ខេត្តបន្ទាយមានជ័យ ៖ ដើម្បីជាការលើកទឹកចិត្ត និងការទន្ទឹងរង់ចាំ ក៏ដូចការសន្យា សិស្សនិទ្ទេសA ទាំង២៥នាក់ក្នុងខេត្តបន្ទាយមានជ័យ ទទួលបានរង្វាន់ម៉ូតូម្នាក់១គ្រឿង ជាអំណោយដ៏ថ្លៃថ្លារបស់សម្តេចក្រឡាហោម ស…
ខេត្តបន្ទាយមានជ័យ ៖ ដើម្បីជាការលើកទឹកចិត្ត និងការទន្ទឹងរង់ចាំ ក៏ដូចការសន្យា សិស្សនិទ្ទេសA
ទាំង២៥នាក់ក្នុងខេត្តបន្ទាយមានជ័យ ទទួលបានរង្វាន់ម៉ូតូម្នាក់១គ្រឿង ជាអំណោយដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ រួមទូរសព្ទស្មាតហ្វូនសេរីទំនើប (Iphone)ម្នាក់១គ្រឿង ជាអំណោយដ៏ថ្លៃថ្លា លោក អ៊ុំ រាត្រី អភិបាលនៃគណៈអភិបាលខេត្ត បន្ទាយមានជ័យ និងលោកជំទាវ ត្រូវបានប្រគល់ជូន កាលពីរសៀលថ្ងៃទី១៨ តុលា នៅក្នុងសាលាខេត្ត បន្ទាយមានជ័យ។
កម្មវិធីប្រគល់រង្វាន់ម៉ូតូជូនសិស្សជាប់និទ្ទេសAនេះ មានការអញ្ជើញចូលរួមជាអធិបតីភាពដ៏ខ្ពង់ខ្ពស់លោកជំទាវ ឧកញ៉ា ម៉ៅ ម៉ាល័យ កែគឹមយ៉ាន ប្រធានកត្តិយសសមាគន៍នារីកម្ពុជា ដើម្បីសន្តិភាព និងអភិវឌ្ឍន៍ខេត្តបន្ទាយមានជ័យ មានការអញ្ជើញចូលរួមលោកស សុខា រដ្ឋលេខាធិការក្រសួងអប់រំ យុវជន និងកីឡា នឹងជាអនុប្រធានសហភាពសហព័ន្ធយុវជនកម្ពុជា និងលោកជំទាវលោកអ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោកជំទាវ រួមនឹងមានការចូលរួមពីសំណាក់ឯកឧត្តម លោកជំទាវ សមាជិកព្រឹទ្ធសភា និងរដ្ឋសភា មន្ត្រីរាជការទូទាំងខេត្ត សិស្សនិទ្ទេសA សិស្សានុសិស្សបានចូលរួមចំនួនជាង១០០០នាក់។
ថ្លែងនាពេលនោះ លោក អ៊ុំ រាត្រី បានមានប្រសាសន៍ថា ៖ ក្នុងនាមថ្នាក់ដឹកនាំខេត្តបន្ទាយមានជ័យពិតជាមានក្តីសោមនស្សរីករាយជាខ្លាំង ដោយយើងទទួលបានធនធានអ្នកចេះដឹកច្រើន ជាក់ស្តែងការប្រឡងសញ្ញាបត្រមធ្យមសិក្សាទុតិយភូមិ២០១៨-២០១៩នេះ យើងទទួលបានសិស្សជាប់និទ្ទេសAរហូតទៅដល់២៥នាក់ កើនឡើងជាង២០១៨។
លោកអភិបាលខេត្ត ក៏បានជម្រុញដល់សិស្សានុសិស្សថ្នាក់ទី១២ជំនាន់ក្រោយ ត្រូវខិតខំសិក្សារៀនសូត្រឲ្យបានច្រើន ដើម្បីទទួលបាននិទ្ទេសល្អទាំងអស់គ្នា ពិសេសសិស្សានុសិស្ស ត្រូវចៀសឲ្យឆ្ងាយពីគ្រឿងញៀន ។
ចែករំលែកព័តមាននេះ