រាជធានីភ្នំពេញ ៖ ផ្ទះ៣ល្វែងដែលសង់គ្មានបច្ចេកទេស និងគ្មានការត្រួតពិនិត្យពី មន្ដ្រីជំនាញត្រឹមត្រូវបានបាក់ស្រុតធ្លាក់ចូល ទៅក្នុងទឹកស្រះលិចស្ទើរបាត់រូបរាងនៅសល់ តែដំបូល បង្កឱ្យមានការភ្ញាក់ផ្អើលកាលពី វេលាម៉ោង១០ព្រឹក ថ្ងៃទី១០ កុម្ភៈ នៅក្នុង ភូមិត្រញំងឈូក សង្កាត់ទឹកថ្លា ខណ្ឌសែន សុខ ។ កម្មកររាប់សិបនាក់ដែលបានជួលផ្ទះ នៅជាប់សំណង់បាក់ស្រុតបានបង្ខំចិត្ដរើអីវ៉ាន់ចាកចេញដោយសារភ័យខ្លាចពីហេតុការណ៍ នោះ ។
សំណង់ផ្ទះល្វែងដែលបានបាក់ស្រុតនោះ អាជ្ញាធរមូលដ្ឋានឱ្យដឹងថា ស្ថិតនៅដីឡូត៍ លេខ៣៣៣ ក្រុមទី១៩ ភូមិត្រញំងឈូក សង្កាត់ទឹកថ្លា ដែលមានម្ចាស់ឈ្មោះមាច ចាន់ ភេទប្រុស និងឪពុកឈ្មោះឈិត ប៊ុនរិទ្ធ អាយុ៧០ឆ្នាំ ។ ផ្ទះ៣ល្វែងនោះ ត្រូវគេបុក គ្រឹះសង់នៅលើស្រះទឹក ដែលមានជំរៅ ប្រមាណ១០ម៉ែត្រ បានប្រមាណ៦០ភាគរយ ទៅហើយ ។ ទោះបីជាយ៉ាងណា គេពុំដឹងថា សំណង់នោះមានច្បាប់អនុញាតត្រឹមត្រូវ ឬ យ៉ាងណាទេ ។
បើតាមព័ត៌មានឱ្យដឹងថា សំណង់នោះពុំ មានច្បាប់អនុញាតពីសាលារាជធានីភ្នំពេញ និងមន្ទីររៀបចំដែនដីនគរូបនីយកម្មសំណង់ និងសុរិយោដីរាជធានីភ្នំពេញទេ ប៉ុន្ដែមានការ អនុញាតត្រឹមតែសាលាខណ្ឌសែនសុខ ប៉ុណ្ណោះ ។ ផ្ទះល្វែងនោះមាន៣ខ្នង ប្រវែង ១២ម៉ែត្រ និងមានជំរៅប្រវែង១៦ម៉ែត្រ ។ តាមគំរោងម្ចាស់ត្រូវសង់២ជាន់ តែទើបតែ សាងសង់បាន១ជាន់ចាក់ពិតាន និងមានឡៅ តឿផង ស្រាប់តែបាក់ស្រុតចូលទៅក្នុងស្រះ តែម្ដង ។
តាមសំដីកម្មរដែលស្នាក់នៅក្បែរឱ្យដឹង ថា សំណង់នោះបានបាក់ស្រុតតាំងពីវេលា ម៉ោង៥ល្ងាច ថ្ងៃទី៩ កុម្ភៈ មកដោយពីដំបូង បាក់ស្រុតផ្នែកខាងក្រោយ និងទាញផ្ទះជួល ធ្វើអំពីឈើនៅខាងកើតនោះផង ។ នៅល្ងាច នោះកម្មរខ្លះបាននាំគ្នារើអីវ៉ាន់ចេញដោយ សារភ័យខ្លាច ។ លុះដល់វេលាម៉ោង១០ព្រឹក ថ្ងៃទី១០ កុម្ភៈ តួសំណង់ទាំងមូលបានបាក់ ស្រុតធ្លាក់ចូលទៅក្នុងទឹកស្រះតែម្ដង ។គេឆ្ងល់ថា សំណង់ផ្ទះល្វែងនោះពុំមាន ច្បាប់អនុញាតត្រឹមត្រូវទេ និងសាងសង់នៅ លើស្រះទឹកទៀត ហេតុអ្វីអាចដំណើរការ សាងសង់បានដោយគ្មានការហាមឃាត់បែប នេះ។
ចែករំលែកព័តមាននេះ