រាជធានីភ្នំពេញ ៖ កម្លាំងសមត្ថកិច្ចចំរុះបានចុះឡោមពន្ធ័អគារ APARTMENT មួយកន្លែង ឃាត់ខ្លួនជនជាតិចិនជាច្រើននាក់ តាមដីកាសង្ស័យជាប់ពាក់ព័ន្ធករណីចាប់ជំរិតតាមប្រព័ន្ធអ៊ិនធើណេត ។ រង្វង់ប្រតិបត្តិការនេះបានធ្វើឡើងតាំងពីម៉ោង៣រសៀលថ្ងៃទី២៩ ខែសីហានេះ…
រាជធានីភ្នំពេញ ៖ កម្លាំងសមត្ថកិច្ចចំរុះបានចុះឡោមពន្ធ័អគារ APARTMENT មួយកន្លែង ឃាត់ខ្លួនជនជាតិចិនជាច្រើននាក់ តាមដីកាសង្ស័យជាប់ពាក់ព័ន្ធករណីចាប់ជំរិតតាមប្រព័ន្ធអ៊ិនធើណេត ។ រង្វង់ប្រតិបត្តិការនេះបានធ្វើឡើងតាំងពីម៉ោង៣រសៀលថ្ងៃទី២៩ ខែសីហានេះ ចំនុចអគារ APARTMENT លេខ១៩៤ ផ្លូវ៤៣០ ភូមិ៤ ក្រុម២១ សង្កាត់ទំនប់ទឹកខណ្ឌបឹងកេងកង ។ និងទីតាំងមួយកន្លែងទៀត ស្ថិតនៅសង្កាត់ទួលស្វាយព្រៃ១ ខណ្ឌបឹងកេងកង ។
ជាបឋមសមត្ថកិច្ចឃាត់ខ្លួនបុរសជាជនជាតិចិនចំនួន១០នាក់ និងដកហូតកុំព្យូទ័រជាច្រើនគ្រឿងនៅសង្កាត់ទំនប់ទឹក ។ ចំនែកនៅសង្កាត់ទួលស្វាយព្រៃ២ ខណ្ឌបឹងកេងកងជាច្រើននាក់បន្ថែមទៀត ។
តាមប្រភពព័ត៌មានពីសមត្ថកិច្ចបានអោយដឹងថា កម្លាំងចម្រុះនៃអគ្គស្នងការនគរបាលជាតិ ដោយមានការចូលរួមពីនាយកដ្ឋានប្រឆាំងបទល្មើសបច្ចេកវិទ្យាព័ត៌មាន និងការិយាល័យសន្តិសុខកណ្តាលនៃអគ្គស្នងការនគរបាលជាតិបានសហការជាមួយនឹងកម្លាំងនាយកដ្ឋានអន្តោប្រវេសន៍ និងសមត្ថកិច្ចមូលដ្ឋានបានចុះឡោមពន្ធ័អគារ APARTMENT ខាងលើ ព្រមទាំងធ្វើការឃាត់ខ្លួនបុរសជាជនជាតិចិនជាច្រើននាក់ តាមដីកាពីប្រទេសចិន និងដកហូតកុំព្យូទ័រជាច្រើនគ្រឿងផងដែរ ។
ក្នុងករណីនេះដែរ សមត្ថកិច្ចក៏មិនអាចផ្ដល់បទសម្ភាសន៍ដល់អ្នកសារព័ត៌មាន យើងថា ជាករណីអ្វីអោយពិតប្រកដនោះទេ គ្រាន់តែសង្ស័យថា ជាប់ពាក់ព័ន្ធនឹងករណីចាប់ជំរិតតាមប្រព័ន្ធអ៊ិនធើណេតតែប៉ុណ្ណោះ ។
ក្រោយពេលកើតហេតុក្រុមជនសង្ស័យដែលជាជនជាតិចិន ព្រមទាំងវត្ថុតាំងត្រូវបានសមត្ថកិច្ចនាំខ្លួនយកទៅការិល័យសន្តិសុខកណ្តាលនៃស្នងការរាជធានីភ្នំពេញ ដើម្បីធ្វើការសាកសួរបន្ថែមទៀត ៕ កែសម្រួលដោយ ៖ សុឃាក់
ចែករំលែកព័តមាននេះ