ខេត្តព្រះវិហារ ៖ សេចក្តីរាយការណ៍ឱ្យដឹងថា គិតមកទល់ម៉ោង៣រសៀលថ្ងៃទី០៤ កញ្ញា នេះ ក៏មិនទាន់រកឃើញកុមារាដែលត្រូវទឹកកួចទៅនៅឡើយរួមទាំងម៉ូតូមួយគ្រឿង ខណៈសមត្ថកិច្ចមូលដ្ឋាន បានសហការជាមួយយោធាក្នុងតំបន់បន្តការស្វែងរកយ៉ាងចិត្តទុកដាក់បំផុត ។…
ខេត្តព្រះវិហារ ៖ សេចក្តីរាយការណ៍ឱ្យដឹងថា គិតមកទល់ម៉ោង៣រសៀលថ្ងៃទី០៤ កញ្ញា នេះ ក៏មិនទាន់រកឃើញកុមារាដែលត្រូវទឹកកួចទៅនៅឡើយរួមទាំងម៉ូតូមួយគ្រឿង ខណៈសមត្ថកិច្ចមូលដ្ឋាន បានសហការជាមួយយោធាក្នុងតំបន់បន្តការស្វែងរកយ៉ាងចិត្តទុកដាក់បំផុត ។
គួររំលឹកថា កុមារាម្នាក់ឈ្មោះ គង់ រតនះកាន់តា អាយុ២ឆ្នាំ បានរសាត់បាត់ទៅតាមទឹកធ្លាក់បុស្សស្បូវ ស្ថិតលើភ្នំដងរែក (ព្រំដែនកម្ពុជា-ថៃ) ក្នុងភូមិតេជោបុស្សស្បូវ ឃុំស្រអែម ស្រុកជាំក្សាន្ត ខេត្តព្រះវិហារ ក្រោយជិះម៉ូតូជាមួយឪពុកម្តាយ ឆ្លងទំនប់បង្ហៀរទឹកតេជោបុស្សស្បូវ ក៏ជួបគ្រោះថ្នាក់ ដោយសារទឹកបោកខ្លាំងបណ្តាលឱ្យម៉ូតូដួលតែម្តង ។
តាមការបញ្ជាក់ពីលោកឧត្តមសេនីយ៍ត្រី ឆយ បូរិន នាយសេនាធិការដ្ឋាននៃស្នងការដ្ឋាន នគរបាលខេត្តព្រះវិហារថា មុនពេលកើតហេតុ វេលាម៉ោង០៧និង៤០នាទីយប់ថ្ងៃទី០៣ កញ្ញា បុរសជាឪពុក
ឈ្មោះ គង់ សុវណ្ណថារី អាយុ៣៨ឆ្នាំ ជាយោធានៅលើភ្នំដងរែក និងស្ត្រីឈ្មោះ ឡៃ ថៃ អាយុ២៤ឆ្នាំ ជាប្រពន្ធ និងត្រូវជាម្តាយកុមារារងគ្រោះឈ្មោះ គង់ រតនៈចាន់តា អាយុ២ឆ្នាំ បាននាំគ្នាជិះម៉ូតូ ត្រឡប់មកពីលេងមិត្តភក្តិរស់នៅក្បែរនោះ ។
លុះជិះមកដល់ចំណុចកើតហេតុ ស្របពេលមានភ្លៀងធ្លាក់ផង ទឹកហូរកាត់ទំនប់បង្ហៀរទឹកបុស្សស្បូវ ហូរខ្លាំង តែពេលនោះ ឪពុកជនរងគ្រោះបានសម្រេចចិត្តជិះម៉ូតូឆ្លងកាត់ទំនប់បង្ហៀរទឹកនេះ តែជាអកុសលទឹកហូរបោកធ្វើអោយម៉ូតូដួលខ្ទាត ហើយម្តាយខំអោបកូនជាប់នឹងដៃ ក៏ធ្លាក់ទៅបោកនឹងថ្ម ធ្វើអោយម្តាយកុមារារងគ្រោះ សន្លប់បាត់ស្មារតី របូតកូនពីដៃហូរទៅតាមទឹកតែម្តង រីឯឪពុកមិនមានគ្រោះថ្នាក់អ្វីឡើយ ។ (សម្រួលដោយ៖ ស្រីណា)
ចែករំលែកព័តមាននេះ