អាមេរិក៖តាមប្រភពព័ត៌មាន Reuters បានឱ្យដឹងថា សហរដ្ឋអាមេរិកបានកត់ត្រាអ្នកបាត់បង់ជីវិតដោយសារជំងឺកូវីដ ដល់ទៅ ១ម៉ឺននាក់ និង មានចំនួនអ្នកឆ្លងកូវីដជាង ១.១លាននាក់ កាលពីសប្តាហ៍មុន។ មន្ត្រីសុខាភិបាលបានសង្ស័យថា បុណ្យ Thanksgiving គឺជាមូលហេតុនៃការបាត់បង់ជីវិតច្រើនបែបនេះ។
![](https://kohsantepheapdaily.com.kh/wp-content/images/2020/12/459a106dfdbeb7c235cb1a2b6d84421e.jpg)
នេះបើយោងតាមការវិភាគរបស់ទីភ្នាក់ងារព័ត៌មាន Reuters និងរដ្ឋ បានឱ្យដឹងថា ករណីថ្មីបានធ្លាក់ចុះ ៣.៨% ក្នុងសប្តាហ៍នេះ នៅថ្ងៃទី២៩ ខែវិច្ឆិកា ខណៈដែលការបាត់បង់ជីវិតបានធ្លាក់ចុះ ៣.៩%។ មជ្ឈមណ្ឌលសាកល្បងជាច្រើនត្រូវបានបិទ កាលពីថ្ងៃព្រហស្បតិ៍សម្រាប់បុណ្យ Thanksgiving និងមន្ទីរពិសោធន៍ឯកជនមួយចំនួនបានកាត់បន្ថយបុគ្គលិក ឬត្រូវបានបិទ នៅកាលពីថ្ងៃសុក្រ។
![US coronavirus deaths highest in world exceeding Italy - Nikkei Asia](https://www.ft.com/__origami/service/image/v2/images/raw/https%3A%2F%2Fs3-ap-northeast-1.amazonaws.com%2Fpsh-ex-ftnikkei-3937bb4%2Fimages%2F4%2F1%2F0%2F1%2F26111014-3-eng-GB%2FCropped-1586623177photo.jpg?source=nar-cms)
ករណីបានកើនឡើង ៩១% នៅក្នុងរដ្ឋវ៉ាស៊ីនតោន កាលពីសប្តាហ៍មុន ដែលជាការកើនឡើងភាគរយធំបំផុតនៅក្នុងប្រទេស បន្ទាប់មកគឺរដ្ឋកាលីហ្វ័រញ៉ា ដែលមាន៣១% និងញូវយ៉កជាមួយនឹងការកើនឡើង ២៥%។
រដ្ឋ Illinois បានរាយការណ៍ថា មានអ្នកបាត់បង់ជីវិតចំនួន ៨៣១នាក់ កាលពីសប្តាហ៍មុន ដែលជាចំនួនខ្ពស់បំផុត បន្ទាប់មកគឺរដ្ឋតិចសាស់ដែលមានអ្នកបាត់បង់ជីវិតចំនួន ៨០៦នាក់។
![At the 'front lines' of coronavirus, Seattle scrambles to contain outbreak](https://media3.s-nbcnews.com/i/newscms/2020_10/3256716/200304-seattle-life-care-center-ac-1045p_f1a4fff02cbeda78f2dbb76fe6d77f20.jpg)
នៅទូទាំងសហរដ្ឋអាមេរិក ៩.៨%នៃការធ្វើតេស្តបង្ហាញលទ្ធផលវិជ្ជមាន សម្រាប់សប្តាហ៍ទី ៣ ជាប់ៗគ្នា។ នេះបើយោងតាមទិន្នន័យពីគម្រោងតាមដានកូវីដ។ ក្នុងចំណោមរដ្ឋចំនួន ៥០ មាន ២៩ មានអត្រាតេស្តវិជ្ជមានលើស ១០% ។ អត្រាខ្ពស់បំផុតគឺរដ្ឋ Iowa ៤៤%នៅ Idaho និង ៤១%នៅ South Dakota៕
ចែករំលែកព័តមាននេះ