Barcelona លេងក្បាច់ពិសេសចុងក្រោយដើម្បីនាំ Neymar ចេញពី PSG
តាមប្រភពព័ត៌មាន Sport បានឱ្យដឹងថា ក្លិបអ្នកមានបុណ្យ Barcelona នៅតែមិនព្រមឱ្យថ្លៃលើសពីមុន សម្រាប់ការទិញយកកីឡាករជើងខ្លាំង Neymar ពីក្លិបអ្នកមានបារាំង PSG…
តាមប្រភពព័ត៌មាន Sport បានឱ្យដឹងថា ក្លិបអ្នកមានបុណ្យ Barcelona នៅតែមិនព្រមឱ្យថ្លៃលើសពីមុន សម្រាប់ការទិញយកកីឡាករជើងខ្លាំង Neymar ពីក្លិបអ្នកមានបារាំង PSG ។ ដូចជាអ្វីដែលយើងដឹងមុនអ៊ីចឹង ក្លិប PSG បានច្រាណចោលការឱ្យថ្លៃលើកទីមួយរបស់ Barcelona ។
ក្នុងលក្ខខណ្ឌនៃការឱ្យថ្លៃ គឺ Barca ចង់បាន Neymar ធ្វើជាកីឡាករខ្ចីជើងរយៈពេលមួយរដូវកាលសិន ហើយអាចនឹងទិញយកជាផ្លូវការនៅរដូវកាលក្រោយ ក្នុងតម្លៃ១៦០លានអឺរ៉ូ។ បើទោះបីជា ខាងក្លិប PSG បដិសេធហើយក៏ដោយ ក្រុមទាំងពីរនៅតែបន្តការចចារគ្នាដដែល។
ខាងក្លិប PSG ចង់បានក្បែរនឹង២០០លានអឺរ៉ូសម្រាប់កីឡាករជើងខ្លាំងរបស់ខ្លួន តែខាង Barcelona នៅតែមិនព្រមទៅណាលើសពី ១៦០លានអឺរ៉ូ។ Barca ជឿជាក់ថា ១៦០លានអឺរ៉ូ គឺជាតម្លៃស្មើភាពគ្នា ហើយក៏អាចចាត់ទុកថាជួយយកកីឡាករប្រេស៊ីលរូបនេះចេញពីបន្ទុករបស់ PSG ផងដែរ។
ការចចារនៅតែបន្ត អាចមកពីគ្មានក្លិបណាមួយនៅអឺរ៉ុបចាប់អារម្មណ៍នឹងឱ្យថ្លៃដល់២០០លានអឹរ៉ូ។ បើទោះបីជាលក់បាន២០០លានអឺរ៉ូមែន ក៏ត្រូវខាតដែរ ព្រោះថា PSG ទិញ Neymar មកពី Barcelona ក្នុងតម្លៃ២២២លានអឺរ៉ូឯណោ៎ះ !
ប្រភព ៖ sport-english , កែសម្រួលដោយ ៖ សំណាង
ចែករំលែកព័តមាននេះ