាងណា លោកវេជ្ជបណ្ឌិត Conley បាននិយាយថា ក្រុមគ្រូពេទ្យជឿជាក់ថាលោកត្រាំ អាចចាកចេញពីមន្ទីរពេទ្យ ដោយសង្កត់ធ្ងន់ថា លោកនឹងទទួលបានការថែទាំសុខភាពលំដាប់ពិភពលោកនៅសេតវិមាន White House៕ ដកស្រង់ចេញពីវេបសាយ ៖ reuters
![](https://kohsantepheapdaily.com.kh/wp-content/images/2020/10/eccbc87e4b5ce2fe28308fd9f2a7baf3-29.jpg)
![Doctors to weigh if Trump can leave hospital on Monday: Aide](https://images.livemint.com/img/2020/10/05/1600x900/Trump_1601893433166_1601893441073_1601904938976.jpg)
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ