រាជធានីភ្នំពេញ ៖ សេចក្តីរាយការណ៍បានបន្តទៀតថា អាជ្ញាធរ រួមទាំងកម្លាំងជំនាញៗផ្នែកសំណង់ បានសម្រេចចាប់ផ្តើមធ្វើការវាយកម្ទេចនូវខ្មោចអគារទាំងមូលតែម្តង នៅម៉ោង១១ព្រឹកថ្ងៃទី២៦ សីហា នេះ បន្ទាប់ពីសិក្សាយ៉ាងចិត្តទុកដាក់រួចមកនោះ…
រាជធានីភ្នំពេញ ៖ សេចក្តីរាយការណ៍បានបន្តទៀតថា អាជ្ញាធរ រួមទាំងកម្លាំងជំនាញៗផ្នែកសំណង់ បានសម្រេចចាប់ផ្តើមធ្វើការវាយកម្ទេចនូវខ្មោចអគារទាំងមូលតែម្តង នៅម៉ោង១១ព្រឹកថ្ងៃទី២៦ សីហា នេះ បន្ទាប់ពីសិក្សាយ៉ាងចិត្តទុកដាក់រួចមកនោះ ។
សេចក្តីរាយការណ៍បន្តថា ការវាយកម្ទេចអគារខាងលើនេះ គឺចាប់ផ្តើមធ្វើពីចំណុចលើដំបូលអគារមកមុន ដោយត្រូវប្រើគ្រឿងចក្រដ៏ធំមានដងវែង ដើម្បីយោងទៅខាងលើដំបូលអគារ រួចចាប់កាយវាយជាបំណែកបន្តិចៗទម្លាក់ចុះមកក្រោម ។
សូមរំលឹកថា៖ ទីតាំងផលិតពូក-ខ្នើយ ស្ថិតនៅភូមិចម្រើនផល១ សង្កាត់បឹង ទំពុន១ ខណ្ឌមានជ័យ ត្រូវបានភ្លើងត្របាក់ឆេះអស់រយៈប្រមាណ២០ម៉ោងមកនោះ គិតមកទល់ព្រឹកថ្ងៃទី២៦ សីហា អាជ្ញាធរមានសមត្ថកិច្ច រួមទាំងកម្លាំងជំនាញៗផ្នែកសំណង់ជាច្រើន បាននិងកំពុងចុះប្រតិ បត្តិការប្រើអេស្កាវ៉ាទ័រកាយកាកសំណល់សល់ពីភ្លើងឆេះដែលនៅព័ទ្ធនៅជុំវិញអគារនោះ គឺធ្វើបាន៣០%ហើយ ។ ហើយនៅពេលដែលកាយកាកសំណល់ និងរៀបចំរួចរាល់អស់ កម្លាំងនឹងឈានទៅវាយកម្ទេចអគារទាំងមូលនេះតែម្តង ។
សេចក្តីរាយការណ៍បន្តថា ស្របពេលកម្លាំងប្រើអេស្កាវ៉ាទ័រកាយគំនរសល់ពីភ្លើងឆេះដែលវានៅតែមានផ្សែងហុយតិចៗ គឺតម្រូវប្រើរថយន្តមកបាញ់ទឹកជាមួយគ្នាដែរ ដើម្បីការពារទប់ស្កាត់ កុំឱ្យវាក្លាយទៅជារងើកភ្លើងឡើងវិញ ។ ស្ថិតនៅទីតាំងកើតហេតុនេះ បានឃើញរថយន្តពន្លត់អគ្គិភ័យ រួមរថយន្តសង្គ្រោះផ្សេងចតទុកដើម្បីត្រៀមជាស្រេច ព្រោះខ្លាចមានឧប្បត្តិហេតុអាក្រក់ណាមួយ ដែលវានឹងអាចកើតឡើងជាថ្មី ដោយសមត្ថកិច្ចបានយាមកាមយ៉ាងតឹងរឹងបំផុត ។
ដូច្នេះ នេះជាការជូនដំណឹងដល់បងប្អូន ដែលមានចម្ងល់ថា នៅតែឃើញរថយន្តពន្លត់អគ្គិភ័យបើកចេញបន្តជាហូរហែនេះ ពិសេសនៅលើផ្លូវ២៧១ គឺចេញទៅកាន់ទីតាំងអគារដែលឆេះទេ សូមកុំភាន់ច្រឡំ ។
(សម្រួលដោយ៖ ស្រីណា)
ចែករំលែកព័តមាននេះ