ខេត្តកំពត ៖ ទីតាំងលួចបើកសេវាកម្មបម្រើផ្លូវភេទរបស់ជនជាតិចិនមួយកន្លែង ត្រូវបានកម្លាំងនគរបាលការិយាល័យអន្តោប្រវេសន៍នៃស្នងការដ្ឋាននគរបាលខេត្តបង្ក្រាប កាលពីយប់ថ្ងៃទី១៩ សីហា ព្រមទាំងឃាត់ខ្លួនមនុស្សប្រុស-ស្រីជាជនជាតិចិនចំនួន៩នាក់នាំមកកាន់ការិយាល័យនគរបាលអន្តោប្រវេសន៍ដើម្បីធ្វើការសាកសួរ ។ លោកឧត្តមសេនីយ៍ទោ ម៉ៅ…
ខេត្តកំពត ៖ ទីតាំងលួចបើកសេវាកម្មបម្រើផ្លូវភេទរបស់ជនជាតិចិនមួយកន្លែង ត្រូវបានកម្លាំងនគរបាលការិយាល័យអន្តោប្រវេសន៍នៃស្នងការដ្ឋាននគរបាលខេត្តបង្ក្រាប កាលពីយប់ថ្ងៃទី១៩ សីហា ព្រមទាំងឃាត់ខ្លួនមនុស្សប្រុស-ស្រីជាជនជាតិចិនចំនួន៩នាក់នាំមកកាន់ការិយាល័យនគរបាលអន្តោប្រវេសន៍ដើម្បីធ្វើការសាកសួរ ។
លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការខេត្តបានឲ្យកោះសន្តិភាពដឹងថា ទីតាំងដែលកម្លាំងសមត្ថកិច្ចចុះបង្ក្រាបខាងលើ ស្ថិតនៅក្នុងសង្កាត់ក្រាំងអំពិល ក្រុងកំពត ខេត្តកំពត ។ ប្រតិបត្តិការនេះ ស្ថិតក្រោមការសម្របសម្រួលពីលោក ខា ដែនណា ព្រះរាជអាជ្ញារងអមសាលាដំបូងខេត្ត ។
លោកស្នងការខេត្តបានបន្តថា កម្លាំងសមត្ថកិច្ចជំនាញរបស់ស្នងការដ្ឋានក្នុងការចុះបង្ក្រាបនេះ បានឃាត់ខ្លួនជនជាតិចិនទាំងអស់ចំនួន៩នាក់ ក្នុងនោះមានស្រីចំនួន៥នាក់ និងរឹបអូសវត្ថុតាងខិត្តប័ណ្ណផ្សព្វផ្សាយសេវាបម្រើផ្លូវភេទ ព្រមទាំងស្រោមអនាម័យមួយចំនួនផងដែរ ។ ក្រោយពីធ្វើការឃាត់ខ្លួន សមត្ថកិច្ចការិយាល័យជំនាញ កំពុងកសាងសំណុំរឿងបញ្ជូនទៅតុលាការចាត់ការតាមនីតិវិធី ។
នេះជាលើកដំបូងហើយ ដែលក្រុមជនជាតិមិនបានឈានជើងចូលខេត្តកំពត ដែលតាមប្រភពព័ត៌មានបានឱ្យដឹងថា មានផ្ទះសំណាក់៣កន្លែង ត្រូវបានក្លាយជាកម្មសិទ្ធិធ្វើអាជីវកម្មសម្រាប់បម្រើផ្លូវភេទ ដែលគេឱ្យឈ្មោះថា «ផ្ទះសំណាក់ទ្វារនាគ» ដោយជនជាតិចិន ។
បានកត់សម្គាល់ថា ខណៈដែលកំណើនជនជាតិចិនមិនទាន់ត្រូវបានកត់សម្គាល់នៅឡើយ ក្នុងក្រុងកំពត
តែវាហាក់ដូចជាឆ្ងល់ដែរ បែរជាមានស្ត្រីជនជាតិចិនបានមកបម្រើសេវាផ្លូវភេទ ក្រោមការចាត់ចែងរបស់បុរសជនជាតិចិន៤នាក់សម្រាប់ទាក់ម៉ូយដែលមានខិត្តប័ណ្ណផ្សព្វផ្សាយមានរូបស្រីស្រស់គួរឱ្យទាក់ទាញនិងសរសេរជាភាសាចិន ។ តាមរយៈខិត្តប័ណ្ណនេះបកប្រែមកថា មិនមានការផ្សព្វផ្សាយសំដៅលើក្រុមបុរសទូទៅនោះទេ បានន័យថា «លួចលាក់សម្រាប់គ្នាយើង» ។
មិនមានព័ត៌មានច្រើនទេជុំវិញការបង្ក្រាបផ្ទះសំណាក់ទ្វារនាគ នៅក្រុងកំពតនេះ តែក៏ជាសារមួយផងដែរដែលបង្ហាញថា នគរបាលខេត្តកំពតមិនអនុញ្ញាតឱ្យមានស្រីបម្រើសេវាផ្លូវភេទនោះឡើយ ។ ការបង្ហាញវត្តមានក្រុមស្ត្រីជនជាតិចិនបម្រើផ្លូវភេទនៅក្រុងកំពតអាចចាត់ទុកថាជាទីតាំងថ្មីមួយដែលធ្វើឱ្យមានការចាប់អារម្មណ៍នាពេលនេះ ៕
ចែករំលែកព័តមាននេះ